Loma 1:8 - Loina Tabu Auwauna NT

⁸ Nugana yalokagutoki Yaubada 'enaya Yesu Keliso 'ana esanega, manuna 'imi emisa tetelina 'i'elelewana sena maibo'ana 'ediya.

Loma 1:8 Σταυροειδείς Αναφορές

Madiu 24:14

“Ta Yaubada 'ina loina tetelina 'ida 'elelewana nugana sena maibo'ana 'ediya, be muliyega tuta 'ana 'ebe losalowa 'ida apwesa.

Luke 2:1

Ta Yoni 'ina tuta gwama 'enaya 'ebweu toloina sinabwana 'ana esana Sisa Ogusito 'imiyami, ta 'ina loina 'isa'una be 'aene 'asa 'ebweuna 'ebweuna tomotenidi 'adi esanao sida 'etoladidi.

Guinuwa 11:28

ta 'ebweuna 'ediyega, 'ana esana Agabu, 'idi deliegogona 'ena 'itoolo, ga Yaluyaluwa Tabuna 'ina waiwaiyega 'igimi simanena 'aene ma'etamo botana sinabwana 'ida apwesa sena yauyaudi 'ediya, ga muliyega Sisa Kalodiu 'ina tuta etoloina 'enaya botana sinabwana 'iapwesa.

Guinuwa 28:22

Ta esiya nuwanuwama 'ada nono 'emuyega to'ase 'imu nuwanuwa nidi, manuna sena yauyaudi tomoteninao 'imu boda ekalesiya si'awa to'umaliyena.”

Loma 10:18

Ga mwa'adega me Yudia nidi ni'atu 'ina ona sinononaya, nai nigeya? Na, ni'atu sinonona, manuna ni'atu Buki Tabu 'ena 'isimana, 'igwae, “'Idi loguguya ni'atu sena maibo'adi sinonona manuna bale'u maibo'ana 'enaya ona nina 'i'elelewana.”

Loma 16:19

Ta 'omi ni'atu tomota maibo'adi simwalatonimi 'aene tetela bobo'ana 'ana toematamatanao, 'enega manumi yagwausowala sinabwana. Ta wate nuwanuwagu be bubuna bobo'adi maibo'adi wada mwalatoi 'ai'ailidi, ta bubuna to'umalidi waguitoyasedi.

Loma 6:17

Ta ona'ai'aila, 'omi lowa bubuna to'umalina 'ana toguinuwao, ta esi tetela bobo'ana wanononaya ga 'atemi watagwaledi 'enaya, ga 'enega 'imi to'umalina 'igumwala. Ta Yesu 'ili'amimi be 'aene 'omi bubuna palupaluna 'ana toguinuwao, 'enega tada lokagutoki sinabwana Yaubada 'enaya, yage gete manudi.

1 Kolinita 1:4

Ona'ai'aila, Yaubada 'i'atenuwa 'ole'oleyemi ga yage yauna bobo'adi 'i'ebwa'emi, nadigega 'imi ona bobo'adi be 'imi mwalatoi bobo'adi Yesu Keliso 'enega. 'Enega tuta yauyauna manumi yalokagutoki Yaubada 'enaya.

2 Kolinita 2:14

'Enega Yaubada 'ena yalokagutoki, manuna Keliso 'ina waiwaiyega tuta yauna 'igiegie waiwaiyema be 'ima guinuwao 'ediya Keliso 'ana mwalatoi sena maibo'ana 'ediya 'i'elelewana 'atuwa senina maina bobo'ana wawasae 'i'elelewana be tomota simuimui,

Epeso 1:15

'Enega tuta maibo'ana 'ediya 'omi manumi yalokalokagutoki Yaubada 'enaya, ta yasidasida manumi, manuna tetelimi yanononaya 'aene 'Inapwana Yesu waemisena, ta wate 'ana toemisao maibo'adi 'atemiyega waobobomedi.

Epeso 3:21

'Enega toekalesiyao maibo'ada Yesu Keliso 'ana esanega tada tupu atae, 'epata be 'epata 'ediya. Eimeni.

Epeso 5:20

be tuta maibo'ana wada lokagutoki yage maibo'adi manudi, 'ida 'Inapwana Yesu Keliso 'ana esanega, Tamada Yaubada 'enaya.

Pilipai 1:11

ta ma imi guinuwa bobo'adi Yesu Keliso 'ina waiwaiyega, manudi tomota Yaubada sida tupui be sida 'awa eseese.

Pilipai 1:3

Tuta yauna Yaubada 'ena yalokagutoki, 'abo tuta nina yanuwami,

Kolose 1:3

Tuta yauyauna 'ima sidasida Yaubada, tauna 'ida 'Inapwana Yesu Keliso Tamana, 'enaya, 'anuwa'i'isimi ta manumi 'alokagutoki,

1 Tesalonaika 1:2

Tuta maibo'ana 'alokalokagutoki Yaubada 'enaya, 'imi bubuna bobo'ana manuna, ta wate tuta yauna Tamada Yaubada 'ena 'asidasida manumi,

1 Tesalonaika 2:13

Gosemao tuta yauyauna 'alokagutoki Yaubada 'ena, manuna Yaubada 'ina ona ni'atu 'a'ebwa'emi ga 'ena watagwalemi, nigeya 'aene tomota 'idi ona, ta esi Yaubada 'enega. Ona'ai'aila, ona nina Yaubada 'enega, ga waemisena, ta 'ana waiwai ni'atu walotoona.

2 Tesalonaika 1:3

Gosemao, 'ilobwenema be tuta yauyauna Yaubada 'ada lokagutokiye 'imi emisa be 'imi eobooboboma taumimo 'emiya 'adi sinabwa manuna.

2 Timoti 1:3

Yaubada 'enaya yalokagutoki, manuna tauna tubugwao 'idi Yaubada, ta 'enaya yaetoguinuwa 'igu nuwanuwa 'esasedi 'ediyega, ta wate 'enaya manuyo yasidasida boiboi be 'asiyata 'ediya.

Pilimoni 1:4

Ni'atu teteliyo yanonona 'aene 'ida 'Inapwana Yesu ta 'ana toyalao maibo'adi 'uoboboma 'ai'ailidi, ta wate 'uemisedi, 'enega tuta yauna 'igu sidasida 'enaya ma igu lokagutoki Yaubada 'ena manuyo.

Ibeliu 13:15

'Enega Yesu 'ilemelemeda be tuta yauna 'ediya Yaubada tada tuputupu. Gete 'ida taliya nonowana, 'eguma tauna 'ana esana ta'awa'awa sinabwae.

1 Pita 2:5

'Enega 'omi wate 'atuwa mwadale mayawasina, yaluyaluwami wada tagwaledi, be 'emiyega Yaubada 'ina Anuwa 'ida 'abi, be gote 'ena wada etotaliya 'esasemi, ta Yesu Keliso 'ida lememi be yaluyaluwamiyega wada taliya bobo'ana Yaubada 'enaya.

1 Pita 4:11

'Enega yaisigedi 'omi waetosimana wada etosimana tuga nadigega Yaubada 'ina ona wasimasimane, ta 'abo yaisigedi 'omi walemalema wada lema tuga 'imi waiwai maibo'anega, nadigega waiwai nina 'i'ebwa'emi, be 'enega guinuwa maibo'adi 'ediyega tomota Yesu Keliso sida mwalatoni be Yaubada sida tupu, manuna tauna Toesaesa sana, ta Toewaiwai sana, tuta maibo'ana 'ediya. Eimeni.