Luke 22:36 - Loina Tabu Auwauna NT

³⁶ 'Enega Yesu wate 'ieonedi, “Gete tuga be 'imi mani ma 'ana 'ebeusa be 'imi tana wate wa'ewadi. Ta 'abo yaita 'emiyega nigeya 'ina sisisaiyamo, 'ana tala'apwala 'ida egimwaneye be 'ana maisa 'enega 'ina sisisaiya 'igimwane.

Luke 22:36 Σταυροειδείς Αναφορές

Madiu 10:10

Geya'abo wate tana wa'ewa'ewa. Geya'abo watei 'ami 'oama 'eluwena, nai 'ami 'aelawa 'eluwena, nai 'imi 'etoguna 'eluwena wa'ewa'ewadi, manuna topaisewa 'ana masula sawesawenaya be 'iloba.

Luke 22:35

'Enega Yesu maibo'adi 'ieonedi, 'igwae, “Lowa yaetune apwesemi ga yaeonemi, 'enega nigeya 'imi mani 'ana 'ebeusa nai 'imi tana nai 'ami 'aelawa wa'ewa'ewadi, ta mwa'adega tuta nina 'ena mwau walobenaya?” Ga taudi sigwae, “Nigeya 'ebweu wate to'ase.”

Luke 22:37

“Manuna tuta ni'atu 'imai saba, be 'enega Buki Tabu 'ena lowa 'ebweu ona manugu si'etoladinaya, 'ida apwesa 'ai'aila, 'igwae, ‘Sietalaena 'atuwa nadigega 'ebweu tole'oa loina’. Be wate ona yauna manugu siapwesa 'ai'aila.”

Luke 22:38

Ga taudi 'ina ona sie'isena, sigwae, “'Inapwana 'ima sisisaiyao 'eluwa gete.” Ta Yesu 'igwae, “Nate sawesawenaya.”

Yoni 15:20

“Wanuwa'i'isi ona nina lowa ya'ebwa'emi 'aene nigeya 'ebweu toguinuwa 'ina 'inapwana 'ida loetana sinena. 'Abo'agu lowa sietalauwaleguya, 'enega 'omi wate nadigega sietalauwalemi. Ta 'eguma lowa 'igu ona siematamatanediya 'omi wate 'imi ona sida ematamatanedi.

Yoni 16:33

Ona gete yasimanena 'emiya be 'enega ma imi gwausowala wada miyami, manuna 'abo'agu ma'emi. Ta ma'etamo bale'uya wamiyamwau, ta tuwa tuga wada 'atepatu, manuna 'abo'agu loina bale'u yaewaiwai sinena.”

1 Tesalonaika 3:4

Manuna lowa 'abo'ama ma'emiyao tamiyami, ga 'agimisimana 'emiya 'aene miyamwau nidi 'emiya sida apwesa, ga gete tuga ni'atu siapweapwesa.

1 Pita 4:1

Wada nuwa'i'isi 'aene tuta nina Yesu 'ietomotai 'elouya 'ilobena, ta 'imi nuwanuwa wasa'udi Yesu nadigega, be 'enega taumimo wada giepa'alimi, manuna 'abo yaisigedi taudi oodiyega 'elouya silobaloba, 'idi bubuna to'umalina ni'atu 'igumwala.