Loma 4:13 - Loina Tabu Auwauna NT

¹³ Ta Yaubada Ebelaamo 'iona upaupaena be ma ina susuyao bale'u maibo'ana sida loine. Ta 'ina onaupaupa gete nigeya 'aene 'ina ematamatana loina manuna 'enega, ta esi 'ina emisega, ga 'enega Yaubada 'i'awa palupaluyena.

Loma 4:13 Σταυροειδείς Αναφορές

Guinuwa 13:32

Ta 'abo'ama wate tetela bobo'ana gete 'a'ebwa'emi, lowa Yaubada 'iona upaupaena tubudao 'ediya,

Loma 4:12

Ta 'abo'ada wate Ebelaamo tamadai, 'abo lodaba ta'ewena, be nigeya 'aene lodaba tuga manuna, ta 'ida emisa esiya, nadigega tuga lowa Ebelaamo 'ina emisa 'enega, tuta nina nigeya lodaba 'i'ewa'ewa.

Loma 9:8

Ona gete 'ana mwalatoi ni'atu 'ie'ita 'ai'ailida 'aene Yaubada natunao nigeya Ebelaamo 'ina susu 'enega, ta esi taudi Yaubada 'iona upaupaedi.

Galetia 3:29

be maibo'ada Ebelaamo 'ina susuyao, manuna maibo'ada Keliso 'ina bodao, 'enega Yaubada 'ina onaupaupa Ebelaamo 'enaya ta'ewena.

Ibeliu 11:7

Noa wate Yaubada 'ie'itena 'aene to'ase 'iabe 'iapwesa 'ediya, 'enega Noa nina 'ina emisega 'ina waga 'ana esana aki 'italena be 'enega tauna ma ina susuyao 'i'etoseyedi. Gote 'ena 'ie'itaena 'aene tomota maibo'adi toto'umalidi, ta tauna tai palupaluna 'ina emisa manuna.

Ibeliu 7:6

Ta Melikisedeki mali susu, ta 'ina miya loetana namo, 'enega gwegwe tupwana 'i'ewena Ebelaamo 'enega. 'Enega wate Melikisedeki 'ina ona oboboma Ebelaamo 'i'ebwa'ena. Ebelaamo nina tai sinabwana, manuna Yaubada 'ina onaupaupa 'i'ebwa'ena,