Loma 14:2 - Loina Tabu Auwauna NT

² Manuna 'idi nuwanuwa nigeya palupaluna, be 'enega 'aidi tomota sigwae, “Masula maibo'ana 'ilobweneda be ta'enidi,” ta 'aidi 'idi emisa nenetadi sigwae, “Yobai esiyona geya'abo tae'ani.”

Loma 14:2 Σταυροειδείς Αναφορές

Loma 14:1

Ta 'aina tomota 'idi emisa nenetadi, nigeya waiwaidi, 'enega 'ilobwenena be 'ediya tada tagwala be ma'edao taeboda 'ebweuna, ta geya'abo ma'edao taegewagewana.

Loma 14:14

Ta ona'ai'aila, 'ida 'Inapwana Yesu ni'atu 'igienuwa sabwalenigu ga yamwalatonina 'aene nigeya 'ebweu masula 'eto'etobodana 'imiyami, ta esi 'abo 'ebweu tomota 'inuwena 'aene 'aina masula 'eto'etobodadi, 'etoboda nidi tauna tuga manuna.

Loma 14:20

Ta esi geya'abo 'ami 'e'ai 'enega Yaubada 'ina guinuwa wagiegie to'umaliye, manuna masula maibo'adi bobo'adi, ta 'abo 'aina masula 'ediyega gosedai tagiebe'uye, masula nina geya'abo wate tae'ani.

Loma 15:1

Yaisigedi 'abo'ada 'ida emisa waiwaina, 'ilobweneda be gosedao taudi 'idi emisa nenetadi tada lemedi, ta geya'abo taudamo manuda tanuwanuwa.

1 Kolinita 10:25

'Enega 'abo yobai esiyona mali tomota 'ediyega wagimwane, geya'abo waenaenaida esiyo nina manuna, ta esi wada 'ani tuga, be geya'abo wanuwanuwa to'umalina to'ase lowa masula nina 'ena siguinuwena.

1 Kolinita 8:9

'Enega masula maibo'ana sawesawenaya be ta'enidi ta esi wada nuwa'i'isi be geya'abo 'ami masula 'eto'etobodana 'ediyega toekalesiyao nenetadi wagiegie be'uyedi.

1 Kolinita 9:22

Ta wate 'abo taudi 'idi emisa nenetana ma'egwao 'amiyami, yabubuna taudi nadigega be 'aene yalemedi. 'Enega tomota maibo'adi ma'egwao manudi yatoo waiwai be yapanaitedi be 'enega 'aidi 'ediyega 'etoseyana sida loba Keliso 'enega.

Galetia 2:12

Ona'ai'aila, 'ina gimimai 'enaya 'ina bubuna bobo'ana, 'enega toekalesiyao taudi nigeya me Yudia 'iegosigosiyanedi ta ma'edi si'e'ai, ta muliyega 'aidi Yemesa 'ina bodao simai, ga Pita me Yudia nidi 'imatautedi, ta 'enega 'e'ai taudi nigeya me Yudia ma'enao 'iguitoyasa, ta 'iebesinedi. Nate Pita 'ina loegesi.

1 Timoti 4:4

Yage yauyauna Yaubada 'imweluluidiya bobo'adi, 'enega manudi tada lokagutoki Yaubada 'ena, be tada 'ewadi,

Taito 1:15

Tomota 'esasedi 'ediya yage yauna 'esasedi, ta taudi tetela bobo'ana 'ana tologuitoyasao, ta 'idi bubuna to'umalidi, taudi 'ediya nigeya 'ebweu wate yage 'esasena, manuna 'idi nuwanuwao maibo'ana to'umalidi.

Ibeliu 13:9

'Enega geya'abo loina auwaudi ta dumadumadi wanoonodi, manuna 'ateda 'iewaiwai Yaubada 'ina oboboma namo 'enega ta nigeya masula 'ediyega. Loina masula manuna geya'abo sa'i 'ana tomuliyao 'ilemelemedi.

Ibeliu 9:10

'eguma loinao nidi tomota simulimuliyedi masula be bwasi be mali esiwe be mali esiwe manudi. Manuna lowa loina nina kadekadelina Yaubada 'isa'una ga 'imiyami 'ana laba Keliso 'iapwesa be loina 'isa'u gelase.