Luke 6:30 - Loina Tabu Auwauna NT

³⁰ Ta wate 'eguma yaita 'emuya 'isisida 'ebweu yage manuna, yage nina 'uda 'ebwa'e. Ta 'abo yaita 'imu gwegwe 'i'ewena ga 'ena 'imiyami, geya'abo manuna 'uonaona limalimana.

Luke 6:30 Σταυροειδείς Αναφορές

Madiu 18:35

'Enega Yesu 'ina ona 'ilosalonina, 'igwae, “Tamagu galewaya wate 'emiya 'ida guinuwa nadigega, 'eguma tasimiyao geya'abo wa'ate'atenuwa 'ole'oleyedi be 'idi loegesiyao wanuwanuwataudi.”

Madiu 5:39

Ta 'abo'agu yaloinemi 'aene geya'abo e'isa, ta esi 'eguma yaita 'ase'ase 'ataiyo 'isapi, geya'abo nimana 'ue'isaile, ta esi gegeumiyo wate 'utagwale be 'isapi.

Madiu 6:12

Ta 'ima bubuna to'umalina 'uda nuwataudi, nadigega 'abo'ama wate gosemao 'idi bubuna to'umalina 'emaya 'anuwataudi.

Luke 11:41

ta 'ilobwenemi be 'atemi lo'ebwa'ebwaya 'enega wada gie'esasadi be 'enega wada 'esasa 'ai'aila.

Luke 12:33

“'Enega 'imi gwegweyao wada egimwaneyedi be mani nidi wada eguyaiyedi togomabeso 'ediya, be 'enega galewaya 'imi esaesa 'ida miyaataya. Esaesa nina galewaya 'imiyami nigeya wate 'ina 'ebe gumwalamo, manuna nigeya 'ebweu wate to'ipwala sena nina 'ena, ta wate nigeya manumanuwa.

Luke 18:22

'Ina ona gete nadigega Yesu 'inonona, 'enega 'igwae, “'Ebweuna yage namo 'ilogegesemu, nate 'aene 'imu gwegweyao maibo'ana 'uda egimwaneyedi be 'adi maisa togomabeso 'ediya 'ueguyaiyedi, ta 'enega 'umamai be 'umuliyegu be 'enega ma'etamo 'imu esaesa galewaya 'uda loba.”

Luke 6:29

Ta 'abo yaita 'ase'aseyo 'isapi, geya'abo nimana 'ue'isaile ta esi mali 'ase'ase wate 'utagwale be 'isapi. Ta 'eguma yaita 'imu sita 'i'ewena, 'amu 'oama wate 'uda tagwale 'enaya.

Luke 6:31

Ta 'abo to'ase nuwanuwami be tomota 'emiya siguinuwei, 'omi wate nadigega 'ediya wada guinuwa'esa.

Luke 6:38

Ta wate ma imi 'atetagwala tomota wada obobomedi, be 'enega Yaubada 'ida obobomemi, be 'ina oboboma nina sinabwa wawasae 'emiya 'ida 'etosiwa. Manuna to'ase 'imi guinuwa tomota 'ediya, Yaubada wate nadigega 'ida guinuwa 'emiya.”

Guinuwa 20:35

'Igu bubuna getedi 'ediyega yae'itemi 'aene 'ilobweneda be tauda 'ida paisewega tonenetao tada lemedi. Nadigega wate 'Inapwana Yesu 'ina ona wanuwayaina, nate 'igwae, ‘'Ewadaita nigeya gwausowalinamo, ta 'ebwaya esiya 'ana gwausowala sinabwa wawasae.’ ”

2 Kolinita 8:9

'Omi 'ida 'Inapwana Yesu Keliso 'ina oboboma wamwalatonina, tauna 'ina esaesa sinabwana 'ipilisinena ga 'iegomabeso sabi 'etoseyemi, be 'aene 'ina egomabeso 'enega 'omi wada eesaesa.

Epeso 4:28

To'ipwalao 'ilobwenedi be silosa'u, ta esi paisewa bobo'ana nimadiyega sida guiguinuwe, be paisewa nina 'ana maisa 'enega lema sida 'ebwa'ebwaya togomabeso 'ediya.