Loma 10:19 - Loina Tabu Auwauna NT

¹⁹ Ta mwa'adega? Ona gete manuna me Isileli sinuwa sabwalenaya? O, ni'atu simwalamwalatoni, manuna Yaubada 'ina ona lowa Mosese 'ena 'isimanena, 'igwae, “'Omi me Isileli, 'iabe 'igu guinuwa 'enega mali tomota mwagemwagedi wae'ipi'ipiyedi, ta wate 'iabe wagamwasowaledi, manuna taudi 'aene nigeya 'igu boda 'ai'ailao.”

Loma 10:19 Σταυροειδείς Αναφορές

Loma 10:18

Ga mwa'adega me Yudia nidi ni'atu 'ina ona sinononaya, nai nigeya? Na, ni'atu sinonona, manuna ni'atu Buki Tabu 'ena 'isimana, 'igwae, “'Idi loguguya ni'atu sena maibo'adi sinonona manuna bale'u maibo'ana 'enaya ona nina 'i'elelewana.”

Loma 11:11

'Enega taudi me Yudia nidi siesetupedi, mwa'adega 'adi loina? 'Aene ni'atu sibe'u ataya be geya'abo sitoolo limana, aga? Nigeya! Ma'etamo sida toololimana. 'Enega wada nuwa'i'isi 'aene 'omi nigeya me Yudia 'etoseyana walobena be me Isileli nidi sida e'ipi'ipiyemi.

Loma 11:14

be 'enega me Yudia, 'omi nigeya me Yudia sida e'ipi'ipiyemi, be 'idi e'ipi'ipi nina 'enega 'ida giesana iledi, be 'etoseyana siloba Yaubada 'enega.

Loma 3:26

'Enega gete tuga 'ina bubuna palupaluna 'ie'ie'itada 'aene tauna palupaluna, manuna Yesu 'ana toemisao 'i'awa palupaluyeda.

1 Kolinita 1:12

Manuna 'aimi wagwae, “'Abo'ama Paulo 'ina boda,” ta 'aimi wagwae, “'Abo'ama Apolosa 'ina boda,” ta 'aimi wagwae, “'Abo'ama Pita 'ina boda,” ta 'aimi wagwae, “'Abo'ama Keliso 'ina boda.”

1 Kolinita 10:19

Ona'ai'aila, masula nidi taudi tomiya apwesa si'ebwa'ebwaya mali 'ebe emisao 'ediya, ta wate 'idi 'ebe emisao nidi, nai kaiwe nai gulewa, yage besobeso tuga, ta nigeya 'idi waiwaimo.

1 Kolinita 11:22

'Enega 'ilobwenemi be taumi 'imi anuwa 'ediya wa'e'ai be wanuma, ta geya'abo Yaubada 'ana tapwalolo wagiegie to'umaliye, ta wate taudi gomagomabesodi wagiegie omayamayaedi. Gete manuna geya'abo yatuputupumi.

1 Kolinita 12:2

Manuna lowa sena guguyoi 'ena wamiyami ta mali 'ebe bwagobwagoyao 'ediya watagwatagwalemi, taudi nigeya sawesawenaya be siona, ta sikabokaboemi.

1 Kolinita 15:50

Gosegwao wada nuwa'i'isi 'aene bwala bale'u nigeya sawesawenaya be galewaya silulugu, manuna bwala bale'u daudaulina ta bwala galewa geya'abo 'idaudaula.

1 Kolinita 7:29

Manuna tuta mwauna bale'uya ni'atu 'iloselabena, 'enega 'omi aiai nimi 'ilobwenemi be wabubuna nadigega taudi nigeya siaiai.

Taito 3:3

Ona'ai'aila, 'abo'ada lowa uwauwada ta loguitoyasa 'aleda, ga yalakwaiya be gwausowala besobeso 'adi nuwa'ewa 'enega 'eda bobo'ana tapilisinena. Ta wate lowa etalauwala be e'ipi'ipi 'aleda, ta mali tomota 'edaya sinuwa to'umali, ga 'abo'ada wate 'ediya tanuwa to'umali.

1 Pita 2:10

Ona'ai'aila, tuta lowa 'ediya 'omi nigeya waeboda 'ebweu, ta gete tuga ni'atu Yaubada 'ena waeboda 'ebweuna; ta lowa wate Yaubada 'ina 'atenuwa'ole'ole nigeya 'emiya 'imiyami, ta gete tuga ni'atu walobena.