Kolose 3:12 - Loina Tabu Auwauna NT

¹² Ta 'omi Yaubada 'ina obobomega 'iesinuwemi tauna manuna, 'enega 'ilobwenemi be wa'atenuwa 'ole'ole, be waeobooboboma, be wanuwamwa'uta ma imi 'atetagwala ta ma imi e'alama'i'ita,

Kolose 3:12 Σταυροειδείς Αναφορές

Madiu 24:22

Mwau gote 'ana 'asiyatao 'eguma Yaubada geya'abo 'igiegie kukupai, 'iabe tomota maibo'adi simwamwawasa, ta esi Yaubada 'asiyata nidi 'ida giekukupa, nate 'ina boda esiesinuwadi manudi.

Madiu 24:24

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi be 'ediyega 'abo sawesawediya Yaubada 'ina bodao esiesinuwadi wate sikwakwani.

Madiu 24:31

Ta wate yoguli sida mu'e be 'igu aniloseyao yaetunedi be 'igu boda esiesinuwadi siegogonedima bale'u maibo'ana ta yagila maibo'adi 'idi sena 'ediyega.

Maki 13:20

Mwau gote 'ana 'asiyatao 'eguma Yaubada geya'abo 'igiegie kukupai 'iabe tomota maibo'adi simwamwawasa, ta esi Yaubada 'asiyata nidi 'ida giekukupa, nate tauna 'ina tomotai esiesinuwadi manudi.

Maki 13:22

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi, be 'ediyega 'abo sawesawediya Yaubada 'ina bodao esiesinuwadi sikwakwani.

Maki 13:27

be 'enega 'igu aneloseyao yaetunedi be 'igu boda esiesinuwadi siegogonedima bale'u be galewa be yagila maibo'adi 'idi senao 'ediyega.

Luke 1:78

Manuna gete, Yaubada 'ina yala be 'ina 'atenuwa 'ole'ole 'edaya be 'etoseyana 'ina maedana 'ida gimisae 'edaya,

Luke 18:7

Wate nadigega Yaubada 'iabe 'ina tomotaiyao esiesinuwadi 'ilemedi tuta nina 'abo si'awa'awanoi limalimana 'enaya, 'asiyata be boiboi 'ediya,

Loma 1:7

Ta Yaubada Tamada be 'ida 'Inapwana Yesu Keliso 'idi obobomega wada miya siwalowa.

Loma 13:14

Ta esi 'ilobweneda be 'ida 'Inapwana Yesu Keliso 'ina bubunega tada bubuna, be geya'abo bubuna bale'u manuna tanuwanuwa.

Loma 9:11

ta muliyega be Libeka 'ienatuna, Yaubada 'ieonena, 'igwae, “'Abo natumwao 'uenatunedi, megwamana 'ida etoloina tomatuwa 'ena.” Taudi Yekobe be Iso. Gete 'enega tamwalatoi 'ai'ailina 'aene gogama nidi nigeya 'idi guinuwa bobo'ana nai to'umalina 'ediyega 'iesiesinuwedi, ta esi tauna 'ina onaupaupa 'enega, manuna Yaubada nigeya tomota 'idi guinuwega 'ida esinuwedi, ta esi taunamo 'ina nuwenuwega.

1 Kolinita 13:4

Ona'ai'aila, oboboma yage sinabwana, manuna 'eguma oboboma 'atedaya 'imiyami, sawesawedaya be tae'alama'i'itana be tomota ta'atenuwa 'ole'oleyedi, ta geya'abo tae'ipi'ipiyedi. Ta geya'abo wate tanuwanuwatu'e nai tagagasa,

2 Kolinita 6:6

bubuna 'esasena, mwalatoi, 'atenuwa'ole'ole, eobooboboma, Yaluyaluwa Tabuna 'atedaya, oboboma 'ai'aila,

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

Epeso 1:4

Manuna lowaenei 'etamo bale'u nigeya 'imwelumwelului, ta 'igimi esinuweda be 'aene taeboda 'ebweu Keliso ma'edai, be Yaubada nina matanaya adelida 'esaseda, ta nigeya 'ada 'ebe e'ewamo.

Epeso 4:2

ma imi nuwamwa'uta, be ma imi 'atetagwala, be ma imi 'alama'i'ita, be 'ebweuna 'ebweuna wada eobooboboma, be wada 'atenuwa'ole'ole gosemiyao 'ediya,

Epeso 4:24

be 'enega bubuna auwauna wa'ewa, Yaubada 'ina bubuna nadigega, manuna tauna 'atedaya bubuna bobo'ana ta 'esasena 'isa'una.

Epeso 4:32

ta esi wada eobooboboma, be 'atenuwa 'ole'oleyega gosemiyao 'idi to'umalina wada nuwatau 'ebweuna 'ebweuna 'enaya, nadigega Yaubada 'imi to'umalinao Keliso 'enega 'inuwatau'esedi.

Pilipai 1:8

Yaubada wate 'imwalatonigu 'aene Yesu Keliso 'ina obobomega nuwanuwagu 'omi,

Kolose 3:10

ta bubuna auwauna walobena, manuna Tomweluluwa nina tuta maibo'ana 'igiegie auwaumi, be 'aene tauna wada mwalamwalatoni be 'ina bubuna wada etotowane.

1 Tesalonaika 5:15

Wa'ita'i'isimi be geya'abo 'ebweu yaita 'emiyega to'umalina 'ie'ie'isa to'umalina 'enega, ta esi tuta maibo'ana wada eobooboboma be wada elemalema. Mali tomota wate wada lemedi.

2 Timoti 1:9

Yaubada nina 'i'etoseyeda ga 'ibwauyeda 'ina guinuwa bobo'adi sabi guinuwedi. Ona'ai'aila, nigeya 'abo'ada 'ida bobo'ana manuna ga 'enega 'iesinuweda, ta esi tauna 'ina nuwena ta 'ina oboboma 'edaya lowaenei Yesu Keliso 'enega manuna,

2 Timoti 2:10

Gete manuna 'igu miyamwau nidi getedi 'ediyega yae'alama'i'ita, be taudi Yaubada 'iesinuwediya yada lemedi, be 'aene Yesu Keliso 'i'etoseyedi, be gwausowala ataya sida loba.

Taito 1:1

Natugu Taito, 'imu leta gete 'eguyega. 'Abo'agu Yaubada 'ina toguinuwa ta Yesu Keliso 'ana tosimana, 'igu guinuwa nina 'i'ebwa'egu be taudi Yaubada 'ana esiesinuwao yagiepa'alidi, be siemisa 'ai'aila, ta nuwadi 'isabwalena, be 'enega mwalatoi 'ai'ailega sida bubuna palupalu.

1 Pita 1:2

'Omi lowa Yaubada 'inuwena be 'aene 'ida esinuwemi 'ina tomotaiyao, 'enega 'ina Yaluyaluwa Tabunega ni'atu 'igie'esasemi, nate Natuna lalanega, be 'aene Yesu Keliso nina 'enana wada ematamatane. Oboboma be nuwasiwalowa sida sinabwa 'emiya.

2 Pita 1:10

'Enega, gosegwao, watoo waiwai be geya'abo Yaubada 'ana esiesinuwao bodadi 'enega wamiyamiya apwesa. Ta 'abo 'igu ona getedi waematamatanedi geya'abo wabe'ube'u,

1 Yoni 4:19

Ta 'ida oboboma nina 'alena gete manuna Yaubada 'igimi obobomeda.

2 Yoni 1:13

Tasiyo tauna wate esiesinuwana Yaubada 'enega, natunao 'idi oboboma 'emuya.

E'ita'ita 17:14

Be 'enega Lami 'enaya sida losaiya, ta Lami nina 'ida ewaiwai sinedi, manuna tauna 'inapwanao 'idi 'inapwana, ta kiniyao 'idi kini, ta wate taudi 'ina esinuwega 'ibwauyedima, taudi 'ana tomuliya 'ai'ailao ma'enao.”