Luke 16:8 - Loina Tabu Auwauna NT

⁸ “'Enega 'ina 'inapwana nina 'ina guinuwa gete alena 'inonona, ga 'itupuna, 'ina sinasinapu manuna. Onasemalimali gete 'enega 'ie'ita 'ai'aila 'aene, me bale'u siewaiwai 'idi esaesa 'ana guinuwa manuna, ta Yaubada 'ina bodao 'idi paisewao maedana manuna nigeya siewaiwai.”

Luke 16:8 Σταυροειδείς Αναφορές

Madiu 12:32

“'Abo'agu Tomota Natuna be 'eguma yaita 'i'awa to'umaliyegu Yaubada 'iabe ona nina 'ida nuwatau, ta 'abo yaita Yaluyaluwa Tabuna 'i'awa to'umaliyei geya'abo sa'i Yaubada 'inuwanuwatau tuta gete 'enaya be tuta simeemai 'ediya.”

Madiu 17:26

'Enega Pita 'igwae, “Mali tomota 'ediyega.” Ga Yesu wate 'iona limana, 'igwae, “Ona'ai'aila! Ta esi taudi natudiyao nigeya 'adi mwaumo.

Luke 16:10

“Manuna 'eguma yaita yage gidalina 'ena 'iematamatana wate yage sinabwadi 'ediya 'iematamatana. Ta 'abo gidalidi 'ediya 'ikabo wate yage sinabwadi 'ediya 'ikabo.

Luke 16:4

'Inuwanuwa ga 'ebweu 'eda 'inuwalobena, 'igwae, ‘O, gete nadigega yaguinuwa'esa be 'enega gosegwao yaudi yalobadi, 'abo paisewa gete 'enega yaapwesa.’

Luke 16:7

Ga 'ebweu wate 'ilugu ga 'ienaidena, 'igwae, ‘Ta 'oyo 'eisa 'imu lowaga?’ Ta 'igwae, ‘Masula 'adi yau analedi yalowagedi.’ 'Enega tauna wate 'igwae, ‘Pwepwai gete 'ena 'imu lowaga nina 'u'etoladi be eiti namo 'usa'u.’ Ta maibo'adi nadigega 'idi lowagao sisa'u mwa'utedi.

Luke 18:6

'Enega Yesu wate 'ieonedi, 'igwae, “'Inapwana gete 'ina ona manuna wada nuwanuwa. Ona'ai'aila tauna tai to'umalina ta esi kwabula 'ilemena.

Luke 20:34

'Enega Yesu 'idi ona 'ie'isena, 'igwae, “Wada nuwa'i'isi 'aene tuta gete 'ena waine be tai siaiai,

Luke 20:35

ta esi tuta 'imeema 'enaya 'abo waine be tai sawesawediya be mwawasega sitoolo limana geya'abo wate siaiai limana.

Yoni 12:36

Ta 'abo maedana 'emiya 'imiyami, maedana nina 'ena wada emisa, be 'enega 'omi maedana natunao ga maemaedanimi. Yesu 'ina ona gete 'i'inanedi ga 'ipilisinedi ta 'ediyega 'ikwaiya.

1 Kolinita 3:18

Geya'abo yaita 'oyo tauyo 'ukaboeyo 'aene 'oyo 'ebweu tosinasinapu, manuna 'abo bale'u gete 'ana sinasinapu namo 'umwalamwalatoni, 'ilobweneyo be mwalatoi nina 'uguitoyase, be 'enega mwalatoi 'ai'aila Yaubada 'enega 'uloba.

Epeso 5:8

manuna 'omi guguyoi lowa 'enega ni'atu waabalama Yaubada 'ina maedana 'enaya, 'enega ma imi bubuna maemaedanina waguiguinuwa,

Pilipai 3:19

Taudi 'idi 'ebe losalowa sida esilae, manuna 'idi 'ebe emisa gamwapawa manuna, be yage 'ebe omayamayao situputupudi, manuna yage bale'u namo nuwanuwadi.

1 Tesalonaika 5:5

Manuna 'omi maedana 'ana tomiyanao, 'enega maedanega tada tauya, ta geya'abo guguyoi 'ina 'edega.

1 Pita 2:9

Ta 'omi nigeya nadigega taudi, ta 'omi esi Yaubada 'ina boda esiesinuwami, 'enega 'omi kini nina 'ina totaliyao ta 'ina tomotaiyao 'esasemi, manuna sena guguyoi 'enega 'ibwauyemi, ga 'ina maedana tobobo'ana sana 'ena 'isa'umi, be 'aene 'ina guinuwa bobo'ana gete wada simane.

1 Yoni 3:10

'Enega taudi ta'inanedi 'aene yaisigedi Yaubada natunao, ta yaisigedi Seitani 'ina bodao, manuna taudi Seitani 'ina boda geya'abo sa'i siguiguinuwa palupalu, manuna nigeya situbutubuwama Yaubada 'enega, ta wate geya'abo sieobooboboma matasidiyao.