Luke 12:42 - Loina Tabu Auwauna NT

⁴² 'Enega Yesu 'igwae, “Toguinuwa bobo'adi ta sinasinapudi 'idi bubuna gete nadigega, 'abo yaita tauna 'ina 'inapwana 'iesinuwena be anuwa 'ida 'ita'i'isi, be gosenao 'adi masula 'i'ebwa'edi 'asiyata 'ebweuna 'ebweuna 'ediya,

Luke 12:42 Σταυροειδείς Αναφορές

Madiu 13:52

'Enega 'ieonedi, “Gete tuga wada mwalatoni 'aene loina 'ana toe'itao 'eguma ni'atu Yaubada 'ina loina sipanaita 'ai'ailena, taudi 'atuwa nadigega 'ebweu tonianuwa 'ina gwegwe kadekadelidi ta auwaudi soladiya esaesa 'imiyami.”

Madiu 20:8

“'Enega boi'unu 'enaya toni bagula nina 'ina paisewa 'ana to'ita'i'ita 'ieonena, 'igwae, ‘Toguinuwao maibo'adi 'ubwauyedima be 'adi maisa 'u'ebwa'edi, taudi tomai auwau 'ediyega 'ue'ale be 'adi maisa 'u'ebwa'edi be 'ana laba taudi 'asiyata maibo'ana 'ena sipaisewaya 'adi maisa 'ebe losalowa 'enaya 'u'ebwa'edi.’

Luke 12:43

ma'etamo 'abo 'inapwana nina 'iila limanama be 'ina toguinuwa nina 'ilobai 'iguiguinuwa palupalu, 'iabe manuna 'igwausowala be 'ena 'ida gwae,

Luke 7:13

Gote 'ena Yesu kwabula nina 'i'itena ga 'i'atenuwa 'ole'oleyena ga 'ieonena, “Geya'abo 'udedo.”

Luke 7:19

'Enega 'ina tononoyao 'eluwa 'ibwauyedi ga 'ieonedi, 'igwae, “Watauya be 'inapwana nina waenaide, nai tauna To'etosena nina manuna yaonaona, nai mali tai wate tada yamwa?”

Guinuwa 20:28

“'Enega toanuganao 'omi, taumimo wa'ita'i'isimi be 'imi sipiyao wate wa'ita'i'isidi, manuna Yaluyaluwa Tabuna 'imi paisewa nina 'i'ebwa'emi be toekalesiyao nidi walomata'i'isidi, manuna 'ida 'Inapwana Yesu tomotai nidi tauna lalanega 'igimwanedi.

1 Timoti 3:15

be 'eguma yasoso'i, leta gete 'enega 'umwalatoni to bubuna 'abo'ada totapwalolo 'ilobweneda, tauna 'ida Yaubada mayawasina 'ina boda solanaya, manuna 'abo'ada toekalesiyao 'ina e'ita 'ai'aila 'ana to'ita'i'itao.

1 Timoti 5:17

Ta 'ami toanuganao 'eguma silema 'ai'ailimi, 'omi wate wada 'amayaba 'ai'ailidi be wada 'ita'i'isidi, nate 'idi loguguya ta 'idi e'ita 'ana e'isa.

2 Timoti 4:2

'Amu loina nina gete: Tuta maibo'ana 'uetapewa waiwai be tetelina 'usimane, tuta mwau ta tuta gwausowala 'ediya, be tomota 'ediya 'uloguguya be siemisa, ta wate 'ugiepaludi be 'ugiewaiwaiyedi, ta yage nidi getedi 'ue'ita 'ai'ailidi ma imu 'alama'i'ita.

Taito 1:7

Manuna toanuganao Yaubada manuna siguiguinuwa, 'enega 'ilobwenedi be sida bubuna bobo'ana, ta geya'abo sioopa'ala nai sigamwagamwasowala, nai bwasi waiwaina sinumanuma kabaleya, nai tomota 'adi tounuwa, nai esaesa 'ana toyalao.

Ibeliu 13:17

'Imi toanuganao 'ediya wada ematamatana be watagwalemi 'idi loinao 'ediya, manuna yaluyaluwami si'ita'i'isidi, be 'enega tuta 'imeema 'enaya 'imi bubuna manuna sida emwasala Yaubada 'enaya. 'Enega 'ilobwenemi be wada too be tetelimi manuna ma idi gwausowala Yaubada 'enaya sida simanemi, ta esi geya'abo ma idi omayamaya, 'abona nai loina mwauna waloba.

Ibeliu 13:7

'Ami toanuganao wanuwa'i'isidi, manuna lowa Yaubada 'ina ona si'ebwaya 'emiya, ta wate wada nuwa'i'isi 'aene 'idi emisa uwana bobo'ana taudi silobena, 'enega wada etotowanedi.

Ibeliu 3:5

Mosese Yaubada 'ina anuwaya 'ietapewa toguinuwa 'atuwa, ga Yaubada 'ina onao yage nidi ma'etamo sida apwesa manudi 'isimana apwesedi.

1 Pita 4:10

Ta ni'atu 'ebweuna 'ebweuna Yaubada egueguyai dumadumadi be dumadumadi 'i'ebwa'emi, 'enega egueguyai nidi 'ediyega wada guinuwa be gosemiyao wada lemedi, be 'enega 'omi Yaubada 'ina toguinuwao bobo'ami.