Luke 11:29 - Loina Tabu Auwauna NT

²⁹ Ta ni'atu boda nidi Yesu sitoolo 'oabu'oabuyena, ga 'ilolagata ga 'ediya 'igwae, “'Epata gete 'omi to'umalimi! Nate 'alena we'iwe'iyaya wa'ebe'ebese, ta geya'abo sa'i we'iwe'iyaya nidi wa'ita'ita. Nate namo Yona manuna wanuwa'i'isi, tauna tuga we'iwe'iyaya manumi.

Luke 11:29 Σταυροειδείς Αναφορές

Madiu 3:7

Ta Palisiyao be Sadusiyao yaudi wate simai sabi bapitaiso, ga Yoni 'i'itedi ga 'ieonedi, 'igwae, “Tokabo 'omi nadigega mwata! Ta wanuwena 'aene 'iabe Yaubada 'ina gamwasowala 'enega wadedena, aga?

Maki 8:38

“'Abo'agu Tomota Natuna, ta 'abo yaita 'oyo manugu 'uomayamaya ta wate 'igu e'ita manuna 'uomayamaya be 'ueyaseyaseyegu 'epata gete to'umalidi ta sogasogalidi matadiya, ma'etamo yada eyaseyaseyo, tuta nina Tamagu 'ina esaesa tuyatuyayalina 'enega yaila limanama, ta wate aneloseyao ma'egwao.

Luke 11:16

Ta 'aidi wate Yesu sitoona be 'aene we'iwe'iyaya 'ebweu 'ida guinuwe manudi, be sida 'awa'ai'aile 'aene 'ina waiwai Yaubada 'enega 'imai.

Luke 11:50

'Enega 'epata getemi 'iabe e'isa maibo'ana waloba palopitao nidi loeloemwawasidi gabula 'ana 'ebe e'ale 'enega ga batuwa manudi,

Luke 12:1

Pwalu sinabwa wawasae sideli egogonama ga siegigigila, ta Yesu 'iona nugana 'ina tononoyao 'ediya, 'igwae, “Wada 'ita'i'isimi ta Palisiyao 'idi guinuwa kabokabo geya'abo waguiguinuwedi, manuna 'idi guinuwa 'atuwa nadigega pwalawa 'ana 'ebe gieseseya. 'Ebe gieseseya nina 'abo to'ase nadigega gidalina 'iabe 'igiesinabwa,

Luke 9:41

'Enega Yesu 'ediya 'igwae, “'Omi sana mwa'adega? Ga debami pa'ala yaita! Nai nigeya waemiemisegu, aga? Ni'atu 'imi debapa'ala 'enega yalo'ame'ame.” 'Enega tai nina 'ieonena, 'igwae, “Natumuna 'ume'e 'eguya.”

Yoni 2:18

'Enega me Yudia 'adi toanuganao simai ga Yesu sienaidena, sigwae, “To we'iwe'iyaya 'uda e'itama be 'ada mwalatoni yaita sana 'ina loinega yage getedi 'uguiguinuwedi?”

Yoni 6:30

Ga sieonena, “To we'iwe'iyaya 'uda guinuwe be 'enega 'ada emiseyo?

Yoni 8:44

Yamwalatonimi 'omi Seitani natunao, 'enega nuwanuwami be tamamiya 'ina nuwanuwa wada guinuwe. Tuta 'ana 'ebe e'ale 'enega ga batuwa, tauna toloemwawasa, ta nigeya 'ebweu wate 'eda palupaluna 'enega 'ida tauya, manuna tauna nigeya 'ebweu 'eda palupaluna 'ena 'imiyami. Tuta yauna kaboega 'ionaona, manuna tauna tuga adelina nadigega, ta wate tokaboyao maibo'adi tamadiya.

1 Kolinita 1:22

manuna me Yudia nuwanuwadi 'ebweu we'iwe'iyaya sida 'ita, ta taudi nigeya me Yudia sinasinapu si'ebe'ebesa,