Loma 15:14 - Loina Tabu Auwauna NT

¹⁴ Gosegwao, ni'atu yamwalatoi 'ai'ailimi 'aene 'omi tomota bobo'ami ta sinasinapumi, 'enega sawesawemiya be 'ebweuna 'ebweuna 'enaya wada e'ita.

Loma 15:14 Σταυροειδείς Αναφορές

1 Kolinita 12:8

ta esi dumadumadi, manuna tomota 'ebweuna 'ana egueguyai mwalatoi, be 'ebweuna sinasinapu,

1 Kolinita 13:2

Ta wate 'eguma 'abo'agu Yaubada 'ina tosimana, be ma igu sinasinapu sinabwana bale'u be galewa manudi, nai 'eguma yaemisa 'ai'aila Yaubada 'enaya be 'enega yaona 'oya 'ediya, kapekapeyana sitatauya mali senaya, ta 'abo nigeya oboboma 'ateguya, 'abo'agu tuga tai besobeso.

1 Kolinita 8:1

'Ebweu wate enaida 'igu leta 'enaya ni'atu wasimanenaya, nate masula nidi tomota si'ebwa'ebwaya 'idi 'ebe bwagobwago gulewa nai kaiwe 'ediya. Yage nidi 'idi kabo wamwalamwalatoni, ta sa'i geya'abo wanuwanuwatu'e 'imi sinasinapu nina manuna, ta 'ilobwenemi be gosedao maibo'adi 'atemiyega wada obobomedi, manuna oboboma yage sinabwana, ta mwalatoi esi nigeya yage sinabwana.

1 Kolinita 8:10

Manuna 'abo yaita 'oyo ma imu mwalatoi 'umwalamwalatoni 'aene mali 'ebe emisao nidi yage besobeso, ta nigeya 'ebweu 'idi waiwaimo, 'enega 'abo 'adi masula 'eto'etobodana 'u'a'ani, be tasiyo 'ebweuna ma ina emisa nenetana 'i'itayo, 'iabe tauna wate 'i'a'ani, ta esi ma ina matauta.

1 Kolinita 8:7

'Abo'ada 'ida emisa pa'alina, ta sa'i 'aina toekalesiyao 'idi emisao nenetadi, manuna sienuwanaluwa 'aene mali 'ebe bwagobwago wate 'ebe emisa 'ai'aila, 'enega 'abo tomota nidi 'ebe emisa kabokaboyao 'adi masula si'a'ani 'iabe simatauta 'ediya.

2 Kolinita 8:7

'Omi ni'atu wabubuna bobo'ana 'imi guinuwa yauna 'ediyega, nate emisa be simana be mwalatoi be etapewa be wate 'imi oboboma 'emaya, 'enega 'ilobwenemi be 'ebwayadaita bobo'ana wate wada guinuwe.

Epeso 5:9

be bubuna nidi bobo'adi ta palupaludi ta 'ai'ailidi siapweapwesa maedana 'enega.

Pilipai 1:11

ta ma imi guinuwa bobo'adi Yesu Keliso 'ina waiwaiyega, manudi tomota Yaubada sida tupui be sida 'awa eseese.

Pilipai 1:7

Ona'ai'aila, 'ilobwenena be manumi to'ase yalotolotoona nadigega, manuna 'omi nuwagu wa'ewena, manuna 'omi ma'egwao Yaubada 'ilemelemeda gete tuga deliya yamiyamiya, ta 'ilemelemeda wate tetela bobo'ana 'ana e'ita be 'ana 'ebe ewaiwai 'ediya.

Kolose 3:16

Wate Keliso 'ina ona bobo'ai'ailidi 'atemiya sida tabwa bobo'ana, be 'enega 'ebweuna 'ebweuna 'enaya wada e'ie'ita be wada loguloguguya mwalatoi 'ai'aila 'enega, be 'imi wali be Same walinao 'ediyega, be edale walinao Yaluyaluwa Tabuna 'enega 'ediyega, ma imi lokagutoki Yaubada 'ena 'atemiya.

1 Tesalonaika 5:11

'Enega 'ilobwenemi be taumimo wada lo'aetuetunemi ta wate wada elemalema, nate paisewa nidi nadigega gete tuga waguiguinuwa 'esedi.

1 Tesalonaika 5:14

Ta gosemao, 'ilobwenemi wate be tologwautoyasao waloguguyadi, be to'atesa'ala wagie 'atepatudi, be toneneta walemedi, ta yage nidi getedi e'alama'i'itega wada guinuwedi.

2 Tesalonaika 1:11

Lowa Yaubada 'iesinuwemi ga 'ibwauyemi, ga 'enega waemisena. Gete manuna 'abo'ama tuta yauyauna 'asidasida manumi be 'aene wada muliya 'ai'aili. Manuna 'omi nuwanuwami be emisa 'ai'ailega wada bubuna palupalu, 'enega 'ima sidasida Yaubada 'enaya 'aene 'ida giewaiwaiyemi be guinuwa nidi wada guinuwedi.

2 Timoti 1:5

Ta wate 'imu emisa 'ai'aila Yaubada 'ena yanuwa'i'isina, nadigega sinayo Yunisi be tubuyo Loise Yaubada siemisa 'ai'ailena, 'enega 'oyo wate gete tugai Yaubada 'uemisa 'ai'ailena.

Pilimoni 1:21

'Igu nuwanuwa gete ni'atu ya'etoladinawa, ma igu emisa be 'aene 'igu ona nidi 'uda nonodi be 'uda muliyedi, ta wate 'uda giesinabwa.

Ibeliu 5:12

Tuta gete 'ilobwenemi be mali tomota wae'itadi ta nigeya sawesawemiya, manuna Yaubada tetelina 'ana 'autui nigeya wamwalamwalatoni, 'enega 'etamo 'ae'ie'itami. 'Omi susu namo 'ilobwenemi manuna masula pa'alina nigeya 'ilobwelobwenemi.

Ibeliu 6:9

Ta gosegwao, 'igu ona getedi emataluwa tuga, ta yanuwayaina obobomega 'aene 'omi Keliso 'ina 'etoseyana 'ana to'ewao wada ewaiwai 'ai'aila.

2 Pita 1:12

'Enega nuwanuwagu be yaguguyami be yage getedi wanuwa'i'isidi, manuna ni'atu wamwalatonidi ga mwalatoi 'ai'aila 'emiya 'imiyami.

1 Yoni 2:21

ta nigeya 'aene ma imi emwagemwage 'imi leta gete wasawasawai, manuna e'ita palupaluna ni'atu wamwalatonina, ta wate wasinapuna 'aene nigeya wate 'ebweu kabo 'iapweapwesama bubuna palupaluna 'enega.