Luke 6:21 - Loina Tabu Auwauna NT

²¹ Ta 'omi 'abo wabotana wada gwausowala, manuna ma'etamo gamwami 'ipapawa. Ta wate 'omi 'abo wadedoi, wada gwausowala manuna ma'etamo waedagi.

Luke 6:21 Σταυροειδείς Αναφορές

Madiu 5:4

'Omi todedoi wate wada gwausowala, manuna Yaubada 'ida giegwausowalimi.

Madiu 5:6

Ta 'abo 'omi bubuna bobo'ana nuwanuwami sinabwana, wada gwausowala, manuna bubuna bobo'ana 'atemiya 'ida sinabwa.

Luke 1:53

Ta wate tobotana 'ie'enidi ga gamwadi 'ipawa, ta toesaesao maanimenimedimo 'ietune iledi.

Luke 6:20

'Enega Yesu 'ina tononoyao nidi 'iduneyedi ga 'ieonedi, 'igwae, “'Abo 'omi gomagomabesomi, wada gwausowala manuna Yaubada nimanaya wamiyami.

Luke 6:22

'Abo'agu Tomota Natuna ta wada gwausowala 'eguma manugu tomota sietalauwalemi, nai siguitoyasemi, nai silo'aegilemi nai si'awa to'umaliyemi.

Luke 6:25

Ta yaisigedi 'omi gete tuga ni'atu gamwami 'ipawa, ma'etamo wada nuwamwau manuna 'iabe botana sinabwana waloba. Ta wate 'abo gete tuga waedaedagi, ma'etamo ma imi nuwamwau wadedoi.

Yoni 11:35

Ga gote 'ena Yesu wate 'idedoi.

Yoni 4:10

Ta Yesu waine Samelia nina 'ieonena, 'igwae, “'Eguma 'umwalamwalatoni Yaubada 'ina oboboma 'emuya, ta wate 'abo 'umwalatonina 'aene yaita 'abo'agu numa manuna yasidasidawa, 'oyo esi 'ilobwenemu be 'eguya 'uda sida bwasi yawasiyo manuna, be yada 'ebwa'eyo.”

Yoni 6:35

Ta Yesu 'ieonedi, “'Abo'agu yawasimi 'ana masula be 'enega 'abo yaita 'imama 'eguya geya'abo 'ibotabotana, ta 'abo yaita 'iemisegu geya'abo sa'i tona'ana 'iyapayapasa.

1 Kolinita 4:11

Tuta yauyauna ma 'ama botana be ma 'ama tona'a yapasa, be nigeya 'ama 'oamamo, be nigeya 'ima anuwamo wate, 'enega 'ama 'ita 'atuwa 'amiyamiya nanaewa.

2 Kolinita 11:27

'ima paisewa sinabwana ga miyamwau 'adi tuta 'ediya, boiboi nigeya yada 'eno, ta botana be tona'a yala, wate tuta yauna nigeya 'agu masulamo, ta nigeya 'igu anuwamo tuta gogai 'ediya.

2 Kolinita 12:10

'Enega Keliso manuna yatagwatagwala mwau yaudi 'ediya, nadigega neneta, 'awa to'umalina, tuta mwau, etalauwala, esilae. Manuna 'abo yaneneta gete 'igu 'ebe ewaiwai!

2 Kolinita 6:10

'Abo'ama ma ima nuwamwau ta esi 'atemaya 'agwaugwausowala. 'Abo'ama 'atuwa gomabeso ta esi esaesa 'aegueguyai tomota yaudi 'ediya. Nigeya wate 'ima gwegwemo, ta esiya yage maibo'ana 'emaya simiyami.

Yemesa 1:12

'Abo yaita 'oyo 'ebe toonayao 'ediyega 'utoolo pa'ala, 'uda gwausowala. Manuna 'amu pali bobo'ana Yaubada 'enega 'uda loba, nate yawasi ataya. Gete Yaubada 'ina onaupaupa maibo'ana 'edaya, 'abo taobobome.

E'ita'ita 21:3

Ga 'ebemi esaesa 'enega 'enana sinabwana yanonona, 'igwae, “'U'ita, Yaubada be 'ina tomota ma'enao sida miyami, manuna tauna ma'edi, be taudi 'ina tomotaiyao. Ona'ai'aila Yaubada ma'edi,

E'ita'ita 7:16

be geya'abo wate sibotabotana nai tona'adi 'iyapayapasa, ta geya'abo wate ala nai to'ase yaiyaina 'enega si'elo'elouya.