Loma 13:8 - Loina Tabu Auwauna NT

⁸ 'Ami lowagao wada yotuli egumwalidi, ta 'ami lowaga eobooboboma nigeya sawesawenaya be wayotuli egumwali, manuna 'abo gosedao taobobomedi, loinao maibo'adi ni'atu taguiguinuwedi,

Loma 13:8 Σταυροειδείς Αναφορές

Madiu 7:12

Ta 'abo to'ase nuwanuwami be tomota 'emiya siguinuwei 'omi wate nadigega 'ediya wada guinuwa'esa, manuna getei Mosese be palopitao 'idi loina 'ana bwagila.

Yoni 13:34

“'Enega 'omi wate gete tuga loina auwauna ya'ebwa'emi, be 'atemiyega wada eobooboboma 'ebweuna 'ebweuna 'enaya, nadigega 'abo'agu yaoboboma'esemi,

Loma 13:10

Ta 'abo loina gete 'umuliyena, Mosese 'ina loinao maibo'adi ni'atu 'uguinuwedi, manuna 'abo yaita oboboma 'atenaya 'imiyami, geya'abo wate gosenao 'igiegie to'umaliyedi.

Loma 13:7

'Enega takisi maibo'adi 'ediya tada tagwala be 'ana to'ewao 'ediya tada takisi, ta wate toloinao nidi be 'inapwanao tada 'amayabedi, be manudi tada gwausowala.

Galetia 5:14

Manuna loina maibo'adi 'adi bwagila, loina 'ebweuna gete, 'igwae, “Gosemwao 'uda obobomedi nadigega tauyo 'amu oboboma.”

Kolose 3:14

Ta sa'i 'ilobwenemi be adelimi wada eobooboboma, manuna oboboma 'enega guinuwa maibo'adi sipalupalu.

1 Timoti 1:5

Gete 'igu loina be 'enega 'atemi 'esasedi 'ediyega taumimo waeobooboboma 'ai'aila, be wanuwanuwa bobo'ana, be waemisa 'ai'aila Keliso 'ena.

Yemesa 2:8

Ta 'ida 'Inapwana 'ina loina sinabwana Buki Tabu 'ena 'igwae, “Gosemwao 'uda obobomedi nadigega tauyo 'amu oboboma.” Loina getei 'abo 'umuliya 'ai'aili, gete bubuna bobo'ana.

1 Yoni 3:10

'Enega taudi ta'inanedi 'aene yaisigedi Yaubada natunao, ta yaisigedi Seitani 'ina bodao, manuna taudi Seitani 'ina boda geya'abo sa'i siguiguinuwa palupalu, manuna nigeya situbutubuwama Yaubada 'enega, ta wate geya'abo sieobooboboma matasidiyao.