Luke 24:46 - Loina Tabu Auwauna NT

⁴⁶ Ga 'ediya 'igwae, “Gete nadigega si'etoladi'esena, 'igwae, To'etoseyana nina 'elouya be mwawasa 'ida loba, be 'enega 'asiyata 'etonina 'ena mwawasega 'ida toololimana,

Luke 24:46 Σταυροειδείς Αναφορές

Madiu 26:24

'Abo'agu Tomota Natuna ma'etamo yatatauya 'eda nina lowa Buki Tabu 'ena 'igimisimanena, ta esi 'agu tosipupu nina nuwa'ole'olena sa'i, ta bobo'ana 'abo lowa sinana geya'abo 'ida enaenatune.”

Luke 24:44

Ta 'ieonedi, 'igwae, “Ona nidi ni'atu yaemwasalidi 'emiya tuta nina 'abo'agu ma'emi, maibo'ana manugu si'etoladina Mosese 'ina buki 'enaya be palopitao 'idi buki 'ediya ta wate wali Same 'ediya, be 'enega 'igu simana nina 'ana mwalatoi 'ai'aila 'ida apwesa.”

Luke 24:7

‘'Abo'agu Tomota Natuna sida 'ebwayaegu toto'umalidi 'ediya, 'enega kelose 'enaya sida tutu epa'iyegu, ta 'asiyata 'etonina 'enaya mwawasega yada toololimana.’”

Yoni 20:9

Ta esi nigeya sinuwanuwa sabwaleni Buki Tabu 'ina simana nina 'igwae, ‘To'etoseyana nina mwawasega 'ida toolo limana.’

Guinuwa 17:3

ta Paulo nina mwalatoi 'i'ebwa'edi, 'igwae, “To'etoseyana nina 'ilobwenena be 'elouya 'iloba be 'ida mwawasa, be wate mwawasega 'ida toolo limana.” Ta wate 'igwae, “Yesu nina yasimasimanena 'emiya, tauna tuga To'etoseyana nina.”

Guinuwa 4:12

Ta nigeya 'ebweu yaita sawesawenaya be 'i'etoseyeda. Nate namo Yesu. Ta nigeya 'ebweu wate esana bale'uya 'imiyami be 'enega 'etoseyana tada loba.”

1 Pita 1:3

Yaubada tada tupu, tauna 'ida 'Inapwana Yesu Keliso tamana, manuna 'i'atenuwa 'ole'oleyeda sinabwana, ga tubuwa auwauna 'i'ebwa'eda Yesu Keliso 'ina toololimana mwawasega 'enega. Gete manuna tuta yauna tanuwayaina 'aene 'ina obobomao galewaya ma'etamo talobadi.