Loma 3:27 - Loina Tabu Auwauna NT

²⁷ 'Enega mwa'adega, 'ilobweneda taonatu'e yage gete manuna? Nigeya sa'i! Manuna 'ida emisa namo 'enega 'i'awa palupaluyeda, ta nigeya loina 'ana ematamatana 'enega.

Loma 3:27 Σταυροειδείς Αναφορές

Maki 16:16

'Enega yaisigedi siemisegu wada giebapitaiseodi, be 'etoseyana sida loba, ta 'abo yaisigedi nigeya siemiemisa ma'etamo loina to'umalina siloba.

Yoni 3:36

be 'enega 'abo yaita tauna 'iemisena yawasina ataya 'ida loba, ta 'abo yaita tauna 'iguitoyasena geya'abo wate yawasina ataya 'ilobaloba, ta esi Yaubada 'ina gamwasowala 'enaya geya'abo 'isawasawala.”

Loma 10:5

Gete nadigega Mosese 'iona'esa 'ada 'awapalupalu manuna, ga 'i'etoladina, 'igwae, “'Abo yaita loina maibo'ana 'imuliyedi, yawasina bobo'ana 'iloba, gete tuga be tuta simeema 'ediya.”

Loma 11:6

'Etoseyana gete 'alobena nigeya 'aene 'ima guinuwao 'ediyega, ta esi Yaubada 'ina oboboma 'enega, manuna 'abo oboboma ma 'ana e'isa nate nigeya oboboma 'ai'aila.

Loma 2:17

Ta 'omi? Taumi watupumi ga wagwae, “'Abo'ama me Yudia, Yaubada 'ina loina 'i'ebwa'ema Mosese 'enega.”

Loma 2:23

'Omi waona gagasa, ga wagwae, “Mosese 'ina loina 'emaya 'imiyami,” ta esi loina nina nigeya wamulimuliye, ga 'enega 'aina tomota 'ida Yaubada si'awa to'umaliyena.

Loma 3:19

Ta ni'atu tamwalatonina 'aene Mosese 'ina loinao nate me Yudia 'ada loina, be 'enega geya'abo yaita 'ionaona limana tuta nina Yaubada 'ina bwa'omatana 'ena, manuna maibo'ada toto'umalida.

Loma 3:26

'Enega gete tuga 'ina bubuna palupaluna 'ie'ie'itada 'aene tauna palupaluna, manuna Yesu 'ana toemisao 'i'awa palupaluyeda.

Loma 4:2

Ebelaamo tauna yage yaudi bobo'adi 'iguinuwedi, 'enega sawesawenaya be 'ina guinuwa bobo'adi manudi 'ida onatu'e, ta nigeya sawesawenaya be 'ionatu'e Yaubada matanaya, manuna Ebelaamo 'ina emisa namo manuna Yaubada Ebelaamo nina 'i'awa palupaluyena, ta nigeya 'ina guinuwa bobo'adi manudi.

Loma 7:21

Yage getedi ni'atu sie'ita 'ai'ailigu 'aene to'ase bobo'ana nuwanuwagu be yaguinuwe, 'iabe to'umalina tuga yada guinuwe.

Loma 7:23

ta esi mali loinao 'ediyega welawela'agwao siloinegu. Tuta yauna lotoona to'umalina 'ateguya 'iewaiwai wawasae be 'igu nuwanuwa bobo'ana 'igieneneta, 'enega bwalagu 'iguiguinuwa to'umalina.

Loma 7:25

Ta esi yalokagutoki Yaubada 'enaya, manuna 'ida 'Inapwana Yesu Keliso 'enega 'i'etoseyegu. 'Enega 'igu miya gete nadigega 'abo'agu 'ateguya yatagwala 'ai'aila Yaubada 'ina loina 'enaya, ta sa'i bwalagu nuwanuwana loina to'umalina.

Loma 8:2

Yesu Keliso ma'edai, 'enega Yaubada yaluyaluwanega to'umalina be mwawasa 'idi loina 'ediyega 'ili'amida, ga yawasi auwauna talobena.

Loma 9:11

ta muliyega be Libeka 'ienatuna, Yaubada 'ieonena, 'igwae, “'Abo natumwao 'uenatunedi, megwamana 'ida etoloina tomatuwa 'ena.” Taudi Yekobe be Iso. Gete 'enega tamwalatoi 'ai'ailina 'aene gogama nidi nigeya 'idi guinuwa bobo'ana nai to'umalina 'ediyega 'iesiesinuwedi, ta esi tauna 'ina onaupaupa 'enega, manuna Yaubada nigeya tomota 'idi guinuwega 'ida esinuwedi, ta esi taunamo 'ina nuwenuwega.

Loma 9:31

Ta esi me Isileli nidi sitootoo be loina 'ana muliya 'enega Yaubada 'ida 'awapalupaluyedi, ta sa'i sitooyogena.

Loma 9:32

Taudi situila 'idi guinuwa 'enaya, ta nigeya 'idi emisa 'ena, be 'aene Yaubada 'ida 'awapalupaluyedi. Nate 'idi loegesi be 'atuwa nadigega gulewa 'enaya sieseesetupedi.

1 Kolinita 4:7

'Enega geya'abo wanuwanuwatu'e be 'aene gosemiyao wabobo'ana sinedi, manuna to'ase bobo'ana 'emiya simiyami, maibo'ana Yaubada 'enega walobena, 'enega geya'abo waonaona gagasa.

Galetia 2:16

'enega tamwalamwalatoni 'aene Yaubada tomota 'i'awa'awa palupaluyeda nigeya Mosese 'ina loina 'ana ematamatana 'enega, ta esi 'ida emisa Yesu Keliso 'enaya 'enega. Manuna 'abo'ada 'ida emisa Yesu Keliso 'ena tasa'una be Yaubada 'i'awa palupaluyeda. Ta esi 'ida emisa nigeya Mosese 'ina loina 'ana ematamatana 'ena tasa'usa'u, manuna Yaubada nigeya tomota 'i'awa'awa palupaluyeda Mosese 'ina loina 'ana ematamatana manuna.

Galetia 3:22

Ta esi Buki Tabu maibo'ada 'i'awa to'umaliyeda, 'enega Yesu Keliso 'ana toemisao dimo Yaubada 'ina onaupaupa siloba.