Loma 10:17 - Loina Tabu Auwauna NT

¹⁷ Ta 'eguma Keliso manuna taloguguya, 'iabe tomota 'aidi sinono be siemisa.

Loma 10:17 Σταυροειδείς Αναφορές

Maki 4:24

Ta wate 'ieonedi, “Wada nuwa'i'isi be ona wada nono 'ai'ailidi, manuna 'eguma 'omi to'ase wa'ebwaya, wate nadigega 'ana e'isa wa'ewa, ta esi ma 'ana loeposeyana.

Luke 11:28

Ta Yesu wate 'igwae, “Taudi esi 'abo Yaubada 'ina ona sinonona ga 'enana siematamatanena, taudi togwausowala 'ai'aila.”

Luke 8:11

Ta ona semalimali nina 'ana li'ama gete nadigega: Atu nina nate Yaubada 'ina ona.

Luke 8:21

'Enega Yesu 'ieonedi, 'igwae, “Nigeya taudimo, ta esi 'eguma yaisigedi Yaubada 'ina ona sinono be siematamatane taudi sinagwao nai tasigwao.”

Yoni 1:37

Gote 'ena siteluwa nidi Yoni 'ina ona sinonona, ga Yesu simuliyena.

Loma 1:16

Tetela nina 'ana guguya manuna nigeya yada omayamaya, manuna Yaubada 'ina waiwai 'ena 'imiyami be 'enega 'abo yaisigedi taudi siemisa 'ida 'etoseyedi, ta nugana 'abo'ama me Yudia 'emaya, ta 'enega muliyega 'omi nigeya me Yudia 'emiya.

Loma 10:14

Ta ona'ai'aila, tomota nigeya sawesawenaya be 'etoseyana manuna sisisida 'enaya, 'abo nigeya siemiemise. Nigeya siemiemise manuna nigeya 'Inapwana 'ina ona sida nonona. Ta nigeya sinoono manuna nigeya 'idi tologuguyamo.

2 Kolinita 2:17

Ta 'abo'ama nigeya nadigega tologuguya kabokabodi, taudi 'idi esaesa tuga manuna siloguguya, ta esi 'abo'ama ma 'ama emisa, nadigega Yaubada 'iloinema, 'enega tauna matanaya Keliso tetelina 'aonaona 'ai'aila.

Galetia 3:2

'Enega 'ebweu enaida yaenaidemi, “To 'eda 'enega Yaluyaluwa Tabuna wa'ewena? Mosese 'ina loina 'ana guinuwao 'enega? nai Keliso tetelina wanonona ga waemisena 'enega?

Galetia 3:5

'Ebweu wate enaida: Yaubada tauna Yaluyaluwa Tabuna 'i'ebwa'ebwaya 'emiya, ta 'ina waiwaiyega 'imi guinuwa waiwaidi waguiguinuwedi. Mwa'adega 'ina 'ebwaya nidi 'emiya Mosese 'ina loinao 'adi guinuwa 'enega, nai Keliso tetelina 'ana emisa 'enega?

Kolose 3:16

Wate Keliso 'ina ona bobo'ai'ailidi 'atemiya sida tabwa bobo'ana, be 'enega 'ebweuna 'ebweuna 'enaya wada e'ie'ita be wada loguloguguya mwalatoi 'ai'aila 'enega, be 'imi wali be Same walinao 'ediyega, be edale walinao Yaluyaluwa Tabuna 'enega 'ediyega, ma imi lokagutoki Yaubada 'ena 'atemiya.

1 Tesalonaika 2:13

Gosemao tuta yauyauna 'alokagutoki Yaubada 'ena, manuna Yaubada 'ina ona ni'atu 'a'ebwa'emi ga 'ena watagwalemi, nigeya 'aene tomota 'idi ona, ta esi Yaubada 'enega. Ona'ai'aila, ona nina Yaubada 'enega, ga waemisena, ta 'ana waiwai ni'atu walotoona.

Ibeliu 4:2

Ona'ai'aila, tetela nina 'i'ebwa'eda, taudi wate lowaenei 'i'ebwa'edi, ta tetela nina nigeya 'ilemelemedi, manuna sinononaya ta nigeya siemiemise.

1 Pita 1:23

'Enega 'omi ni'atu watubuwa limana, nigeya tamamiyao mwawamwawasidi 'ediyega, ta esi Tamami mayawasina ta miyamiya atayana 'ina ona 'enega.

E'ita'ita 1:9

'Abo'agu tasimiya Yoni. Ni'atu taeboda 'ebweuna Yesu ma'edai, ta 'ina 'ebeloina solanaya 'omi be 'abo'agu tae'alama'i'itaneda 'elouya be mwau 'ediya. 'Abo'agu lowa yoniyonigu salu Patimo 'ena, manuna yaloguguya Yaubada 'ina ona be Yesu tetelina.