Loma 2:22 - Loina Tabu Auwauna NT

²² Ta wate 'abo 'ediya 'ugwae, “Geya'abo 'uloyaloyawe,” ta 'oyo wate 'ebweu toloyawe. Ta 'oyo 'ugwae, “'Abo'agu 'ebe bwagobwago kabokabo yaguitoyasedi,” ta sa'i, 'ebe bwagobwago nidi 'idi anuwega 'u'ipwa'ipwala.

Loma 2:22 Σταυροειδείς Αναφορές

Madiu 12:39

Ta Yesu 'ieonedi, “'Epata gete 'omi to'umalimi ta sogala 'alemi, nate 'alena we'iwe'iyaya wa'ebe'ebese be 'aene 'ediyega wada mwalatoi 'ai'ailigu 'aene Yaubada 'enega yamai, ta geya'abo sa'i we'iwe'iyaya nidi wa'ita'ita. Nate namo palopita Yona manuna wanuwa'i'isi, tauna tuga we'iwe'iyaya manumi,

Madiu 16:4

'Epata gete 'omi to'umalimi ta sogala 'alemi, nate 'alena we'iwe'iyaya wa'ebe'ebese be 'aene 'ediyega wada mwalatoi 'ai'ailigu 'aene Yaubada 'enega yamai, ta geya'abo sa'i we'iwe'iyaya nidi wa'ita'ita. Nate namo Yona manuna wanuwa'i'isi, tauna tuga we'iwe'iyaya manumi.” 'Enega Yesu 'ipilisinedi ga 'itauya.

Maki 11:17

Ga 'ie'itedi 'igwae, “Nai Buki Tabu 'ena Yaubada 'ina ona si'etoladina wamwalatonina, 'igwae, ‘'Igu anuwa sida eese anuwa 'ebe sidasida tomota maibo'adi manudi,’ ta 'omi wagibunina ga 'aene 'imi 'ebe 'ipwala.”

Guinuwa 19:37

“Ta wa'ita tai getedi wa'au'ewedimaya, taudi nigeya 'ida anuwa tabu 'enega sida 'ipwala, nai 'ida yaubada mewainena nina sida 'awa to'umaliyena, aga?

Loma 12:9

Wada oboboma 'ai'aila ta to'umalina wada guitoyase, ta esi bubuna bobo'ana wada giyai.

Yemesa 4:4

'Omi toemisa kabokaboyao, wada mwalatoni 'aene 'abo bale'u bubunina waoboobobome, nate Yaubada waetalauwale, manuna 'abo yaita bale'u bubunina nuwanuwana, tauna Yaubada 'ana saiya.