Loma 15:31 - Loina Tabu Auwauna NT

³¹ taudi Yesu 'ana toguitoyasao Yudia 'enaya manudi, be 'enega geya'abo sigiegie to'umaliyegu, be wate toekalesiyao nidi gomagomabesodi Yelusalema 'enaya manudi, be 'aene 'ebwayadaita getei yatautauye manuna sida gwausowala, ta geya'abo sida guiguitoyase,

Loma 15:31 Σταυροειδείς Αναφορές

Guinuwa 22:24

Ta 'enega boda saiya 'ana toloina 'ina tolosaiyao 'iloinedi, 'igwae, “Tai nate watauye anuwaya, be sapi yauna wa'ebwa'e, be 'ana laba 'isimana apwesa to'ase tomota 'idi gamwasowala 'enaya 'alena.”

Guinuwa 25:2

Ta totaliya sinabwadi be me Yudia 'idi 'inapwanao simai, ga 'idi e'ewa Paulo manuna sisimanena,

Guinuwa 25:24

'Enega Pesito nina 'iona, “'Oyo kini Agalipa, be 'omi waegogonama maibo'ami, tai gete wa'itai. Tauna manuna me Yudia maibo'adi Yelusalema 'enega, be wate sena gete 'enega, sisidegu ta siona waiwai 'eguya, sigwae, ‘Tai nate mwawasa namo tuga 'ilobwenena.’

Guinuwa 9:13

Ta Ananayasi nina 'igwae, “'Inapwana, tai nina tetelina tomota yaudi sieonegu, 'aene tai to'umalina, ga 'imu toemisao Yelusalema 'ena ni'atu 'ietalauwala wawasaedi,

Guinuwa 9:15

Ta 'Inapwana 'ieonena, “Tuwa tuga, 'uda tauya 'ena. Manuna Saulo nina ni'atu yaesinuwena be teteligu 'ida simana taudi nigeya me Yudia 'ediya, be toloina sinabwadi matadiya be me Isileli wate 'ediya.

Loma 15:25

Ta esi muliyega be yawawa 'emiya, nuwanuwagu be nugana yatatauya Yelusalema be toekalesiyao 'adi lema, nate me Esia 'idi 'ebwayadaita, yada 'ebwa'edi.

1 Kolinita 16:15

Sitipana 'ina bodao wamwalatonidi 'aene taudi Keliso 'ana togimi emisao sena Akaya 'enaya, ta ni'atu sitagwaledi Yaubada 'ina tomotaiyao 'adi lema manuna,

2 Kolinita 1:10

Ta ni'atu 'ebe esilae nina 'enega 'i'etoseyema, ta wate 'anuwayaina 'aene ma'etamo 'ida 'etoseyema tuta maibo'ana 'ediya.

2 Kolinita 8:4

ta sisidasida waiwai 'emaya be 'abo kapekapeyana sida 'ebwayadaita Yelusalema 'ana toekalesiyao 'adi lema manuna.

2 Kolinita 9:1

Geya'abo leta 'enega yaemaemataluwemi 'imi 'ebwayadaita toekalesiyao manudi, manuna ni'atu wamwalamwalatoni,

2 Kolinita 9:13

Ta togomabeso nidi sida gwausowala 'adi lema be mali boda wate 'adi lema bobo'adi 'emiyega manuna, be wate 'imi ematamatana Keliso tetelina 'enaya manuna sida ona'ai'aila, be wate Yaubada sida tupu,

1 Tesalonaika 2:15

Manuna taudi me Yudia 'idi bubuna gete 'ida 'Inapwana Yesu siloemwawasina, ta wate lowaenei palopitao siloemwawasidi, ta wate 'abo'ama ni'atu sietalauwalema, 'enega Yaubada geya nuwana taudi,

2 Tesalonaika 3:2

Ta wada sida wate be toto'umalidi 'ediyega Yaubada 'ida 'etoseyema, manuna 'Inapwana 'ana toeyaseyaseyao yaudi.

2 Timoti 3:11

ta sena nidi Anitioki be Ikoniami be Lisitila 'ediya 'igu miyamwau be 'igu 'elouya tomota 'ediyega yalobediya wate 'umwalamwalatoni. Sena nidi 'ediya yamiyamwau 'ai'aila, ta mwau nidi maibo'adi 'ediyega 'ida 'Inapwana 'i'etoseyegu.

2 Timoti 4:17

Ta 'igu etala nina 'enaya Yaubada 'ilemegu ga waiwai 'i'ebwa'egu, ga tetelina maibo'ana yasimanena taudi nigeya me Yudia 'ediya, ta Yaubada 'ina lemega nigeya laiyoni 'ediya si'ebwa'ebwayaegu.