Loma 1:25 - Loina Tabu Auwauna NT

²⁵ Gete 'enega e'ita 'ai'aila Yaubada manuna siguitoyasena ta kabo 'enega sisa'u gelasena, ga Yaubada 'ina mwelumweluluwao 'ediya sibwagobwago, ta Tomweluluwa nina siguitoyasena, tauna 'ana tupu miyamiya atayana. Eimeni.

Loma 1:25 Σταυροειδείς Αναφορές

Madiu 10:37

“Ta 'abo yaita tamana be sinana 'iobobomedi sinabwana ta 'abo'agu gidalina, tauna nigeya sawesawenaya be 'imuliyegu. Ta 'abo yaita wate natuna me'olotona nai mewainena 'iobobome sinabwana ta 'abo'agu gidalina, tauna nigeya sawesawenaya be 'imuliyegu.

Madiu 6:24

Toguinuwa nigeya sawesawenaya be 'ietopaisewa 'ena'iyao 'eluwa 'ediya, ta 'ebweuna 'ida guitoyasei ta esi 'ebweuna namo manuna 'ida paisewa, be 'enega 'ebweuna 'i'awabobo'ane ta 'ebweuna 'i'awato'umaliye. 'Enega nigeya sawesawenaya be Yaubada 'ina guinuwa be esaesa bale'u tagiluwedi.

Yoni 2:8

Ga wate 'ieonedi ga tupwana bwasi 'ebesiwa nidi soladiyega sigonidi ga tonisagali 'enaya sitauyedi.

Loma 1:18

Ta Yaubada wate galewega 'ina gamwasowala ni'atu 'ie'itaena taudi tobubuna geyogeyoi maibo'adi 'ediya, manuna taudi 'idi bubuna to'umalina 'ediyega bubuna palupaluna si'eto'etobode.

Loma 1:23

Manuna Yaubada miyamiya atayana siguitoyasena, ta mali 'ebe emisao sisa'u gelasedi ga 'idi tokwalui sibubudi, 'adi 'ita tomota nai manuwa nai yobai nai yobai kawakawalidi nadigega, be tokwalui nidi 'ediya sibwagobwago.

Loma 9:5

gimi 'inapwanao 'ediya, taudi nadigega Ebelaamo be, Aisake be, Yekobe be, ga muliyega 'idi boda nina 'enega Keliso 'iapwesa. Be yage gete manudi Yaubada tauna Toloetana sana tada tupuna tuta maibo'ana 'ediya. Eimeni.

2 Kolinita 11:31

Yaubada tauna 'Inapwana Yesu tamana tada tupu atae, ta tauna 'imwalamwalatonigu 'aene 'igu emwasala gete ona'ai'aila.

Epeso 3:21

'Enega toekalesiyao maibo'ada Yesu Keliso 'ana esanega tada tupu atae, 'epata be 'epata 'ediya. Eimeni.

1 Tesalonaika 1:9

manuna taudi 'emaya siemwaemwasala 'imi tagwala lowa 'emaya manuna, 'aene 'imi 'ebe emisa kadekadelidi waguitoyasedi ga 'enega Yaubada 'ena watagwalemi, manuna taunamo Yaubada 'ai'aila ta mayawasina, 'enega tauna manuna waguiguinuwa,

1 Timoti 1:11

Ta e'ita palupaluna nina Yaubada 'enega, tauna maedana be gwausowala 'aledi, ga 'igu paisewa 'i'ebwa'eguya be tetelina yaloguguyae tomota 'ediya.

1 Timoti 1:17

'Enega Yaubada tada 'amayabe be tada tupu atae, manuna taunamo Yaubada 'ai'aila, nigeya sawesawenaya be maninina ta'ita, nai 'imwamwawasa, ta 'ina loina 'edaya geya'abo 'igumwagumwala. Eimeni.

2 Timoti 3:4

towasegigi, be to'umalina 'ena siewaiwai, be onalaga 'aledi, be Yaubada geya'abo sioboobobome, ta esi taudimo 'idi gwausowala manuna sinuwanuwa.

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.