Loma 3:24 - Loina Tabu Auwauna NT

²⁴ ta esi Yaubada 'i'atenuwa 'ole'oleyeda ta 'iobobomeda, ga Yesu Keliso 'enega 'ili'amida 'ida loegesiyao 'ediyega, 'enega Yaubada 'i'awa palupaluyeda.

Loma 3:24 Σταυροειδείς Αναφορές

Madiu 20:28

Wate nadigega 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

Guinuwa 15:11

Ta sa'i 'ida emisa 'aene 'Inapwana Yesu 'ina obobomega 'i'etoseyeda, ta taudi wate Yesu 'iobobomedi, ga 'enega wate 'i'etoseyedi.”

Loma 4:16

Gete 'enega tada mwalatoni 'aene emisa namo 'enega onaupaupa bobo'ana taloba, nate Yaubada 'ina oboboma tuga, ta nigeya 'ida guinuwa 'ana e'isa 'enega. Ta onaupaupa nina Ebelaamo tubunao maibo'ada ni'atu talobena, ta nigeya 'aene loina 'adi toematamatanao dimo, ta esi taudi 'idi emisa nadigega Ebelaamo 'ina emisa leleleya talobaloba, manuna Ebelaamo nina tauna tuga nadigega maibo'ada tamada.

Loma 4:4

Nadigega 'abo tai 'ipaisewa be 'ana maisa 'i'ewa, nate nigeya oboboma ta esi 'ina paisewa uwana.

Loma 5:9

ga lalanega 'igie'esaseda, ta wate sawesawenaya be 'i'etoseyeda Yaubada 'ina gamwasowala 'enega.

1 Kolinita 1:30

Manuna Yaubada tauna 'ina guinuwega Yesu Keliso ma'eda tae'ebweu, 'enega Yaubada 'ina sinasinapu Yesu nina 'isa'u balenaya 'edaya, manuna Yesu tauna 'italiyaena manuda, ga 'enega 'igie'esaseda, ta 'igiepaepaluyeda.

1 Kolinita 6:11

Manuna 'aimi lowa wabubuna nadigega, ta esi gete tuga Yaubada ni'atu 'i'utumi ga wa'esasemi, manuna 'ida 'Inapwana Yesu Keliso 'ana esanega, ta Yaluyaluwa Tabuna 'ina guinuwega, ni'atu 'igiepaepalumi.

Kolose 1:14

manuna tauna 'ena 'etoseyana talobena, nate 'ida loegesiyao 'ediyega 'igie'esaseda.

1 Timoti 2:6

Manuna Keliso taunamo 'itagwalena ga 'ietaliya maibo'ada manuda, ga ale gete, tuta 'ana lobwene 'ai'aila 'enaya, Yaubada 'i'ebwa'eda.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.

E'ita'ita 7:14

Ga 'ena yagwae, “'Inapwana 'oyo 'umwalamwalatonidi, 'abo'agu nigeya.” 'Enega 'ieonegu, 'igwae, “Gete tomota nidi bale'u 'elouyanao 'ediyega situpwa, ta 'adi 'oamao nidi Lami nina lalanega si'utudi ga siwakekedi.