Loma 4:14 - Loina Tabu Auwauna NT

¹⁴ Ona'ai'aila, Yaubada 'ina oboboma 'edaya nigeya 'aene loina 'ana ematamatana 'enega, ta esi 'ina onaupaupa 'edaya 'ana emisa manuna. 'Enega 'abo taona 'aene Yaubada 'iobobomeda loina 'ana ematamatana 'enega, nate ni'atu emisa tasinalina, ta wate Yaubada 'ina onaupaupa taeyage besobesoena.

Loma 4:14 Σταυροειδείς Αναφορές

Loma 3:31

'Enega mwa'adega 'aene gete 'ana mwalatoi be loina taguitoyase ta emisa tagiyai aga? Nigeya! Ta esi 'ilobweneda loina ta'amayabe, be 'edaya 'ida sinabwa.

Loma 4:16

Gete 'enega tada mwalatoni 'aene emisa namo 'enega onaupaupa bobo'ana taloba, nate Yaubada 'ina oboboma tuga, ta nigeya 'ida guinuwa 'ana e'isa 'enega. Ta onaupaupa nina Ebelaamo tubunao maibo'ada ni'atu talobena, ta nigeya 'aene loina 'adi toematamatanao dimo, ta esi taudi 'idi emisa nadigega Ebelaamo 'ina emisa leleleya talobaloba, manuna Ebelaamo nina tauna tuga nadigega maibo'ada tamada.

1 Kolinita 1:13

Geya'abo Keliso 'enega taweyaweyalida, manuna taunamo manumi sigiekelosena ga 'ana esanega wabapitaiso, ta nigeya 'agu esanega.

Galetia 2:21

'Enega geya'abo Yaubada 'ina oboboma nina yae'idi'idiye. Geya'abo tanuwanuwa 'aene Mosese 'ina loinao 'adi ematamatana 'enega Yaubada 'ida 'awa bobo'aneda. Nate be Keliso 'ina mwawasa nina 'ieyage besobeso.

Galetia 5:4

be 'abo yaita 'oyo nuwanuwayo be Mosese 'ina loinao 'adi ematamatana 'enega 'awabobo'ana 'uda loba, ni'atu Keliso 'ina oboboma 'emuya 'uloseyena, ga tauna 'upilisinena.

Pilipai 3:9

ta wate nuwanuwagu Keliso ma'iyagu 'ada miyami, nigeya 'aene taugu 'igu bubuna palupalunega, nai Mosese 'ina loinao 'ediyega, ta esi emisa Keliso 'enaya 'enega, nate 'ida bubuna palupaluna Yaubada 'i'ebwa'eda 'ida emisa Keliso 'enaya manuna.

Ibeliu 7:28

'Epata nuganuganidi 'ediya Mosese 'ina loinega tomota mayaluyaluwa nenetadi sietotaliya sinabwana, ta muliyega Yaubada 'ina onaupaupa 'enega Natuna tauna adelina palupaluna 'ietotaliya ataya.