Luke 19:38 - Loina Tabu Auwauna NT

³⁸ sigwae, “Kamatoki 'Inapwana, Yaubada 'ana esanega 'umai be 'enega gwausowala be tupu galewaya sida sinabwa 'ai'aila.”

Luke 19:38 Σταυροειδείς Αναφορές

Madiu 2:2

sigwae, “Mwa'o me Yudia 'idi kini auwauna nina? 'Amwalatonina ni'atu 'itubuwa, manuna 'ina kwadima 'a'itenaya sena bomatuyega 'isaetu'ema, 'enega 'amai sabi bwagobwago 'enaya.”

Madiu 21:9

Ta 'aina boda Yesu sianuganena, ta 'aina boda siamuliya, ga maibo'adi silotuputupu ta sibwaubwau, sigwae, “Kamatoki Debida tubuna ye, 'Inapwana 'ana esanega 'umai sabi 'etoseyema, 'enega tauna Toloetana sana 'atuputupu.”

Madiu 25:34

be 'enega toloina 'abo'agu taudi 'ataiguya yada eonadi be yada gwae, ‘'Omi Tamagu 'ina obobomega wada gwausowala, wamai be 'imi 'ebeloina nina bale'u 'ana mweluluwa'unu 'enega 'igibubunaya manumi wada 'ewa.

Madiu 25:40

“'Enega yada ona 'ediya be yada gwae, ‘Ona'ai'aila, 'eguma yaita 'oyo gosegwao gidalidi 'ebweuna 'ulemei, nate 'ena 'abo'agu wate 'ulemegu.’

Luke 13:35

'Enega Yaubada 'iabe 'ipilisineyo, ta yaeonayo 'aene geya'abo wate 'u'ita'ita limagu be 'ana laba 'imu tomotaiyao sitatagwala 'eguya be sida gwae, ‘Tauna Yaubada 'ana esanega 'imeemai tada tupu.’

Loma 5:1

'Enega gete tugai 'ida emisega ni'atu Yaubada 'i'awa palupaluyeda ga Yaubada ma'edai taegosigosiyana, 'ida 'Inapwana Yesu Keliso 'enega.

Epeso 1:12

ta 'abo'ada 'iesinuweda ga 'iloineda be 'aene Keliso 'ana togimi emisao, be 'asiyata 'ebweuna 'ebweuna 'enaya, 'ida guinuwao manudi tomota sida tupui, be sida 'awa eseese.

Epeso 1:6

be Yaubada tada tupui gete oboboma bobo'ana wawasae manuna, tauna Natu 'ai'ailina 'i'ebwaya daitena manuda,

Epeso 3:10

'aene 'ebe'ita 'abo'ada toekalesiyao, be 'edega Yaubada 'ina mwalatoi maibo'ana 'ie'itae galewa 'ana yaluyaluwa waiwaidi 'ediya.

Epeso 3:21

'Enega toekalesiyao maibo'ada Yesu Keliso 'ana esanega tada tupu atae, 'epata be 'epata 'ediya. Eimeni.

Kolose 1:20

ga Yesu nina kelose 'ena lalana 'ina dauyega yage maibo'adi bale'uya ta galewaya simiya dumaduma ni'atu 'ime'edi Yaubada 'enaya sabi egosigosiyana limana.

1 Timoti 1:17

'Enega Yaubada tada 'amayabe be tada tupu atae, manuna taunamo Yaubada 'ai'aila, nigeya sawesawenaya be maninina ta'ita, nai 'imwamwawasa, ta 'ina loina 'edaya geya'abo 'igumwagumwala. Eimeni.

1 Pita 1:12

Ta Yaubada palopitao nidi 'ie'itedi 'aene onaupaupa nidi sigimi simanedi nigeya taudi manudi, ta 'omi esi manumi, ta yage nina lowa manuna siona ni'atu gete wanononodi, tetela bobo'ana 'ana tosimanao 'ediyega, nate Yaluyaluwa Tabuna galewega 'ina waiwaiyega. Ta yage nidi bobo'adi manudi sieonemi, aniloseyao galewaya nuwanuwadi be taudi wate sida mwalatoni.