Luke 16:30 - Loina Tabu Auwauna NT

³⁰ Ta esi toesaesa nina 'iona, ‘Tamagu, natei nigeya sawesawenaya. Ta 'abo yaita mwawasega 'itoolo limana be 'itatauya 'ediya, be tauna si'itai, 'enega sida nuwa'ebuni 'ai'aila.’

Luke 16:30 Σταυροειδείς Αναφορές

Luke 13:3

“Ta 'omi wate ma'etamo wamwamwawasa 'atuwa taudi nadigega, 'abo 'imi bubuna to'umalina 'ediyega nigeya wanuwanuwa 'ebuni.

Luke 13:5

Nigeya sa'i! Ta esi 'omi 'abo nigeya 'imi bubunao 'ediyega wanuwanuwa 'ebuni, ma'etamo wamwamwawasa site eitini nidi nadigega.”

Luke 16:24

'Enega 'ibwautoila ga 'igwae, ‘Tamagu ye! 'Uda 'atenuwa 'ole'oleyegu be Lasalo 'uda etunenama be bwasi gonitu nimanega meyagu 'ida giegonitu, manuna gete tuga ya'elo'elouya sinabwana kaiwe sabelulu 'enaya.’

Luke 16:31

Ta Ebelaamo wate 'igwae, ‘'Eguma Mosese be palopitao 'idi ona nigeya siemiemisedi, geya'abo sa'i 'ebweu wate yaita siemiemise, 'anabwa'ayoi 'abo 'ebweu tomwawasa 'itoolo limana be 'itatauya 'ediya.’

Luke 19:9

'Enega Yesu 'ieonena, “Gete tuga anuwa gete 'enaya 'etoseyana 'iapwesama, manuna tai gete tauna 'ebweu Ebelaamo 'ina boda.

Luke 3:8

'Enega 'ilobwenemi be 'imi nuwa'ebuni 'ai'aila wada e'itae 'imi guinuwa bobo'adi 'ediyega. Ta geya'abo waonaona 'aene 'omi Ebelaamo tubunao 'enega Yaubada 'ida 'atenuwa 'ole'oleyemi. Nigeya sa'i! Ta wa'ita, Yaubada sawesawenaya be gulewa getedi 'ediyega Ebelaamo tubunao 'imweluluidi.