Luke 12:30 - Loina Tabu Auwauna NT

³⁰ Me bale'u maibo'adi yage getedi manudi sinuwanuwa, ta to'ase 'imi nuwanuwa Yaubada ni'atu 'isinapudi, nadigega 'ami masula be 'ami bwasi be wate 'ami 'oama.

Luke 12:30 Σταυροειδείς Αναφορές

Madiu 10:20

ta nigeya 'aene 'omi waonaona ta Yaubada yaluyaluwana 'emiyega 'ionaona.

Madiu 18:14

'Enega gete tugai wada mwalatoni 'aene Tamagu galewaya geya nuwana be gogama getedi 'ediyega 'ebweu yaita 'iesiesilae.

Madiu 5:47

Wate 'eguma tasimiyao dimo waegosigosiyanedi nigeya 'imi bubuna mali tomota 'idi bubuna 'ida bobo'ana sinedi, manuna taudi nigeya me Yudia gosediyao dimo siegosigosiyanedi, 'enega taudi be 'omi tuga 'imi bubuna leleleya.

Madiu 6:1

Yesu wate 'igwae: 'Abo tuta nina nuwanuwami be wa'ebwayadaita taudi gomagomabesodi 'ediya, geya'abo tomota matadiya waguiguinuwe. 'Eguma nadigega waguiguinuwa'esa, geya'abo tupu nai e'isa walobaloba Tamami galewaya 'enega.

Madiu 6:32

Ona getedi nadigega taudi 'etamo guguyoi 'enaya simiyami 'idi ona. Ta to'ase 'imi nuwanuwa Tamami galewaya ni'atu 'isinapudi, nadigega 'ami masula be 'ami bwasi be wate 'ami 'oama, be 'i'ebwa'emi tuga.

Madiu 6:8

Geya'abo 'omi taudi nadigega, manuna 'omi Tamami 'imiyami, ta tauna 'ami mwauyao 'igimi mwalatonidi ta muliyega manudi wasidasida.

Luke 12:29

“Ta wate geya'abo wanuwanuwa sinabwana nai wa'ate'ate sa'ala masula be bwasi manudi.

Luke 12:31

Ta 'ilobwenemi be nugana Yaubada 'ina loina 'ena wada tagwalemi, be 'enega 'ami masula be 'ami 'oama wate 'i'ebwa'emi.

Luke 12:32

Ta 'omi ona'ai'aila Yaubada 'ina sipiyao, 'enega geya'abo wamatamatauta, manuna ni'atu 'iesinuwemi be 'ina 'ebeloina 'ena walulugu.

Yoni 20:17

Ta Yesu wate 'ieonena, 'igwae, “Geya'abo 'ugitogitoogu, manuna 'etamo nigeya yatu'etu'e Tamagu 'ena. Ta 'utatauya be tasigwao 'ueonadi 'aene 'abo'agu 'iabe yatutu'e Tamagu 'enaya, 'omi wate Tamami, ta 'igu Yaubada ta wate 'omi 'imi Yaubada.”

Epeso 4:17

Gete wate 'Inapwana 'ana esanega yaloguguya 'emiya 'aene bubuna tomiya apwesa nadigega walosa'u, manuna 'idi nuwanuwa besobeso 'ediyega

1 Tesalonaika 4:5

ta geya'abo ma imi yalakwaiya, nadigega tomotai nidi Yaubada 'ana toemwagemwageyao.