Loma 3:4 - Loina Tabu Auwauna NT

⁴ Nigeya sa'i. Ona'ai'aila, 'abo tomota maibo'ada kabokaboda, ta Yaubada tebweuna palupaluna, ga tauna manuna Buki Tabu 'isimana, 'igwae, “'Imu ona 'enega sida 'awa palupaluyeyo be 'enega 'imu etala 'enaya 'uda ewaiwai.”

Loma 3:4 Σταυροειδείς Αναφορές

Madiu 11:19

Ta 'abo'agu Tomota Natuna yamai be ya'e'ai ta yanumanuma ta wate manugu walomugi, wagwaegwae, ‘Tai getei to'ai ta tonuma diidiga, ta wate takisi 'ana to'ewao be 'aidi wate toto'umalidi 'iegosigosiyanedi.’ “Ta taudi tomwalatoi 'ai'aila ma'etamo 'idi guinuwa bobo'adi 'ediyega mwalatoi 'ai'aila 'iapweapwesa.”

Luke 20:16

“Ona'ai'aila 'inapwana nina 'imama be toguinuwa nidi 'iloemwawasidi, be 'enega bagula nina mali to'ita'i'itao 'i'ebwa'edi.” 'Inapwanao nidi Yesu 'ina ona gete nadigega sinonona ga sigwae, “Ona'ai'aila, 'abo'ada geya'abo wate nadigega!”

Yoni 3:33

Ta 'abo yaisigedi 'ina simana nina siemisena, gote 'ena si'awa 'ai'aila 'aene Yaubada tauna topalupaluna.

Loma 11:1

Ta mwa'adega, ona'ai'aila Yaubada 'ina tomotaiyao me Isileli 'ie'idi'idiyediya? Nigeya! Manuna 'abo'agu 'ebweu goma Isileli susu Beniamina 'enega, ta 'ima susu sinabwana 'ana esana Ebelaamo.

Loma 11:11

'Enega taudi me Yudia nidi siesetupedi, mwa'adega 'adi loina? 'Aene ni'atu sibe'u ataya be geya'abo sitoolo limana, aga? Nigeya! Ma'etamo sida toololimana. 'Enega wada nuwa'i'isi 'aene 'omi nigeya me Yudia 'etoseyana walobena be me Isileli nidi sida e'ipi'ipiyemi.

Loma 3:31

'Enega mwa'adega 'aene gete 'ana mwalatoi be loina taguitoyase ta emisa tagiyai aga? Nigeya! Ta esi 'ilobweneda loina ta'amayabe, be 'edaya 'ida sinabwa.

Loma 6:15

'Enega mwa'adega tada bubuna'esa? Lowa loinao tale'oedi ta Yaubada 'ida to'umalinao 'inuwataudi, mwa'adega sawesawenaya be to'umalina tuga 'ena tamiyami? Nigeya 'ai'aila!

Loma 6:2

Nigeya sa'i! Manuna bubuna to'umalina ni'atu 'edega 'igumwala, 'enega nigeya sawesawenaya be 'edaya wate 'ida miyami.

Loma 7:13

Ta mwa'adega sana loina nina bobo'ana ta 'iloemwawasigu? Ona'ai'aila, nigeya sawesawenaya be yage bobo'ana 'iloemwawasida, ta esi to'umalina 'ateguya loina bobo'ana 'ieyowena ga 'enega 'iloemwawasigu, 'enega tamwalatonina 'aene bubuna to'umali 'ai'ailina 'atedaya 'imiyami, ta loina 'enega tamwalamwalatoni 'aene to'umali wawasaena.

Loma 7:7

'Enega mwa'adega taona'esa Mosese 'ina loina manuna? 'Aene 'ina loina nidi to'umalidi, aga? Nigeya! Ta esi 'eguma loina nidi geya'abo siapweapwesa, geya'abo wate to'umalina siapweapwesa. Nadigega 'abo nigeya 'ebweu loina 'ina simana nadigega 'igwae, “Geya'abo matagwegwe,” geya'abo wate yamwalamwalatoni to'ase matagwegwe.

Loma 9:14

'Enega mwa'adega tada ona'esa Yaubada 'ina guinuwa gete manuna, 'aene nigeya palupaluna, aga? Nigeya!

1 Kolinita 6:15

Ooda nate Keliso welawela'anao, 'enega geya'abo yaita 'oyo tosogala ma'iyayo wabubuna geyogeyoi.

2 Kolinita 1:18

Nadigega Yaubada 'ina ona 'ai'aila, 'abo'agu wate 'igu ona 'emiya ona 'ai'aila, ta geya'abo yatagwatagwala kabokabo.

Galetia 2:17

Maibo'ama me Yudia nuwanuwama be Keliso 'ina guinuwa 'enega Yaubada 'i'awa palupaluyema. Ta 'abo 'aina tuta 'aneneta nai 'aloegesi, mwa'adega gete, sana Keliso 'igiegie loegesiyema? Nigeya.

Galetia 2:21

'Enega geya'abo Yaubada 'ina oboboma nina yae'idi'idiye. Geya'abo tanuwanuwa 'aene Mosese 'ina loinao 'adi ematamatana 'enega Yaubada 'ida 'awa bobo'aneda. Nate be Keliso 'ina mwawasa nina 'ieyage besobeso.

Galetia 6:14

Ta 'abo'agu esi geya'abo yaonaona tu'e. Nate namo 'ida 'Inapwana Yesu Keliso 'ana kelose manuna yada onalaga, manuna Keliso 'ana kelose 'enega bubuna bale'u 'iloemwawasina ga 'ina loina 'eguya 'igumwala, ta wate taudi bubuna bale'u 'ana tomuliyao siguitoyasegu 'atuwa tomwawasa 'abo'agu.

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.

Taito 1:2

Wate Yaubada 'ina onaupaupa lowaenei siemisena 'aene yawasidi ataya 'i'ebwa'edi, ta nigeya sawesawenaya 'ikakabo.

Ibeliu 6:18

'Enega yage waiwaidi 'eluwa simiya ataya, nate Yaubada 'ina onaupaupa ta 'ina sawa tamatamana, 'enega tamwalamwalatoni 'aene Yaubada nigeya 'ebweu tuta 'ida kabo. Manuna 'abo'ada ni'atu Yaubada 'ena tadena ga 'i'etoseyeda, 'enega ta'atepatu be tada nuwayai 'aene 'ina onaupaupa 'edaya geya'abo 'iligeligeidi.

1 Yoni 5:10

'Enega 'eguma tauna taemise, 'atedaya talotoo 'aene tauna Yaubada Natuna. Ta esi 'eguma Yaubada geya'abo taemiemise, gote 'enega ta'awa kabokaboe, manuna 'ina simana Natuna manuna nigeya taemiemise.

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.

E'ita'ita 3:7

Anilose nina totapwaloloyao Piladelipia 'ena 'i'ita'ita'i'isidi 'ina leta 'uda 'etoladi Me Piladelipia nidi manudi, be 'uda gwae: Ale gete 'imai tauna 'esasena ta palupaluna 'enega, ta wate tauna Debida 'ina 'ebe gigege nimanaya 'igiyagiyai, ta 'abo 'awa 'igigege nigeya 'ebweu yaita sawesawenaya be 'igibode, ta wate 'abo 'igibode geya'abo 'ebweu yaita 'igigegigege.