Luke 5:30 - Loina Tabu Auwauna NT

³⁰ Gote 'ena Palisiyao be 'idi loina 'ana toe'itao silomugi Yesu 'ina tononoyao 'ediya, sigwae, “To'ase 'alena ga takisi 'ana to'ewao be wate toto'umalidi 'aina ma'emiyao wa'e'ai egogona?”

Luke 5:30 Σταυροειδείς Αναφορές

Madiu 5:46

Ta 'eguma gosemiyao dimo waobobomedi, nigeya sawesawenaya be pali Yaubada 'enega waloba, manuna toto'umalidi, nadigega takisi 'ana to'ewao, 'idi oboboma nadigega 'omi 'imi oboboma, gosediyao dimo siobobomedi.

Madiu 9:11

'Enega 'aidi Palisiyao si'itena ga Yesu 'ina tononoyao 'ediya sienaida, sigwae, “To'ase manuna 'imi toe'ita takisi 'ana to'ewao ta wate toto'umalidi 'aina ma'enao si'e'ai egogona?”

Maki 2:16

'Enega Palisi 'idi loina 'ana toe'itao si'itena, ga Yesu 'ina tononoyao 'ediya sienaida, sigwae, “To'ase manuna 'imi toe'ita takisi 'ana to'ewao ta wate toto'umalidi 'aina ma'enao si'e'ai egogona?”

Maki 7:3

Manuna Palisiyao be wate me Yudia maibo'adi 'idi bubuna tubudiyao 'ediyega nate nadigega: Nugana nimadi si'utu 'ai'ailidi be muliyega si'a'a.

Maki 9:16

Ta Yesu 'idi egewagewana manuna 'ienaida, 'igwae, “To'ase manuna waonaona?”

Luke 18:11

'Enega Palisi nina 'itoolo ga 'isidasida, 'igwae, ‘Yaubada ye, yalokagutoki 'emuya manuna 'abo'agu nigeya nadigega gosegwao 'idi bubuna, manuna taudi to'ipwala diidiga be kabokabodi be loeloelatadi, ta wate 'abo'agu nigeya nadigega takisi 'ana to'ewa gote,

Luke 19:7

Gote 'ena tomotai nidi yage gete si'itena, ga silomugi, sigwae, “Mwa'adega ga Yesu 'ilugu toto'umalina 'ina anuwaya?”

Luke 5:17

'Ebweu 'asiyata 'enaya Yesu boda 'ie'ie'itadi. Ta 'aidi Palisiyao be loina 'ana toe'itao taudi simai Galili be Yudia be Yelusalema 'asanao 'ediyega ga boda ma'ediyao simiyami ta sienoenono. Tuta gote 'ena Yaubada 'ina waiwaiyega Yesu tole'oasao 'igiegie bobo'anedi.

Luke 5:21

Ta sa'i, loina 'ana toe'itao be Palisiyao Yesu 'ina ona ni'atu sinonona ga taudimo 'ediya sienaenaida, sigwae, “Yesu gete mwa'adega ga Yaubada 'ena 'ioopa'ala? Manuna nigeya 'ebweu yaita sawesawenaya be tomota 'idi bubuna to'umalina 'ida nuwataudi, nate namo Yaubada sawesawenaya.”

Luke 7:34

Ta esi 'abo'agu Tomota Natuna yamai be ya'e'ai ta yanumanuma, ta wate manugu walomugi, wagwaegwae, ‘Tai getei to'ai ta tonuma diidiga, ta wate takisi 'ana to'ewao be 'aidi wate toto'umalidi 'iegosigosiyanedi.’

Luke 7:39

'Enega Palisi nina taunamo 'ena 'inuwanuwa kwaiya 'igwae, “Tai gete, 'eguma tauna palopita, 'ida mwalatoni waine gete 'igitogitoona tauna toto'umalina.”

Guinuwa 23:9

Ta egalagalala sinabwana 'iapwesa, ga 'aidi Palisi 'idi loina 'ana toe'itao sitoolo, ga siona waiwai, sigwae, “Tai gete nigeya 'ebweu 'ina to'umalina 'a'ita'ita loba. Ta nai 'ina nuwanuwa gete yaluyaluwa nai anilose 'enega 'ilobena.”