Loma 16:10 - Loina Tabu Auwauna NT

¹⁰ Ta wate 'igu oboboma Apeli 'enaya, tauna Keliso 'ana toemisa 'ai'aila. Ta Alisitobulo ma ina bu'unao 'igu oboboma wate 'ediya,

Loma 16:10 Σταυροειδείς Αναφορές

Loma 14:18

Be 'abo bubuna nidi gete 'ediyega Keliso 'ina guinuwa taguiguinuwe, 'iabe Yaubada manuda 'igwausowala, ta wate tomota si'awa bobo'aneda.

Loma 16:3

Ta wate 'igu oboboma Pilisila be Akuila 'ediya wada simane, taudi lowa ma'egwao Yesu Keliso manuna 'aetoguinuwa,

Loma 16:7

'Igu oboboma wate gosegwao Anidaloniko be Dunia 'ediya, taudi me Yudia lowa ma'egwao deliya 'amiyami, siteluwa nidi ma 'adi 'amayaba Yesu 'ana tosimanao 'ediyega, manuna taudi togimi ekalesiya, ta muliyega 'abo'agu.

Loma 8:11

Ta Yaubada Yaluyaluwanana 'enega Yesu mwawasega 'igietoolo limena, 'abo 'emiya 'imiyami, Yaubada 'iabe wate Yaluyaluwana nina 'enega oomi mwawamwawasidi 'ediya yawasi auwauna 'ida 'ebwa'emi.

1 Kolinita 11:19

Ta 'imi eweyaweyala 'ana bobo'ana nate 'aene yaisigedi taudi toekalesiya 'ai'ailao ta'inanadi.

2 Kolinita 12:2

'Ebweu Keliso 'ina tai yamwalamwalatoni, tauna yakwala potini sigumwala 'ena Yaubada 'i'au'ewena, ta 'iyaugwa nai bwalana nai yaluyaluwa namo nigeya yamwalamwalatoni. Yaubada namo 'imwalamwalatoni. 'I'au'ewena ga 'itu'e galewa 'ebweuna 'ena, ga 'itu'e wate galewa 'eluwena 'ena, ga wate 'itu'e galewa 'etonina 'enaya.

2 Kolinita 2:9

Gete manuna 'imi leta ya'etoladinawa be 'aene yatoomi, nai loina maibo'ana waematamatanedi, nai nigeya.

2 Kolinita 5:17

ta esi wanuwa'i'isi 'aene 'abo yaita Keliso 'enaya 'imiyami, tauna 'ietomota auwauna. 'Ina bubuna kadekadelina ni'atu 'igumwala, ta auwauna sa'i ni'atu 'iapwesama.

2 Kolinita 8:22

Tasida wate 'ebweu ma'edi 'aetunenawa, tauna 'amwalatonina 'aene toemisa 'ai'aila 'ina guinuwa yauna 'ediyega, ta gete tuga 'omi 'imi bubuna bobo'ana ni'atu 'inonona ga 'iemisena, 'enega nuwanuwana sinabwana 'iayausimi sabi lememi wate.

Galetia 1:22

Ta tuta nidi 'ediya Keliso 'ina toekalesiyao Yudia senanao 'ediya maninigu nigeya sida mwalatonina.

Pilipai 2:22

Ta Timoti wamwalatonina 'aene tai bobo'ana, ta 'atuwa nadigega natugu ma'iyagu tetela bobo'ana manuna 'aetaetapewa.

1 Timoti 3:10

'Enega 'eguma 'aidi tai nuwanuwami be waesinuwedi be siedikoni, nugana 'idi ematamatana waduneye, be 'abo sibubuna bobo'ana, 'enega siedikoni.

2 Timoti 4:19

'Igu oboboma Pilisila be Akuila, ta Onesipolo ma ina susuyao 'ediya 'usimane.

1 Pita 1:7

Gete 'ediyega 'imi emisa Yesu manuna Yaubada 'itoodi. Nadigega tuga goula kaiwe sabeluluyega sitootoodi. Ta esi 'imi emisa goula 'isinabwa sinena, manuna goula yage gumwagumwalina. Ta 'abo 'imi emisa waiwaina, ma'etamo Yesu Keliso 'ina apwesama 'enaya, tupu be esaesa be 'amayaba wada lobadi.