Luke 14:21 - Loina Tabu Auwauna NT

²¹ “'Enega 'ali'ei nina 'iila ga 'ina 'inapwana 'enaya 'isimana, 'igwae, ‘Maibo'adi geya nuwadi.’ Ga tonianuwa nina 'igamwasowala, 'enega 'ina 'ali'ei nina 'ena 'iona, ‘'Utauya manini 'asa sinabwana 'edanao maibo'adi 'ediya be 'eguma 'eisa tomotai 'ulobadi, 'anabwa'ayoi nanaewadi nai nenetadi nai matakebokebodi nai bwalobwalogodi, tuga maibo'adi 'u'au'ewedima be sida 'a.’

Luke 14:21 Σταυροειδείς Αναφορές

Madiu 11:28

“Ta 'enega 'omi 'imi paisewa mwauna, wada mai 'eguya, be yada gieyawai'atemi.

Madiu 11:5

tomata kebokebo matadi ni'atu si'esasediya, tolopegoi ni'atu sibobo'ana ga sitautauya, tolepelo bwaladi sibobo'ana limana, totenatui ni'atu ona sinoono, tomwawasa sitoolo limana, ta wate togomabeso tetela bobo'ana ni'atu sinonona.

Madiu 15:12

'Enega 'ina tononoyao Yesu 'ena simai ga sieonena, “'Inapwana, 'unonona 'aene Palisiyao 'imu ona gete manuna ni'atu sinuwa mwau.”

Madiu 18:31

“Ta toguinuwao nidi gosediyao yage nina si'itena, 'enega sinuwamwau sinabwana, 'enega sitauya 'idi 'inapwana 'enaya ga siteluwa nidi sisimanedi.

Madiu 20:7

“Ta sigwae, ‘Manuna nigeya 'ebweu yaita 'ibwaubwauyema sabi paisewa.’ Ga tai nina 'igwae, ‘'Omi wate watauya 'igu bagulaya be wapaisewa.’

Luke 14:13

Ta esiya 'abo 'emasula 'uguinuwe, taudi gomagomabesodi be bwalobwalogodi be tolopegoi be wate tomatakebokebo 'uda bwauyedi,

Luke 14:20

Ta wate 'ebweu 'igwae, ‘'Abo'agu auwaugu yaai, 'enega nai geya'abo yaweewai.’

Luke 14:22

“Ga 'ali'ei nina 'iguinuwa nadigega, ta muliyega 'imai ga 'iona, ‘Ni'atu tomota nidi yabwauyedima ta esi 'imu anuwa nina nigeya siloeloemaa.’

Luke 14:24

Ta esi tomotai nidi yagimi bwauyedi geya'abo 'ebweu 'ediyega 'agu masula 'ilotolotoo.’”

Luke 24:47

be 'enega 'ana esanega tetela bobo'ana, nuwa'ebuni be to'umalina 'ana nuwatau manudi sida guguyae. 'Idi guguya nina sida e'ale Yelusalema 'enega be 'ida sakowasi bale'u maibo'ana 'enaya.

Luke 9:10

Ta ni'atu Yesu 'ina toguinuwao nidi 'idi sakowasiyega siilama ga 'idi guinuwa maibo'ana siemwasalina Yesu 'enaya. Ga muliyega 'idi 'inapwana nina 'i'au'ewedi ga ma'enao sitauya 'ebweu 'asa, 'ana esana Beteseida 'enaya, be 'aene taudimo nada sida miyami.

Yoni 9:39

Ta Yesu 'igwae, “'Abo'agu bale'uya ni'atu yamai be yada loinemi, 'enega taudi tomata kebokebo sida 'ita, ta taudi matadi 'esasena sida kebo.”

Ibeliu 13:17

'Imi toanuganao 'ediya wada ematamatana be watagwalemi 'idi loinao 'ediya, manuna yaluyaluwami si'ita'i'isidi, be 'enega tuta 'imeema 'enaya 'imi bubuna manuna sida emwasala Yaubada 'enaya. 'Enega 'ilobwenemi be wada too be tetelimi manuna ma idi gwausowala Yaubada 'enaya sida simanemi, ta esi geya'abo ma idi omayamaya, 'abona nai loina mwauna waloba.

Ibeliu 2:3

'Abo'ada wate 'abo 'etoseyana nina sinabwana taguitoyasei, bwa'omatana taloba, ta nigeya kapekapeyana tadedena 'enega. Ona nina 'etoseyana manuna 'ida 'Inapwana Yesu 'igimisimana apwesena, 'enega 'ina onao 'ana togimi nonoyao 'abo'ada si'ebwa'eda.

Yemesa 2:5

Tasigwao, 'igu ona gete wada nonodi, 'aene Yaubada togomabeso bale'uya 'iesinuwedi be emisa 'enega sida eesaesa. Manuna Yaubada 'ina 'ebeloina 'iona upaupaena be 'ena sida apwesa, 'abo tauna siobobomena.

E'ita'ita 19:15

Ta 'idi toanugana nina 'awanega sisisaiya mamatana 'iapweapwesa, tauna 'etamo sisisaiya nina 'enega sena yauyaudi 'iewaiwai sinedi be 'ediya 'ida loina pa'ala, be wate oine 'ebeida 'ena 'ida idadi, nate Yaubada Toewaiwai sana 'ina gamwasowala sinabwana.

E'ita'ita 22:17

'Enega Yaluyaluwa Tabuna ta toai mewainena sigwae, “Wamai.” Be yaisigedi 'omi ona gete wanononaya, 'omi wate wada gwae, “Wamai.” Ta taudi tona'adi 'iyapasa sida mai, be 'enega yaisigedi taudi nuwanuwadi, yawasi bwasina sida 'ewadaisi be sinunuma. Nigeya 'ana maisamo.