Luke 6:35 - Loina Tabu Auwauna NT

³⁵ Ta 'omi esi 'ilobwenemi be 'ami talauwalao wada yaledi be wada obobomedi be wada 'ebwaya 'ediya, ta geya'abo e'isa manuna wayamwayamwa. Ta ma'etamo 'ami e'isa sinabwana wada loba, be 'enega 'omi Toloetana sana natunao. Manuna tauna toto'umalidi ta wate tooopa'alao 'iobobomedi.

Luke 6:35 Σταυροειδείς Αναφορές

Madiu 5:9

'Omi togienuwa siwalowao wada gwausowala, manuna Yaubada 'ida 'awanatunemi.

Maki 5:7

ta 'imagana toila, 'igwae, “Yesu ye, 'oyo Yaubada Toewaiwai sana Natuna, to'ase 'utootoo be 'uguinuwe 'eguya? Tuwa! Yaubada 'ana esanega yasida 'emuya be geya'abo 'uda giegie'elouyagu.”

Luke 1:32

Tauna ma'etamo 'ietoewaiwai be tomota sida bwauye tauna Toloetana sana Natuna, be 'Inapwana Yaubada loina waiwaina 'ida 'ebwa'e, nadigega tubuna Debida 'ina loina,

Luke 6:36

'Enega 'omi wate wada 'atenuwa'ole'ole tuga, nadigega Tamami 'i'atenuwa 'ole'ole'esemi.

Yoni 13:35

be 'imi eobooboboma 'enega tomota yaudi sida mwalatonimi 'aene 'omi 'agu tomuliyao.”

Yoni 15:8

'Abo wamuliya 'ai'ailigu, uwami 'ida bobo'ana, be 'enega Tamagu 'ina waiwai tomota sida 'ita.

Guinuwa 14:17

ta sa'i 'ebe'itao 'ediya simiyami be 'aene 'ediyega Yaubada nina sida mwalamwalatoni, ta 'ebe'ita nidi 'ina obobomao 'ediya be 'omi 'emiya, nate 'usana galewega be wate 'oelaa bobo'ana, be 'ediyega sesoi bobo'adi walobaloba be 'enega wa'e'ai be manuna wagwaugwausowala.”

2 Kolinita 8:9

'Omi 'ida 'Inapwana Yesu Keliso 'ina oboboma wamwalatonina, tauna 'ina esaesa sinabwana 'ipilisinena ga 'iegomabeso sabi 'etoseyemi, be 'aene 'ina egomabeso 'enega 'omi wada eesaesa.

2 Timoti 3:2

Manuna tuta nina 'enaya tomota taudimo manudi sinuwanuwa, be esaesa 'ana yala 'iloemaedi, ta sinuwatu'e be gagasa 'aledi be wate eliya 'aledi. Wate sinadiyao be tamadiyao 'enadi geya'abo siematamatanedi, ta mali tomota 'idi guinuwa bobo'adi manudi nigeya sida lokagutoki.