Loma 2:19 - Loina Tabu Auwauna NT

¹⁹ 'Enega taumi wa'awa tosinasinapuyemi 'aene tomata kebokeboyao 'adi toanuganao, ta taudi sena guguyoi 'ana tomiyanao wagiemaedanedi,

Loma 2:19 Σταυροειδείς Αναφορές

Madiu 15:14

Ta tuwa tuga, Palisiyao nidi sida miyami 'ana laba sibebe'u, manuna taudi toanuganao matakebokebodi, be 'eguma gosediyao matakebokebodi sianuganedi, 'iabe maibo'adi gaulaya sibebe'u.”

Madiu 4:16

Taudi guguyoi 'ina sena 'ena simiyami, ta esi gete tuga maedana sinabwana ni'atu si'itena. Manuna lowa mwawasa 'ina sena to'umalina 'ena simiyana, ta gete tuga maedana ni'atu 'ediya 'isae.”

Madiu 5:14

Ta wate 'omi 'atuwa mayale me bale'u manudi. 'Eguma mayale taloe'abiya geya'abo 'ule 'enega ta'au'aukabobo, ta esi 'ebesa'u etaninaya tasa'u be anuwa maibo'ana 'ida maedana. Wate nadigega 'eguma 'oya debanaya talo'asa, nigeya kapekapeyana be 'asa nina takwaiye.

Madiu 6:23

ta 'abo matada sito'umali ooda wate maibo'ana siguguyoi, ta 'abo mayale nina 'edaya 'ikweu, 'etamo guguyoi 'ubwa'ubwa 'i'ali sakowasiyeda.

Maki 10:15

Manuna 'abo yaisigedi taudi geya'abo gogama getedi nadigega 'idi emisa, geya'abo sa'i Yaubada 'ina 'ebeloina 'ena silugulugu.”

Luke 1:79

be 'enega taudi wate guguyoi be mwawasa senanao 'ediya simiyami 'ida giemaedanedi, be 'enega maibo'ada 'ida anuganeda gwausowala 'ana 'eda 'enaya.”

Yoni 9:34

'Enega Palisiyao tai nina sieonena, sigwae, “'Oyo tuga toto'umaliyo 'imu tuta gwamega ga batuwa, ta 'aene 'utoo be 'ue'itama, aga? Yaita sana 'oyo?” Ga gote 'enega sipa'ina ga anuwa tapwaloloega 'iapwesa.

Guinuwa 26:18

Manuna taudi nigeya me Yudia 'ediya yaetuetuneyo, be matadi 'uda gie'esasedi, be guguyoi 'enega sida sanaila maedana 'ena, ta wate Seitani 'ina waiwai 'enega sida apwesama, be Yaubada 'idi to'umalinao 'ida nuwataudi, be sida lugu taudi siemiseguya 'ediya, nate taudi 'eguyega si'esasa 'ediya.’

Loma 2:18

'Enega Yaubada 'ina nuwanuwa ni'atu wamwalamwalatoni, manuna loina nina ni'atu 'igiesinapumi, bubuna bobo'ana wawasae manuna.

Loma 2:20

ta toeuwauwa be toemwagemwageyao be gogama 'ediya waetoe'ita, 'aene 'omi Mosese 'ina loina 'enega mwalatoi 'ai'aila wa'ewena.

1 Kolinita 3:18

Geya'abo yaita 'oyo tauyo 'ukaboeyo 'aene 'oyo 'ebweu tosinasinapu, manuna 'abo bale'u gete 'ana sinasinapu namo 'umwalamwalatoni, 'ilobweneyo be mwalatoi nina 'uguitoyase, be 'enega mwalatoi 'ai'aila Yaubada 'enega 'uloba.

1 Kolinita 4:10

ta 'ama 'ita 'atuwa uwauwama Keliso manuna, ta sa'i 'omi 'ami 'ita 'atuwa taudi Keliso 'ana tosinasinapuyao, manuna 'abo'ama nenetama ta 'omi waiwaimi, be ma 'ami 'amayaba, ta 'abo'ama sa'i ma ima omayamaya.

Pilipai 2:15

be 'aene 'omi Yaubada natunao bobo'ami ta 'esasemi, ta nigeya 'ebweu wate 'imi to'umalinamo, be me bale'u 'idi mayale 'omi. Manuna taudi 'idi bubuna guguyoi ta taudi adelidi toto'umalidi.