Loma 9:20 - Loina Tabu Auwauna NT

²⁰ Gosegwao, 'abo'ada geya'abo Yaubada gete nadigega talo'alo'aegile, 'atuwa nadigega 'ule 'ana to'abi, 'ebweu tuta tai nina 'ulena 'i'abidi, ga 'ebweu 'ule to'abi 'ieonena, 'igwae, “To'ase 'alena nigeya 'u'abi'abigu gosiyagu nadigega?”

Loma 9:20 Σταυροειδείς Αναφορές

Madiu 20:15

Maisa gete 'abo'agu 'igu 'ebeloina. Geya'abo 'omi waloiloina. Geya'abo 'igu oboboma tomota 'ediya manuna wae'ipi'ipi.’

Luke 12:14

Ta Yesu tai nina 'ina ona 'ie'isena, 'igwae, “Tai, 'abo'agu nigeya sawesaweguya be yaetoloina 'ami egueguyai manuna.”

Loma 14:4

ta wate tauna 'ina toguinuwao, 'enega tauna tuga 'adi to'ita'i'ita, ta 'oyo nigeya. Manuna tauna 'ina 'ebeloina be 'i'awa bobo'anedi nai nigeya, ta wate sawesawenaya be 'ida giewaiwaiyedi, be 'enega geya'abo neneta silobaloba.

Loma 2:1

Tasigwao, geya'abo gosemiyao 'idi bubuna manuna walo'alo'aegila, manuna 'abo wanuwanuwa manudi 'omi wate taumi walo'aegilemi, manuna 'omi tuga nadigega taudi.

Loma 2:3

Ta gosegwao 'omi, 'abo mali tomota walo'aegiledi wanuwena 'aene Yaubada 'ina bwa'omatana geya'abo walobaloba. Nigeya! 'Ida loinemi wate, manuna bubuna nidi 'omi tuga nadigega waguiguinuwedi.

Loma 9:21

Ta sa'i to'abi 'ulena tauna 'ina guinuwa 'ida loine, 'abo nuwanuwana be bwa'a 'ebweuna 'enega 'ule 'eluwa 'i'abidi, 'ebweuna 'ana 'ita kausala, ta 'ebweu nigeya.

Loma 9:22

Yaubada wate nadigega 'ina guinuwa tauna 'iloina, manuna tuta yauna toto'umalidi 'ediya 'ie'alama'i'itana sinabwana, be 'enega 'idi to'umalinao geya'abo 'ida e'ie'isadi, ta sa'i nigeya sida ematamatana, 'enega 'inuwena 'aene 'ilobwenena be 'ida loinedi, be 'enega 'ina gamwasowala be 'ina waiwai sida 'ita.

1 Kolinita 1:20

'Enega mwa'adega taudi tosinasinapuyao? nai taudi toe'itao? nai taudi tologuguyao gete tuga bale'uya simiyami? Ona'ai'aila, ni'atu Yaubada 'idi sinasinapuyao 'i'awa yage besobesoedi.

1 Kolinita 7:16

'Oyo tai nai waine 'etamo mwa'adega, mwaneyo 'ugiesana ile'ese, 'abo 'ugiyai? 'Iyaugwa! Nigeya tamwalamwalatoni, aga?”

1 Timoti 6:5

'Enega gosediyao ma'ediyao siegewagewana, ta 'idi nuwanuwa geyogeyoi manuna e'ita 'ai'aila geya'abo simwalamwalatoni, ta esi sinuwena 'aene Yaubada 'ana 'amayaba 'enega esaesa bale'u sinabwana siloba.

2 Timoti 2:20

Ona'ai'aila, anuwa esaesa soladiya 'aina gaeba goula be siliba, ta 'aina gaeba kaiwe be bwa'a 'enega siguinuwedi. Ta gaeba nidi bobo'adi 'owagao manudi sisa'udi, ta gaeba to'umalidi sisa'u dumedumedi sumwana manudi.

Taito 2:9

Toguinuwao wate 'ueonadi be 'idi 'inapwanao 'idi loina sida 'amayabedi, ta 'idi guinuwao 'ediyega sida giegwausowalidi, ta geya'abo silogwalogwautoyasa,

Yemesa 2:20

'Oyo uwauwayo. Gete 'ebe e'ita ya'ebwa'eyo 'aene 'abo emisa namo, ta nigeya guinuwa, nate yage besobeso.