Loma 3:5 - Loina Tabu Auwauna NT

⁵ 'Enega 'eguma 'ida bubuna to'umalina 'enega Yaubada 'ina bubuna bobo'ana 'igie apwesena, nai tada gwae, “Geya'abo Yaubada 'iloiloineda 'ida bubuna to'umalina manuna,” aga? (Ona'ai'aila, gete yaona besobeso 'atuwa nadigega 'aina tomota 'idi ona.)

Loma 3:5 Σταυροειδείς Αναφορές

Loma 12:19

Ta geya'abo toto'umalidi 'ediya waetoetoloina be 'aene 'idi to'umalinao wae'isadi, manuna yage getedi Yaubada tauna 'ana toloina, manuna Buki Tabu 'ena ni'atu 'isimana, 'igwae, “Tebweugu tomota 'idi to'umalina manuna yada loina”. Gete nadigega 'ida 'Inapwana 'ina ona.

Loma 2:5

Ta 'omi wadeba pa'ala wawasae, 'enega 'abo tuta nina Yaubada 'ina loina palupaluna 'igieapwese, 'ida loina 'ai'ailimi,

Loma 3:19

Ta ni'atu tamwalatonina 'aene Mosese 'ina loinao nate me Yudia 'ada loina, be 'enega geya'abo yaita 'ionaona limana tuta nina Yaubada 'ina bwa'omatana 'ena, manuna maibo'ada toto'umalida.

Loma 3:7

'Enega 'aina toekabokaboyao manugu sigwae, “'Imu loguguya 'ena 'ugwae 'aene 'igu kabo 'enega Yaubada 'ina bubuna palupaluna 'igie apwesena tomota 'ediya ga Yaubada situpuna, 'enega geya'abo Yaubada 'i'awa'awa to'umaliyegu. 'Enega 'abo'ama sawesawenaya yage to'umalina 'aguinuwe be 'enega yage bobo'ana 'ida apwesa.” Taudi tomota nidi siona besobeso 'eguya ga 'ilobwenena be Yaubada 'ida loinedi.

Loma 4:1

'Enega mwa'adega Ebelaamo manuna tada ona'esa? Ona'ai'aila, Ebelaamo tauna gimitubuda, be tauna tuga nadigega 'abo'ada.

Loma 5:8

ta 'abo'ada 'etamo toto'umalida ga Yaubada 'ina oboboma 'ie'itaena 'edaya, nate Keliso manuda 'imwawasa,

Loma 6:1

Mwa'adega? To'ase 'ilobwenena, nai 'ida to'umalina 'ena tabubuna ataya be 'aene Yaubada 'ina 'ebwayadaita 'edaya 'ida sinabwa?

Loma 6:19

Bale'u yagenao 'ediyega yae'itemi, manuna nuwami nigeya 'isabwasabwalena 'ai'aila. Lowa welawela'ami watagwaledi be 'aene sida bubuna to'umalina, be wate 'aene 'imi guinuwa to'umalina 'ida sinabwa 'ai'aila, 'enega gete tuga welawela'ami wada tagwaledi be sida bubuna palupaluna, be wate 'imi guinuwa 'ida bobo'ana 'ai'aila.

Loma 7:7

'Enega mwa'adega taona'esa Mosese 'ina loina manuna? 'Aene 'ina loina nidi to'umalidi, aga? Nigeya! Ta esi 'eguma loina nidi geya'abo siapweapwesa, geya'abo wate to'umalina siapweapwesa. Nadigega 'abo nigeya 'ebweu loina 'ina simana nadigega 'igwae, “Geya'abo matagwegwe,” geya'abo wate yamwalamwalatoni to'ase matagwegwe.

Loma 8:31

Ona'ai'aila, Yaubada 'ina oboboma manuna geya'abo tagwaegwae, manuna 'abo Yaubada ma'edai 'ilemeda, nigeya yaita sawesawenaya 'ilosaiyeda, nai 'igie to'umaliyeda.

Loma 9:30

Gete 'enega tamwalamwalatoni 'aene taudi nigeya me Yudia nigeya sitootoo be 'aene Yaubada 'ida 'awapalupaluyedi, ta esi 'idi emisa tuga 'enega 'awapalupalu silobena.

1 Kolinita 15:32

Ta wate lowa Epeso 'enaya tomota gamwagamwasowalidi bomitawa 'atuwa silosaiyegu, ta esi losaiya nina nigeya 'ana bobo'anamo 'eguya 'abo nigeya mwawasega yatootoolo limana. 'Enega 'aina tomota sigwae 'aene 'ilobweneda be tuta gete bale'uya tada egwausowala 'ida 'e'ai be 'ida numa 'ediyega, manuna 'iabe mwawasa 'ana tutaya geya'abo 'ebweu wate to'ase talobaloba.

1 Kolinita 9:8

'Ebe'ita getedi 'ida 'asega,

2 Kolinita 6:4

ta esi 'ima guinuwao maibo'ana bobo'ana Yaubada manuna, be 'ediyega wada 'awabobo'anema. 'Ima guinuwa getedi: 'alama'i'ita sinabwana, 'elouya, miyamwau, esilae,

2 Kolinita 7:11

Ona'ai'aila, 'imi nuwamwau gete 'enega Yaubada 'ilememi, ga waetaetapewa, ta waewaiwai be 'imi bubuna 'ida bobo'ana maibo'ana, 'enega to'umalina nina manuna wagamwasowala ta wamatauta, ta nuwanuwami be yawawai 'emiya, ta wate waewaiwai ga to'umalina nina wae'isena. Yage maibo'adi 'ediyega 'imi guinuwa bobo'ana wae'itaena.

Galetia 2:18

'Abo'agu 'eguma yaila limana be 'igu emisa Mosese 'ina loinao 'ediya yasa'u, nate yato'umalina.

Galetia 3:15

Gosegwao, 'ebweu lewasa'i'i 'ida bubuna 'enega ya'ebwa'emi, gete nadigega: 'Eguma tai 'iabe 'imwamwawasa, ta 'ina gwegwe nai 'ebeloina 'i'ebwa'e waana 'enaya, 'ina ona nidi nigeya 'ebweu yaita sawesawenaya be 'ida sa'ugelasedi.

E'ita'ita 15:3

ga maibo'adi Mosese walina siwaliwaliye, tauna Yaubada 'ina toguinuwa, ta wate Lami walina siwaliwaliye, sigwae, “'Inapwana Yaubada Toewaiwai sayo, 'imu guinuwao sinabwadi ta 'ebe nuwaowanao, ta 'imu bubuna maibo'ana bobo'adi ta palupaludi, ta wate 'ebeloina maibo'adi 'uloiloinedi.

E'ita'ita 18:20

“Wada gwausowala galewaya 'omi Yaubada 'ina tomotaiyao, be wate palopitao, be 'ana tosimanao ma'emiyao wada gwausowala, manuna lowa 'imi 'elouya 'asa nina 'enega walobena, ta gete tuga Yaubada sa'i 'elouya 'enega 'ie'isedi.”