Luke 16:25 - Loina Tabu Auwauna NT

²⁵ “Ta Ebelaamo 'ieonena, 'igwae, ‘Natugu, 'uda mwalatoni 'aene lowa yawasiyo maibo'ana gwausowala daisinamo, ta esi Lasalo nigeya 'ebweu 'ebe gwausowala 'ilobaloba. 'Enega gete tuga tauna ma ina gwausowala, ta 'oyo 'u'elo'elouya.

Luke 16:25 Σταυροειδείς Αναφορές

Madiu 27:63

ta sigwae, “'Inapwana, tokabo nina lowa mayawasina 'imiyami 'ina ona 'anuwa'i'isina 'igwae, ‘'Asiyata 'etoi beo mwawasega yada toolo limana.’

Maki 9:45

“Be wate 'eguma 'aeyo 'igie be'uyeyo 'ilobwenena be 'u'upwa yaule. Nate nigeya 'ana to'umalinamo 'eguma ma imu lopegoi ta yawasiyo bobo'ana 'uloba. Ta esi to'umali wawasae 'emuya 'eguma ma'ae luwaluwayo siula mwa'uteyo 'asagabugabu 'ena.

Luke 16:20

Ta Lasalo gomagomabesona ta lobonubonuna, 'enega Lasalo nina toesaesa 'ina anuwa mata'awaninaya 'imiyami,

Luke 16:23

ta muliyega ma ina 'elouya sinabwana tomwawasa 'idi sena 'enega 'i'itatu'e ga Lasalo 'i'itena Ebelaamo ma'iyana simiyami.

Luke 16:26

Ta wate 'uda mwalatoni 'aene gamwagamwanidaya sa'ala sinabwana 'imiyami ga 'enega 'iweyalida, 'enega nigeya sawesawemaya be gete 'enega 'aabalawa 'emiya. 'Omi wate, nigeya sawesawemiya be waabalama 'emaya.’

Luke 6:24

Ta 'abo 'omi ni'atu waeesaesa nuwa'ole'olemi, manuna 'imi esaesa ni'atu walobena, ta ma'etamo nigeya.

Yoni 16:33

Ona gete yasimanena 'emiya be 'enega ma imi gwausowala wada miyami, manuna 'abo'agu ma'emi. Ta ma'etamo bale'uya wamiyamwau, ta tuwa tuga wada 'atepatu, manuna 'abo'agu loina bale'u yaewaiwai sinena.”

Guinuwa 14:22

Ta 'idi sakowasi nina 'ena Yesu 'ana toemisao sigiepa'alidi 'asa 'ebweuna 'ebweuna 'ediya, ta siloguguyedi be geya'abo 'idi emisa 'ida neeneta, ta sigwae, “Ona'ai'aila, ma'etamo 'ida 'elouyao yaudi 'ediyega talulugu Yaubada 'ina 'ebeloina 'ena.”

Loma 8:7

Ta 'abo bubuna tomota tamuliye, nate ni'atu Yaubada taetaetalauwale, 'enega nigeya sawesawedaya be Yaubada 'ina loina tamuliye,

Pilipai 3:19

Taudi 'idi 'ebe losalowa sida esilae, manuna 'idi 'ebe emisa gamwapawa manuna, be yage 'ebe omayamayao situputupudi, manuna yage bale'u namo nuwanuwadi.

1 Tesalonaika 3:3

be 'enega geya'abo 'imi 'elouyao 'ediya waneeneta. Manuna miyamwau nidi wamwalamwalatoni 'aene maibo'ada talobalobadi.

Ibeliu 11:25

'Enega Mosese nina geya nuwana be tuta kukupana 'enaya 'ida gwausowala bubuna to'umalina manuna, ta esi nuwanuwana be Yaubada 'ina tomotaiyao ma'enao sida miyamwau.

1 Yoni 2:15

Gosegwao, geya'abo bale'u gete nuwami 'i'ewa'ewa, manuna 'eguma bale'u gwegwenao nuwami 'i'ewai, gete 'enega Tamadai wanuwa pupule, ta nigeya wada obobomena.

E'ita'ita 7:14

Ga 'ena yagwae, “'Inapwana 'oyo 'umwalamwalatonidi, 'abo'agu nigeya.” 'Enega 'ieonegu, 'igwae, “Gete tomota nidi bale'u 'elouyanao 'ediyega situpwa, ta 'adi 'oamao nidi Lami nina lalanega si'utudi ga siwakekedi.