Luke 5:21 - Loina Tabu Auwauna NT

²¹ Ta sa'i, loina 'ana toe'itao be Palisiyao Yesu 'ina ona ni'atu sinonona ga taudimo 'ediya sienaenaida, sigwae, “Yesu gete mwa'adega ga Yaubada 'ena 'ioopa'ala? Manuna nigeya 'ebweu yaita sawesawenaya be tomota 'idi bubuna to'umalina 'ida nuwataudi, nate namo Yaubada sawesawenaya.”

Luke 5:21 Σταυροειδείς Αναφορές

Madiu 26:65

'Enega totaliya sinabwana nina 'igamwasowala 'ai'aila ga taunamo 'ana 'oama 'isabuna ta 'igwae, “'Ina ona to'umalina wanononaya? Ona'ai'aila, tai gete Yaubada 'isinalina. Tuwa! Geya'abo wate toe'ewao sionaona 'ina loegesiyao manudi.

Madiu 9:3

Ta 'aina loina 'ana toe'itao Yesu 'ina ona sinonona ga taudimo 'ediya sieonaona, sigwae, “Yesu gete 'ionaona oopa'ala Yaubada 'enaya.”

Luke 3:8

'Enega 'ilobwenemi be 'imi nuwa'ebuni 'ai'aila wada e'itae 'imi guinuwa bobo'adi 'ediyega. Ta geya'abo waonaona 'aene 'omi Ebelaamo tubunao 'enega Yaubada 'ida 'atenuwa 'ole'oleyemi. Nigeya sa'i! Ta wa'ita, Yaubada sawesawenaya be gulewa getedi 'ediyega Ebelaamo tubunao 'imweluluidi.

Luke 5:17

'Ebweu 'asiyata 'enaya Yesu boda 'ie'ie'itadi. Ta 'aidi Palisiyao be loina 'ana toe'itao taudi simai Galili be Yudia be Yelusalema 'asanao 'ediyega ga boda ma'ediyao simiyami ta sienoenono. Tuta gote 'ena Yaubada 'ina waiwaiyega Yesu tole'oasao 'igiegie bobo'anedi.

Luke 5:22

'Idi nuwanuwa Yesu ni'atu 'imwalatonina, 'enega 'ieonedi, “To'ase manuna 'atemiya nate nadigega wanuwanuwa'esa?

Luke 7:49

Ta tomotai nidi taudi ma'enao si'e'a, Yesu 'ina ona sinonona ga taudimo 'ediya silomugi, sigwae, “Yaita sana gete be 'aene to'umalinao 'inuwataudi?”

Yoni 10:33

'Enega me Yudia nidi Yesu 'ina ona sie'isena, sigwae, “Nigeya 'aene 'imu guinuwa bobo'ana manudi 'aunuyo, ta esi 'imu ona oopa'ala manuna. Manuna 'oyo tai tuga ta 'uona 'aene 'oyo Yaubada.”

Loma 8:33

'Enega nigeya sawesawenaya be 'ebweu yaita 'ie'ewada, manuna Yaubada nina ni'atu 'iesinuweda ga 'i'awa palupaluyeda.