Loma 2:27 - Loina Tabu Auwauna NT

²⁷ 'Enega 'omi me Yudia 'etamo taudi nigeya me Yudia sida bwa'omatami, manuna Mosese 'ina loinao be Ebelaamo 'ina lodaba nina 'emiya simiyami, ta nigeya loina nidi wamulimuliyedi, ta sa'i taudi nigeya me Yudia 'anabwa'ayoi nigeya Ebelaamo 'ina lodaba bwaladiya, ta esiya Mosese 'ina loinao simuliyedi.

Loma 2:27 Σταυροειδείς Αναφορές

Madiu 3:15

Ta Yesu Yoni 'ina ona 'ie'isena, 'igwae, “Nigeya. Esi gete nadigega. 'Oyo 'uda giebapitaisoegu. Manuna gete 'enega loina maibo'adi bobo'adi tada muliyedi.”

Guinuwa 13:22

Muliyega Yaubada Saulo 'ie'idi'idiyena ga 'idi kini auwauna Debida 'isa'una. Tauna Debida manuna Yaubada 'igwae, ‘Desi natuna Debida yalobena, ta yayalena, manuna 'igu nuwanuwao 'ida guinuwedi.’

Loma 13:10

Ta 'abo loina gete 'umuliyena, Mosese 'ina loinao maibo'adi ni'atu 'uguinuwedi, manuna 'abo yaita oboboma 'atenaya 'imiyami, geya'abo wate gosenao 'igiegie to'umaliyedi.

Loma 2:15

'Enega 'idi guinuwa 'ediyega tamwalamwalatoni 'aene 'atediya loina bobo'ana 'imiyami, ga 'enega taudimo 'idi bubuna simwalamwalatoni, 'aene 'aina tuta to'umalina, nai 'aina tuta bobo'ana.

Loma 2:20

ta toeuwauwa be toemwagemwageyao be gogama 'ediya waetoe'ita, 'aene 'omi Mosese 'ina loina 'enega mwalatoi 'ai'aila wa'ewena.

Loma 2:25

Ona'ai'aila, 'omi me Yudia Ebelaamo 'ina we'iwe'iyaya lodaba bwalamiya 'imiyami. Ta 'abo Mosese 'ina loinao wamuliyedi, lodaba nina yage bobo'ana 'emiya, ta esi 'eguma loina nidi nigeya wamulimuliya 'ai'ailidi lodaba 'emiya 'ieyage besobeso.

Loma 2:26

Ta esi taudi nigeya me Yudia Ebelaamo 'ina lodaba nigeya bwaladiya 'imiyami, ta 'abo loina nidi si'amayabedi taudi nadigega tuga lodaba nina 'ediya 'imiyami.

Loma 3:30

'ebweuna namo tuga. Tauna 'abo'ada me Yudia 'ida 'awa palupaluyeda 'ida emisa 'enega, be taudi nigeya me Yudia wate 'idi emisa 'enega 'i'awa palupaluyedi.

Loma 8:4

be gote 'enega Yaubada Yaluyaluwanega loina bobo'ana tamuliyedi, ta geya'abo bubuna tomota 'enega.

1 Kolinita 7:19

manuna lodaba nigeya yage sinabwana, ta yage sinabwana esiya Yaubada 'ina loinao 'adi ematamatana.

2 Kolinita 3:6

be sawesawemaya 'ina loina auwauna manuna 'aetoetoguinuwa. Loina nina auwauna nigeya 'eto'etoladina, ta esi Yaluyaluwa Tabuna 'enega, manuna loina 'eto'etoladina mwawasa 'i'ebwa'eda, ta sa'i loina nina Yaluyaluwa Tabuna 'enega yawasida 'i'ebwa'eda.

Galetia 5:14

Manuna loina maibo'adi 'adi bwagila, loina 'ebweuna gete, 'igwae, “Gosemwao 'uda obobomedi nadigega tauyo 'amu oboboma.”

Epeso 2:11

'Omi nigeya me Yudia ta 'omi mali boda tomoteninao, ta me Yudia natudiyao me'olotodi bwaladi silodalodabedi, ta sisinalimi, manuna nigeya bwalami 'adi lodabamo.

2 Timoti 3:15

Ta 'oyo tauyo wate 'imu tuta gwamega ga batuwa Buki Tabu 'ina onao 'ana tosawa, ga 'ie'itemu 'aene 'ida emisa Yesu Keliso 'enaya 'ada 'ebe 'etoseyana.

Ibeliu 11:3

'Abo'ada wate 'ida emisa 'enega tamwalamwalatoni 'aene Yaubada 'ina ona 'enega bale'u maibo'ana 'imweluluina, 'aene yage nidi nigeya tada 'itedi 'ediyega yage nidi ta'ita'itadi 'imweluluidi.