Luke 22:43 - Loina Tabu Auwauna NT

⁴³ 'Enega anilose galewega 'iapwesa ga Yesu 'igie 'atepatuyena,

Luke 22:43 Σταυροειδείς Αναφορές

Madiu 26:53

'Uda mwalatoni 'aene 'abo nuwanuwagu Tamagu 'ena yasisida 'agu lema manuna, 'iabe gete tuga aniloseyao mabodadi tomoyauyau 'ietunedima.

Madiu 4:11

'Enega Seitani Yesu 'ipilisinena, ga muliyega aniloseyao siapwesa ga silemena.

Madiu 4:6

ga 'ena 'ieonena, 'igwae, “'Eguma 'oyo Yaubada Natuna, gete 'enega 'usosobu, ta geya'abo 'uesiesilae. Manuna Buki Tabu ni'atu 'isimana, 'igwae, ‘Yaubada 'ina aniloseyao 'ida loinedi be si'ita'i'isiyo’, be wate 'igwae, ‘Nimadiyega sida 'aaliyo, be 'enega geya'abo 'aeyo siesiesilae gulewa 'ediya.’”

Luke 22:32

ta geya'abo 'ebe toona nina 'ena 'uneeneta 'ai'aila, manuna ni'atu manuyo yasida waiwai 'imu toolopa'ala manuna. Be 'enega 'abo to tuta 'usanaila 'eda bobo'ana 'enaya, tasimwao wate 'ugie waiwaiyedi.”

Guinuwa 14:22

Ta 'idi sakowasi nina 'ena Yesu 'ana toemisao sigiepa'alidi 'asa 'ebweuna 'ebweuna 'ediya, ta siloguguyedi be geya'abo 'idi emisa 'ida neeneta, ta sigwae, “Ona'ai'aila, ma'etamo 'ida 'elouyao yaudi 'ediyega talulugu Yaubada 'ina 'ebeloina 'ena.”

Guinuwa 18:23

Anitioki 'ena 'imiya'amana, ga muliyega 'itoolo ga Galetia be Piligia 'asanao 'ebweuna 'ebweuna 'ediya 'isakosakowasi, ta Yesu 'ana toemisao 'igiepa'alidi.

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.

Ibeliu 1:14

Ta aniloseyao taudi yaluyaluwa tuga ta toepilialeale, taudi Yaubada 'isa'udi be 'aene silemeda 'abo'ada, yaisigedi 'abo 'etoseyana manuna 'iesinuweda.

Ibeliu 1:6

Ta tuta nina 'ina tomatuwa 'ietunenama bale'uya, 'igwae, “Aniloseyao galewaya 'ilobwenedi be tauna 'ena sibwagobwago.”

Ibeliu 2:17

'Enega Yesu 'ietomotai 'abo'ada tasinao nadigega, ga 'ietotaliya sinabwana ma ina 'atenuwa'ole'ole manuda, ga Yaubada 'ina guinuwa 'ena 'ietapewa, ta 'italiya 'ida bubuna to'umalidi manudi be 'aene Yaubada 'ida nuwataudi.