Loma 6:16 - Loina Tabu Auwauna NT

¹⁶ Ta wada nuwa'i'isi 'aene 'abo yaita 'ina loina 'ena watagwalemi, tauna 'enana wamuliye. 'Abo to'umalina wamuliye mwawasa waloba, ta 'abo emisa wamuliye bubuna bobo'ana waloba.

Loma 6:16 Σταυροειδείς Αναφορές

Madiu 20:4

'Enega 'ibwauyedima ga 'igwae, ‘'Omi wate watauya 'igu bagulaya be wapaisewa, be 'imi paisewa 'ana maisa palupaluna yada 'ebwa'emi.’ 'Enega sitauya bagulaya.

Madiu 6:24

Toguinuwa nigeya sawesawenaya be 'ietopaisewa 'ena'iyao 'eluwa 'ediya, ta 'ebweuna 'ida guitoyasei ta esi 'ebweuna namo manuna 'ida paisewa, be 'enega 'ebweuna 'i'awabobo'ane ta 'ebweuna 'i'awato'umaliye. 'Enega nigeya sawesawenaya be Yaubada 'ina guinuwa be esaesa bale'u tagiluwedi.

Yoni 8:34

'Enega Yesu 'ieonedi, “Yaona 'ai'aila 'emiya, 'abo yaisigedi taudi 'idi guinuwa to'umalina, taudi to'umalina nina 'iyoniyonidi, be to'umalina 'ina sena 'ena simiyami.

Loma 11:2

'Enega yamwalatonina 'aene 'abo'ama Yaubada 'ina tomotaiyao nima 'igimi esinuwema be 'ina bodao, 'enega geya'abo 'ie'idi'idiyema. Lowaenei Ilaitiya me Isileli 'ilomugiyedi Yaubada 'ena, ta 'ina ona nina Buki Tabu 'ena 'igwae,

Loma 12:1

Tasigwao, wada nuwa'i'isi 'aene Yaubada 'ina 'atenuwa'ole'ole 'edaya sinabwa wawasae, 'enega gete 'igu loguguya 'emiya be 'aene tuta mayawasimi wada taliyaemi Yaubada 'enaya, manuna Yaubada nuwanuwana be oomi maibo'ana wada tagwaledi 'ina guinuwa 'enaya. Gete tapwalolo 'ai'aila Yaubada matanaya 'abo nadigega waguinuwa'esa.

Loma 6:17

Ta ona'ai'aila, 'omi lowa bubuna to'umalina 'ana toguinuwao, ta esi tetela bobo'ana wanononaya ga 'atemi watagwaledi 'enaya, ga 'enega 'imi to'umalina 'igumwala. Ta Yesu 'ili'amimi be 'aene 'omi bubuna palupaluna 'ana toguinuwao, 'enega tada lokagutoki sinabwana Yaubada 'enaya, yage gete manudi.

1 Kolinita 3:16

'Enega wada nuwa'i'isi 'aene 'abo'ada Yaubada 'ina Anuwa Tabu, manuna Yaubada Yaluyaluwana 'edaya 'imiyami.

1 Kolinita 5:6

Ta geya'abo wanuwanuwatu'e, ta esi wada nuwa'i'isi 'aene 'abo to'umalina gidalina 'emiya 'imiyami, 'iabe maibo'ami 'igieto'umaliyemi.

1 Kolinita 6:2

Wada nuwa'i'isi 'aene 'abo'ada Yesu 'ana toemisao ma'etamo yage maibo'ana tada loinedi, 'enega sawesawemiya be yage gidalidi etala 'ediya wada loinedi.

1 Kolinita 6:3

Ma'etamo galewaya aniloseyao wate tada loinedi, 'enega gete tuga sawesawedaya be guinuwa bale'uya taloinedi.

1 Kolinita 6:9

'Enega 'imi bubuna nadigega manuna geya'abo Yaubada 'ina 'ebeloina 'ena walugulugu, manuna toto'umalidi maibo'adi Yaubada 'i'etobodedi, nadigega tolonabwasuwao be toloyaweyao be loelata nina waine dimo ma'ediyao siguiguinuwe be tai dimo ma'ediyao siguiguinuwe,

1 Kolinita 9:13

Ta wate Anuwa Tabu 'ana topaisewao wada nuwa'i'isidi. Taudi tomota 'idi 'ebwayadaitao 'ediyega 'adi masula silobaloba, ta wate totaliyao 'adi masula manuna yobai nidi 'ebe taliya 'enaya siunuunudi 'ediyega si'ewa'ewadi.

1 Kolinita 9:24

Ta wada nuwa'i'isi 'abo epili 'enaya maibo'adi siepiepili, ta esi 'ebweuna namo 'ediyega 'inugana, 'enega 'ilobweneda be tatoo waiwai be tada nugana.

2 Pita 2:19

'Adi tomuliyao nidi 'ediya sigwae, “'Eda gete 'ena wameemai, 'eda bobo'ana, ta nigeya 'ebweu wate 'etoboda 'imiyami.” Ta nigeya, ta taudi 'idi bubuna to'umalina 'enega taudimo siyonidi.