Luke 22:52 - Loina Tabu Auwauna NT

⁵² Yesu 'ana togiyainao nidi taudi totaliyao sinabwadi be Anuwa Tabu 'ana to'ita'i'itao be 'inapwanao simai, ga Yesu 'ieonedi 'igwae, “Sana 'abo'agu to'ipwala, ga 'enega ma imi sisisaiya be ma imi wapasi wamai sabi giyaigu!

Luke 22:52 Σταυροειδείς Αναφορές

Madiu 26:47

Yesu 'etamo 'ionaona ta 'ebweu 'ina tonono, Yudasa, tolosaiyao ma'enao siapwesa. Totaliyao sinabwadi be me Isileli 'idi 'inapwanao tolosaiyao nidi sietunedi Yudasa ma'edi, Yesu sabi giyaina, ta boda nidi ma idi sisisaiyao be wepasiyao wate simai.

Madiu 26:55

Gote 'ena Yesu boda 'ieonedi, 'igwae, “Sana 'abo'agu to'ipwala, ga 'enega ma imi sisisaiya be ma imi wepasi wamai sabi giyaigu! Ta to'ase 'alena ga 'enega nigeya wagiyagiyaigu 'asiyata nidi yaudi Anuwa Tabu 'ena yamiyami ta yae'ie'ita tomota 'ediya?

Luke 22:37

“Manuna tuta ni'atu 'imai saba, be 'enega Buki Tabu 'ena lowa 'ebweu ona manugu si'etoladinaya, 'ida apwesa 'ai'aila, 'igwae, ‘Sietalaena 'atuwa nadigega 'ebweu tole'oa loina’. Be wate ona yauna manugu siapwesa 'ai'aila.”

Luke 22:4

'Enega Yudasa nina 'itauya totaliya sinabwadi be Anuwa Tabu 'ana to'ita'i'itao 'ediya ga ma'edi si'awagwae be 'aene mwa'adega Yesu 'itelesipupu'ese be sigiyai.

Luke 22:51

Ga Yesu 'iona, “Walosa'u! Geya'abo nadigega!” Ga muliyega Yesu tai nina tenana 'igitoona ga 'igie bobo'anena.

Luke 22:53

Ta to'ase 'alena ga 'enega nigeya wagiyagiyaigu 'asiyata nidi yaudi gamwagamwanimiya yamiyami Anuwa Tabu solanaya, ta yae'ie'ita tomota 'ediya? Ga gete tuga 'aene watoo be wagiyaigu manuna loina guguyoi 'ina tuta ni'atu 'imai saba.”

Yoni 17:12

Ta tuta nina 'abo'agu ma'edi 'imu waiwai nina 'u'ebwa'eguya 'enega ya'ita'i'isidi, ta nigeya 'ebweu wate yaita 'ediyega yaloseloseye, nate namo tai nina lowa Buki Tabu 'ena tauna manuna 'ieonena be 'aene 'iesilae.

Guinuwa 5:26

'Enega Anuwa Tabu 'ana to'ita'i'ita ma ina toguinuwao siapwesa, ga tosimanao nidi sigiyaidi ga oonuwega sime'edi, manuna simatauta pwalu 'ediya, ta geya nuwadi be pwalu sigamwasowaledi, 'abona nai gulewega siloibwaibwadi.