Luke 10:25 - Loina Tabu Auwauna NT

²⁵ Ta 'ebweu loina 'ana toanugana 'imai ga Yesu 'ena 'ienaida sabi toona, 'igwae, “'Inapwana to'ase yada guinuwe be yawasigu ataya yada loba?”

Luke 10:25 Σταυροειδείς Αναφορές

Maki 10:17

Ga Yesu 'itoolo be 'aene 'itatauya, ta 'ebweu tai 'ipilima ga 'i'aetulasa Yesu matanaya ta 'igwae, “'Inapwana, yamwalamwalatoni 'aene 'oyo toe'ita bobo'ana, 'enega to'ase yada guinuwe be 'enega yawasigu ataya yaloba?”

Maki 10:3

Ta Yesu 'igwae, “Mwa'adega Mosese loina 'i'ebwaya'esemi?”

Maki 12:28

'Enega loina 'ana toe'ita 'ebweu 'imai ga taudi 'idi egewagewana Yesu ma'edi 'inonona ga 'idi enaidao 'adi e'isa Yesu 'enega 'inonodi bobo'ana wawasae, 'enega tauna wate Yesu 'ena 'ienaida, 'igwae, “'Inapwana, loinao maibo'adi 'ediyega to loina sinabwana?”

Luke 10:24

Yaona'ai'aila, lowa palopitao ta toloinao yaudi nuwanuwadi be yage getedi sida 'itadi, ta wate ona nidi ni'atu wanonodi taudi nuwanuwadi be 'aene sinonodi, ta nigeya silobalobadi.”

Luke 10:26

'Enega Yesu 'igwae, “Loina nidi Mosese 'i'etoladidi Buki Tabu 'enaya, ni'atu 'umwalatonidiya ga?”

Luke 18:18

Me Yudia 'idi toanugana 'ebweu 'imai ga Yesu 'ienaidena, 'igwae, “'Inapwana, yamwalamwalatoni 'aene 'oyo toe'ita bobo'ana, 'enega to'ase yada guinuwe be 'enega yawasigu ataya yada loba?”

Luke 7:30

Ta esi Palisiyao be loina 'ana tomwalatoiyao Yaubada 'ina nuwanuwa siguitoyasena, 'enega geya nuwadi be Yoni 'igie bapitaisoedi.

Yoni 8:6

Ona gete si'inanena be 'aene Yesu 'ina kabo sida loba be sie'ewa. 'Enega Yesu nigeya 'idi ona 'ie'ie'isadi, ta esi 'imiya agaagala kaukauya, ga nimanega kaukau 'ena 'i'eto'etoladi,

Galetia 3:18

Wanuwa'i'isi 'eguma 'ida 'ebe gwausowala taloba Mosese 'ina loinega nate 'aene nigeya Yaubada 'ina onaupaupa 'enega. Nigeya. Manuna lowa Yaubada 'iona upaupaena Ebelaamo 'enaya.