Loma 14:1 - Loina Tabu Auwauna NT

¹ Ta 'aina tomota 'idi emisa nenetadi, nigeya waiwaidi, 'enega 'ilobwenena be 'ediya tada tagwala be ma'edao taeboda 'ebweuna, ta geya'abo ma'edao taegewagewana.

Loma 14:1 Σταυροειδείς Αναφορές

Madiu 12:20

Guna lasalasana geya'abo 'iguiguitoyase. Ta wate wenukwa butabutana geya'abo 'iuleule, ga 'ana laba tauna 'enega loina palupaluna 'iewaiwai,

Madiu 14:31

Ta Yesu 'ilomanini ga Pita 'igiyaina ta 'igwae, “Toemisa gidaliyo, to'ase manuna 'uenuwanaluwa?”

Madiu 18:10

“Gogama gete nadigega geya'abo 'ebweuna 'ediyega wae'idi'idiye. Ona'ai'aila, gogama nidi 'idi aniloseyao tuta maibo'ana galewaya Tamagu matanaya simiyami, ta siduneduneye.

Maki 7:19

manuna nigeya 'atedaya 'itauya ta esiya gamwada namo 'ena 'ilugu be muliyega 'itatauya sumwana 'enaya.” (Yesu 'ina e'ita gete 'ana mwalatoi 'aene nigeya 'ebweu wate masula etaetabuna, ta esi maibo'ana tada 'ani.)

Luke 17:2

'Enega 'abo yaita togiebe'u nina, 'ilobwenena be gulewa sinabwana sida losipwa 'otonaya be ni'u gaigaiya sida ulamwa'ute be 'enega geya'abo gogama simulimuliye.

Yoni 13:20

“Ona'ai'aila, ma'etamo yaetunemi tomota 'ediya be 'abo yaita 'itagwala 'emiya, nate tauna ni'atu 'itagwala 'eguya, ta wate 'itagwala 'agu toetune nina 'enaya.”

Guinuwa 28:2

Ta me salu nidi siobobomema sinabwana, ga kaiwe simu'ena, ta maibo'ama sibwauyema ga 'asiyasiyata, manuna 'i'usa'usana, ta gogai wate.

Loma 11:15

Ta ona'ai'aila, Yaubada me Yudia 'iguitoyasedi be 'aene 'omi nigeya me Yudia Yaubada 'iegosigosiyanemi, be 'enega to tuta 'ena 'abo me Yudia nidi sisanaila, yage bobo'ana 'ida apwesa, be 'ana 'ita 'atuwa nadigega taudi mwawasega sitoolo limana.

Loma 14:2

Manuna 'idi nuwanuwa nigeya palupaluna, be 'enega 'aidi tomota sigwae, “Masula maibo'ana 'ilobweneda be ta'enidi,” ta 'aidi 'idi emisa nenetadi sigwae, “Yobai esiyona geya'abo tae'ani.”

Loma 14:21

'Enega gete tugai 'ilobweneda be yage nidi manudi gosedao siedidigula, esiyo nai oine, geya'abo tagitogitoodi, 'abona nai tagiebe'uyedi.

Loma 14:3

'Ilobwenena be taudi yobai esiyona sie'ani geya'abo gosediyao silo'alo'aegiledi, taudi nigeya yobai esiyona sida 'enina, be esiyo 'ana toedidigula nidi geya'abo wate gosediyao taudi esiyo sie'ani silo'alo'aegiledi, manuna Yaubada ni'atu 'iesinuwedi be 'aene natunao,

Loma 15:1

Yaisigedi 'abo'ada 'ida emisa waiwaina, 'ilobweneda be gosedao taudi 'idi emisa nenetadi tada lemedi, ta geya'abo taudamo manuda tanuwanuwa.

Loma 15:7

'Enega gosemiyao 'ebweuna 'ebweuna wada bwauyedi 'imi egosigosiyanao 'ediya, nadigega Yesu Keliso 'abo'ada 'iegosigosiyaneda, be 'imi egosigosiyana bobo'ana 'enega Yaubada 'ana tupu 'ida sinabwa.

Loma 4:19

Ona'ai'aila, Ebelaamo ni'atu 'ana yakwala selabenaya be analedi 'iloba ga ni'atu oona maibo'ana sineneta, ta wate mwanena Sela megamegagalina, ta tuwa tuga Ebelaamo nigeya manudi 'inuwanuwa, ta esi 'ina emisa 'ena 'ituila sinabwana.

1 Kolinita 9:22

Ta wate 'abo taudi 'idi emisa nenetana ma'egwao 'amiyami, yabubuna taudi nadigega be 'aene yalemedi. 'Enega tomota maibo'adi ma'egwao manudi yatoo waiwai be yapanaitedi be 'enega 'aidi 'ediyega 'etoseyana sida loba Keliso 'enega.

Pilipai 2:29

'Enega 'abo to tuta 'iapwesa 'imi senaya, ma imi gwausowala 'Inapwana 'ana esanega wada bwauye 'imi anuwaya. Be wate 'aina 'Inapwana 'ina toguinuwao, 'abo siwawai 'emiya, wa'amayabedi nadigega Epapilodito.

1 Tesalonaika 5:14

Ta gosemao, 'ilobwenemi wate be tologwautoyasao waloguguyadi, be to'atesa'ala wagie 'atepatudi, be toneneta walemedi, ta yage nidi getedi e'alama'i'itega wada guinuwedi.

Ibeliu 5:14

Ta 'abo yaisigedi 'idi mwalatoi 'imatuwa, taudi 'atuwa masula pa'alina 'ana to'aiyao, manuna nuwadi ni'atu 'isabwalena ga sawesawediya siesinuwa to'ase bobo'ana ta to'ase to'umalina.

2 Yoni 1:10

'Enega 'eguma yaita 'emiya 'iwawai ta 'ina e'ita dumadumana, geya'abo wabwaubwauye 'imi anuwaya nai walokagutokiye,