Loma 12:15 - Loina Tabu Auwauna NT

¹⁵ Ta 'abo togwausowalao wa'itadi, ma'emiyao wada egwausowala. Wate nadigega 'abo todedoi wa'itadi, ma'emiyao wada dedoi,

Loma 12:15 Σταυροειδείς Αναφορές

Luke 1:58

'Enega 'ina bodao ta wate gosenao Yaubada 'ina oboboma 'enaya sinonona ga maibo'adi ma'enao siegwausowala leleleya.

Yoni 11:19

'enega me Yudia yaudi ma idi 'atenuwa'ole'ole simai be 'aene Malida be Meli nuwadi tupwana sida giebobo'anedi nuudina manuna.

Guinuwa 11:23

Ga tuta nina Banaba 'imai Anitioki 'enaya Yaubada 'ina oboboma toekalesiyao nidi 'ediya 'i'itena, ga 'igwausowala sinabwana, ga 'iguguyedi be geya'abo sienuenuwanaluwa, ta esi sida toolopa'ala ma idi emisa 'Inapwana 'enaya.

1 Kolinita 12:26

manuna 'abo welawela'ada 'ebweuna 'iuuya ooda wate maibo'ana si'elouya. Wate 'abo welawela'ada 'ebweuna ma ina gwausowala ooda wate maibo'ana sigwausowala.

2 Kolinita 11:29

'Enega 'abo yaita 'ineneta, 'abo'agu wate 'atuwa yaneneta, ta 'eguma yaita 'ebe esetupe 'ena 'ibe'u, nate 'igu 'ebe nuwamwau.

2 Kolinita 2:3

Ta 'imi leta nina ya'etoladinawa 'igu 'elouya ma igu nuwamwau be ma igu dedoi be 'enega tuta 'abo yayausimi wada giegwausowaligu, ta geya'abo yanuwanuwa mwau, ta esi maibo'ami yaemisemi ta yanuwayaina 'aene 'abo'agu 'igu gwausowalega 'omi wate wada gwausowala. 'Enega 'imi leta nina ya'etoladinawa, nigeya 'aene yagienuwa mwauyemi, ta esi 'igu oboboma sinabwa wawasae 'emiya wada mwalamwalatoni.

Pilipai 2:26

ga gete tuga nuwanuwana 'omi, ga tuta nina 'ina le'oasa alena 'iwai ga wanononaya, bada tauna 'inuwamwau 'aene geya'abo 'omi wa'ate'ate sa'ala 'ina le'oasa manuna.

Pilipai 2:28

Gete manuna nuwanuwagu sinabwana be yaetunenawa, be wa'ita limai 'aene ma ina bobo'ana, be tauna manuna wada gwausowala, be wate 'aene 'abo'agu 'igu 'atesa'ala 'igugumwala.

Ibeliu 13:3

Wate gosemiyao wada nuwa'i'isidi taudi deliya simiyami, be wada lemedi 'atuwa 'omi nadigega deliya ma'emiyao wamiyami. Ta wate gosemiyao taudi simiyamwau wada nuwa'i'isidi be wada lemedi, manuna 'omi tomota tuga, taudi nadigega!