Kolose 3:24 - Loina Tabu Auwauna NT

²⁴ be muliyega 'Inapwana nina 'enega 'ami pali wa'ewa, manuna 'ida 'Inapwana Keliso manuna taguiguinuwa.

Kolose 3:24 Σταυροειδείς Αναφορές

Madiu 10:41

Be 'abo 'oyo palopita 'u'au'ewa 'ina epalopita manuna, ma'etamo palopita 'ana pali 'uda loba. Ta 'abo 'oyo tai bobo'ana 'u'au'ewa 'ina etai bobo'ana manuna, ma'etamo tai bobo'ana 'ana pali 'uda loba.

Madiu 5:12

Ona'ai'aila 'ilobwenemi be wada gwausowala sinabwana, manuna ma'etamo 'ami pali bobo'ana galewaya wada loba. Ta 'omi nadigega Yaubada 'ina palopitao lowaenei. Manuna taudi wate 'idi miyamwau silobena tomota 'ediyega.

Madiu 5:46

Ta 'eguma gosemiyao dimo waobobomedi, nigeya sawesawenaya be pali Yaubada 'enega waloba, manuna toto'umalidi, nadigega takisi 'ana to'ewao, 'idi oboboma nadigega 'omi 'imi oboboma, gosediyao dimo siobobomedi.

Madiu 6:16

Wate 'abo tuta nina 'ena tapwalolo manuna 'e'ai 'enega waedidigula, geya'abo maninimi watuetue goegowa 'atuwa tonuwamwau. Gete tokabo 'idi guinuwa nadigega, manuna taudi 'adi 'ita sigie to'umaliyedi be 'aene 'idi edidigula tomota sida mwalatoni. Ona'ai'aila 'adi tupu tuta gete namo silobaloba, ta ma'etamo nigeya.

Madiu 6:5

'Imi sidasida wate nadigega, 'eguma wasisida Yaubada 'enaya geya'abo tokabokabo nadigega wasidasida, manuna taudi nuwanuwadi be tomota matadiya tapwalolo solanaya nai 'asa 'ediya sitoolo be sisidasida. Ona'ai'aila 'adi tupu tuta gete namo silobaloba, ta tuta 'imeemai nigeya.

Luke 14:14

be 'enega 'awabobo'ana 'ai'aila 'uloba, manuna gete taudi nigeya sawesawediya be 'imu oboboma nina sie'isa. Ta esi Yaubada 'enega 'amu e'isa 'uda loba, tuta nina 'abo tobobo'adi mwawasega 'igietoolodi.”

Luke 6:35

Ta 'omi esi 'ilobwenemi be 'ami talauwalao wada yaledi be wada obobomedi be wada 'ebwaya 'ediya, ta geya'abo e'isa manuna wayamwayamwa. Ta ma'etamo 'ami e'isa sinabwana wada loba, be 'enega 'omi Toloetana sana natunao. Manuna tauna toto'umalidi ta wate tooopa'alao 'iobobomedi.

Yoni 12:26

“'Enega 'abo yaita nuwanuwana be 'eguya 'ida etoguinuwa, nugana 'ida muliyegu, be 'enega to sena 'enaya yamiyami tauna ma'iyagu, ta wate 'abo yaita manugu 'ida etoguinuwa, Tamagu 'ida 'awa bobo'ane.”

Guinuwa 20:32

“Wate yaemataluwemi tuta simeemai manudi, 'aene Yaubada tauna 'ida 'ita'i'isimi, ta wate tauna 'ina oboboma tetelina sawesawenaya be 'igiepa'alimi, be 'enega 'ina bodao, taudi 'igie'esasediya 'ediya, 'omi wate walulugu.

Loma 1:1

'Abo'agu, Yesu Keliso manuna yaetopaisewa, ta Yaubada 'iesinuwegu be 'ina tetela bobo'ana manuna yada etosimana.

Loma 14:18

Be 'abo bubuna nidi gete 'ediyega Keliso 'ina guinuwa taguiguinuwe, 'iabe Yaubada manuda 'igwausowala, ta wate tomota si'awa bobo'aneda.

1 Kolinita 11:23

'Ida 'Inapwana Yesu 'ina 'e'ai 'ana mwalatoi ni'atu 'ie'itegu ga 'abo'agu yae'itemi, nate boiboi nina Yudasa 'isipupuyena, Yesu nina beledi 'i'ewena,

1 Kolinita 3:8

'Enega ma'etamo 'ebweuna 'ebweuna 'ama maisa 'ada loba, nadigega 'ima etapewa 'ana sinabwa.

1 Kolinita 7:22

Ona'ai'aila, topaisewao bale'uya 'abo Keliso 'ena siemisa, Yaubada sawesawenaya 'idi to'umalinao 'ediyega 'ili'amidi, ta wate tai sinabwadi 'abo Keliso 'ena siemisa, sida eto'ali'ei tauna manuna.

Galetia 1:10

Mwa'adega, tomota nidi 'adi tuputupu manuna yanuwanuwa, nai Yaubada 'ana tuputupu? Manuna 'eguma tomota 'idi nuwanuwa yaguiguinuwa, nigeya sawesaweguya be Keliso manuna yaetoguinuwa.

Epeso 6:6

Geya'abo 'aene 'abo tuta nina 'imi 'inapwana siduneduneyemi namo 'ediya wapaisewa 'ai'aila, ta 'aina tuta nigeya, ta esi Yaubada manuna 'imi gwaunuwa 'atemiyega waguiguinuwe.

Epeso 6:8

Ta wanuwa'i'isi 'aene 'inapwanao be 'idi topaisewao maibo'adi 'idi guinuwa bobo'adi 'adi e'isa Yaubada 'enega sida loba leleleya.

Kolose 2:18

'Enega geya'abo 'ebweu yaita 'ida 'awa'awa to'umaliyemi manuna 'omi nigeya watapwatapwalolo ma imi nuwamwa'uta aniloseyao 'ediya, manuna tomota nidi 'idi mwalatoi madawalega manudi sigagasa, ta sinuwatu'e bubuna bale'u 'ediyega,

Ibeliu 10:35

'Enega 'imi emisa nina wagiepa'ali be geya'abo waguiguitoyase, manuna ma'etamo 'imi emisa nina 'ana pali bobo'ana wawasae waloba.

Ibeliu 11:6

Ona'ai'aila, 'eguma geya'abo taemiemisa Yaubada 'enaya, geya'abo manuda 'igwaugwausowala. Manuna 'abo nuwanuwada be Yaubada 'ena tatatauya, taemisa nugana 'aene Yaubada nina 'imiyami ta 'ana to'ebesao 'adi tooboboma, be muliyega sawesawenaya tatatauya 'ena.

Ibeliu 9:15

Ona'ai'aila, Keliso nina loina auwauna 'ime'ena ga 'enega tamai be Yaubada ma'edai taegosigosiyana, manuna 'abo 'iesinuweda yawasida ataya 'iona upaupaenaya 'i'ebwa'eda. Manuna 'abo'ada gimi loina tale'oena, 'enega 'ilobwenena be tada mwawasa, ta Keliso manuda ni'atu 'imwawasa sabi 'etoseyeda.

1 Pita 1:4

Gote 'ena oboboma nidi 'isa'u 'ai'ailidi manumi, be geya'abo sidaudaula, nai sito'uto'umali, nai sisawasawala.

2 Pita 1:1

'Abo'agu Yesu Keliso 'ina toguinuwa, nai 'ana tosimana, 'imi leta ya'etoladinawa, manuna 'omi be 'abo'agu 'ida emisa leleleya, tauna 'ida Yaubada be 'ada To'etoseyana Yesu Keliso 'idi loina bobo'ana 'enega talobena. Gete yage nina 'edaya yage sinabwana.

Yude 1:1

'Abo'agu Yesu Keliso 'ina toguinuwa, ta tasigu Yemesa. Gete 'imi leta ya'etoladinawa, 'omi Tamadai Yaubada 'ana esiesinuwao, manuna 'iobobomemi ta Yesu Keliso 'i'ita'i'isimi.