Luke 14:11 - Loina Tabu Auwauna NT

¹¹ Gete 'enega tamwalatoni 'aene yaita tauna 'igitu'eye 'etamo 'iebusi; ta 'abo yaita tauna 'igimwa'ute 'iabe 'itutu'e.”

Luke 14:11 Σταυροειδείς Αναφορές

Madiu 23:12

be 'abo yaita 'emiyega 'inuwatu'e 'iabe 'iebusi, ta 'abo yaita 'inuwamwa'uta 'iabe 'itutu'e.

Luke 1:51

Ta esi taudi togagasao be tonuwatu'eyao nimana waiwaina 'enega 'i'ausepaledi.

Luke 1:52

Toesaesa nidi 'igimwa'utedi 'idi 'ebemi esaesa 'ediyega ta togomabeso 'igilagasidi.

Luke 14:12

'Enega Yesu Palisi nina 'ibwauyena ga 'ena 'igwae, “'Abo 'emasula nai 'e'ai gidalina 'uguinuwe, geya'abo gosemwao nai tasimwao nai 'imu bu'unao nai toesaesao 'ubwaubwauyedi 'e'ai nina 'enaya, manuna taudi ma'etamo sibwauyeyo sabi e'isa 'emuya.

Luke 18:14

'Enega Yesu wate 'ediya 'igwae, “Ona'ai'aila, tai gete 'ina sidasida nina manuna 'ana 'awabobo'ana 'ilobena Yaubada 'enega, ta esi Palisi nina nigeya. Manuna 'abo yaita tauna 'igitu'eye 'iabe sida gimwa'ute, ta 'abo yaita tauna 'igimwa'ute sida gitu'eye.”

Yemesa 1:9

Ta toekalesiyao gomagomabesodi, 'abo Yaubada 'igilagasidi, sida gwausowala sinabwana.

Yemesa 4:10

Ta wada nuwamwa'uta 'Inapwana matanaya be 'enega tauna 'ida gitu'eyemi.

Yemesa 4:6

Ta esi Yaubada 'ina lema 'edaya sinabwa wawasae, manuna Buki Tabu 'ena 'isimana, 'igwae, “Yaubada togagasa 'ediya 'i'etoboda, ta esi tonuwamwa'uta 'ediya 'itagwala be 'ida lemedi.”

1 Pita 5:5

'Enega 'omi wate tubu lagalagao 'inapwanao wada 'amayabedi, be maibo'ami wada nuwamwa'uta be 'ebweuna 'ebweuna 'emiya wada elemalema. Nadigega tuga Buki Tabu 'isimana, 'igwae, “Yaubada tonuwatu'e 'i'etobodedi, ta esi tonuwamwa'uta 'iobobomedi.”

1 Pita 5:6

'Enega wada nuwamwa'uta be wada tagwalemi Yaubada Toewaiwai sana nimanaya, be 'enega muliyega tauna 'ina tuta bobo'ana 'enaya 'ida gitu'eyemi.