Luke 24:19 - Loina Tabu Auwauna NT

¹⁹ 'Enega Yesu 'ieonedi, “To yage sana?” Ga taudi sigwae, “Yage nidi Yesu goma Nasaleta 'enaya siapwesa. Tai getei tauna palopita, ta wate Yaubada be tomota matadiya 'ina onao be 'ina guinuwao waiwaidi.

Luke 24:19 Σταυροειδείς Αναφορές

Madiu 21:11

Ta 'ana 'oayabuyao tomota nidi 'idi ona sie'isena, sigwae, “Gete palopita, goma Nasaleta, 'ana esana Yesu, ta Galili 'ina 'ebeloina 'enega 'imai.”

Maki 1:24

'igwae, “Yesu, 'oyo goma Nasaleta, to'ase 'alena ga 'umai 'emaya? Nuwanuwayo be 'aene 'uda pe'uma, aga? Ta 'oyo sa'i ni'atu yamwalatonimu, 'oyo tuga Yaubada Natuna.”

Luke 24:18

Ga gosiyanana 'ana esana Kaliopasa 'iona limana ga Yesu 'ena 'igwae, “Na 'oyo tebweumumo Yelusalema 'enaya nigeya 'umwalamwalatoni to'ase 'iapwesa 'asiyata 'etoi sigumwala 'ediya, aga?”

Luke 7:16

Gote 'ena tomotai nidi simatauta ga Yaubada situpuna, sigwae, “Palopita sinabwana ni'atu gete 'iapwesama. Gete Yaubada 'ina ayausa 'abo'ada 'ina tomotaiyao 'edaya.”

Yoni 3:2

ga boiboiya 'imai Yesu 'enaya ga 'ieonena, 'igwae, “'Inapwana, 'amwalamwalatoni 'aene 'oyo toe'ita Yaubada 'enega, manuna nigeya 'ebweu yaita 'ina guinuwa 'ana waiwai nadigega 'oyo, 'abo Yaubada nigeya ma'iyana.”

Yoni 4:19

Gote 'ena waine Yesu 'ina ona 'ie'isena ga 'igwae, “'Inapwana, ni'atu yamwalatonimu 'aene 'oyo palopita 'ebweu.

Yoni 6:14

Tuta nina gote 'enaya tomota nidi 'ina guinuwa waiwaina 'ana we'iwe'iyaya si'itena ga sigwae, “Gete palopita nina siona upaupaena 'aene bale'uya 'ida ma.”

Yoni 7:52

Ga 'inapwanao nidi Nikodimo si'ena pa'alina, sigwae, “Nai 'oyo sana goma Galili aga? Ta Buki Tabu 'usawa be 'umwalatoni 'aene nigeya 'ebweu wate palopita Galili 'enega 'imeema.”

Guinuwa 10:38

Tetela nina 'aene Yaubada Yesu goma Nasaleta 'igiewaiwaiyena Yaluyaluwa Tabuna 'enega, ga 'isakosakowasi ga tomota 'ilemelemedi, ta 'abo yaisigedi Seitani be yaluyaluwa to'umalidi sigiele'oasidiya, Yesu 'igiebobo'anedi, manuna Yaubada 'ina waiwai 'enaya 'imiyami.

Guinuwa 2:22

Pita wate 'ieonedi, 'igwae, “Me Isileli 'omi ona gete wada nono, Yesu tauna goma Nasaleta manuna. Yesu nina matamiya Yaubada 'ie'itaena 'aene tauna 'ina toguinuwa nina, manuna Yesu 'ina guinuwa waiwaidi ta 'ebe nuwaowana, Yaubada 'ina waiwaiyega 'iguinuwedi, ta wamwalamwalatonidi manuna gamwagamwanimiya 'iguinuwedi.

Guinuwa 7:22

“'Enega Mosese me Itipita 'idi sinasinapu maibo'ana sie'itena, ga 'imwalatonidi, ta 'ina onao be 'ina guinuwao 'ediya 'iewaiwai wawasae.