Luke 11:41 - Loina Tabu Auwauna NT

⁴¹ ta 'ilobwenemi be 'atemi lo'ebwa'ebwaya 'enega wada gie'esasadi be 'enega wada 'esasa 'ai'aila.

Luke 11:41 Σταυροειδείς Αναφορές

Madiu 26:11

Togomabeso nidi waoneonediya tuta maibo'ana selabemiya simiyami, ta 'abo'agu esi nigeya tuta dudulana ma'emi tamiyami.

Madiu 5:42

Ta wate 'abo yaita 'emuya 'isisida 'ebweu yage manuna, yage nina 'uda 'ebwa'e, ta geya'abo 'imu gwegwe 'uegaegagale.

Maki 7:19

manuna nigeya 'atedaya 'itauya ta esiya gamwada namo 'ena 'ilugu be muliyega 'itatauya sumwana 'enaya.” (Yesu 'ina e'ita gete 'ana mwalatoi 'aene nigeya 'ebweu wate masula etaetabuna, ta esi maibo'ana tada 'ani.)

Luke 12:33

“'Enega 'imi gwegweyao wada egimwaneyedi be mani nidi wada eguyaiyedi togomabeso 'ediya, be 'enega galewaya 'imi esaesa 'ida miyaataya. Esaesa nina galewaya 'imiyami nigeya wate 'ina 'ebe gumwalamo, manuna nigeya 'ebweu wate to'ipwala sena nina 'ena, ta wate nigeya manumanuwa.

Luke 16:9

'Enega Yesu wate 'ieonedi, “Bale'u esaesanao to'umalidi, ta 'abo esaesa nidi 'ediyega gosemiyao waobobomedi ma'etamo taudi siaesotami 'ebemiya ataya 'enaya, tuta nina esaesa nidi sigugumwala.

Luke 18:22

'Ina ona gete nadigega Yesu 'inonona, 'enega 'igwae, “'Ebweuna yage namo 'ilogegesemu, nate 'aene 'imu gwegweyao maibo'ana 'uda egimwaneyedi be 'adi maisa togomabeso 'ediya 'ueguyaiyedi, ta 'enega 'umamai be 'umuliyegu be 'enega ma'etamo 'imu esaesa galewaya 'uda loba.”

Luke 19:8

Ta Sakiusa nina 'itoolo ga Yesu 'ieonena, 'igwae, “'Inapwana, batuwa 'enega 'igu gwegwe maibo'ana yada 'upwaluwe be 'ana tupwa maibo'ana togomabeso yada 'ebwa'edi. Ta wate 'abo yaita 'enega lowa ya'ewagesi, yada yotuli ta 'ana loeposeyana ata nadigega ya'ebwa'e.”

Guinuwa 10:15

Ta 'enana nina 'iona limana, 'igwae, “Yaubada yobai natedi ni'atu 'igie'esasedi, 'enega geya'abo 'u'awa'awa to'umaliyedi.”

Guinuwa 11:29

Ta tuta nina Yesu 'ana tomuliyao Agabu 'ina simana nina sinonona, taudimo siloiloina be 'ebweuna 'ebweuna sida tootoo be sida 'ebwayadaita be lema mani sida etune gosediyao nidi sena Yudia 'ena simiyami,

Guinuwa 24:17

“Ta yakwala yauna ni'atu sigumwala 'enega yaila Yelusalema ga 'ebwayadaita yame'ena 'igu boda 'ediya, ta wate taliya Yaubada manuna.

2 Kolinita 8:12

Geya'abo waonaona be wagwae, “Nigeya 'ebweu yage 'emaya be 'enega 'ada 'ebwayadaita.” Tuwa tuga wada etapewa be to'ase 'emiya 'imiyami 'ediyega wada 'ebwayadaita, be Yaubada wada giegwausowali.

Epeso 4:28

To'ipwalao 'ilobwenedi be silosa'u, ta esi paisewa bobo'ana nimadiyega sida guiguinuwe, be paisewa nina 'ana maisa 'enega lema sida 'ebwa'ebwaya togomabeso 'ediya.

Taito 1:15

Tomota 'esasedi 'ediya yage yauna 'esasedi, ta taudi tetela bobo'ana 'ana tologuitoyasao, ta 'idi bubuna to'umalidi, taudi 'ediya nigeya 'ebweu wate yage 'esasena, manuna 'idi nuwanuwao maibo'ana to'umalidi.

Ibeliu 13:16

'Ebweu taliya wate Yaubada nuwanuwana sinabwana, nate oboboma tomota manudi ma ida 'atenuwa'ole'ole.

Ibeliu 6:10

Yaubada 'ina loina 'emiya palupaluna, 'enega 'imi guinuwao bobo'adi tuta yauyauna, be 'imi obobomao Yaubada 'ana esanega, ta 'imi lema toekalesiyao 'ediya, geya'abo 'inuwanuwa pupuledi.

Yemesa 1:27

Ta esi tapwalolo 'esasena be palupaluna Yaubada Tamada matanaya gete, 'aene taudi sinasinagenidi be kwabulao 'idi miyamwau 'enaya tada lemedi, ta wate geya'abo bubuna bale'u 'enega tagiegie bailida.