Ibeliu 9:28 - Loina Tabu Auwauna NT

²⁸ Wate nadigega Keliso 'ina mwawasega tauna 'italiyaena ma'ebweuna namo, be yauyauda 'ida bubuna to'umalidi 'i'ewa yauledi, ta ma'etamo 'iila limanama, be nigeya 'aene bubuna to'umalidi 'i'ewayaula limadi, ta esi sabi 'etoseyeda 'abo ma ida nuwa'ewa tayamwayamwa.

Ibeliu 9:28 Σταυροειδείς Αναφορές

Madiu 20:28

Wate nadigega 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

Madiu 25:31

“'Abo'agu Tomota Natuna, be ma'etamo ma igu esaesa tuyayalina be ma igu aniloseyao 'amama be 'enega 'igu 'ebemi esaesa 'ena yamiyatowa sabi loina,

Madiu 26:28

Gete lalagu, loina auwauna manuna, 'idaudau tomota yaumi 'imi to'umalinao 'adi 'ebe nuwatau manuna.

Yoni 14:3

Ta 'abo yatatauya sena nina 'ena be 'imi sena yagibubu, ma'etamo yada ilama be yada 'au'ewami be sena nina 'ena yamiyami 'omi wate 'ena wamiyami.

Guinuwa 1:11

ga sigwae, “Me Galili ye, to'ase manuna wadunedune galewaya? Yaubada ni'atu Yesu nina 'i'au'ewena galewaya, ta ma'etamo 'imwa'uta limanama, be 'ina mwa'utama 'ana 'ita 'etamo nadigega 'ina tu'e nina ni'a wa'itena.”

Loma 3:25

Ona'ai'aila, Yaubada natuna 'itagwalena be 'aene 'ina mwawasega 'ida 'au'ewa limada Yaubada 'enaya be ma'eda tada egosigosiyana, nate 'abo Yesu taemise. Gete 'enega Yaubada 'ina bubuna bobo'ana 'ie'iteda, manuna lowaenei 'ida bubuna to'umalina manudi nigeya 'ie'ie'isa, ta esi 'ie'alama'i'itana ga 'ana laba Yesu Keliso 'ietunenama 'edaya.

Loma 5:15

Manuna lowa Adama 'ina to'umalina 'enega mwawasa 'igieapwesena tomota yauyaudi 'ediya, ga muliyega Yaubada 'ina 'atenuwa'ole'ole 'enega 'ina oboboma 'igieapwesena tomota yauyaudi 'ediya, nate tai 'eluwena 'enega, tauna Yesu Keliso. Ta yage 'eluwa nidi nigeya sieleleleya, manuna to'umalina mwawasa 'igieapwesena tomota yauyaudi 'ediya, ta esi 'ebwayadaita 'iewaiwai sinena.

Loma 6:10

Keliso nina ma'ebweuna 'imwawasa 'ida to'umalina manuna, ga gete tuga mayawasina 'imiyami Yaubada 'enaya.

Loma 8:23

Ta 'abo'ada ni'atu Yaluyaluwa Tabuna lotoona bobo'ana gidalina tuga 'i'ebwa'eda be muliyega miya bobo'ana taloba 'ai'aili, 'enega gete tuga ma ida 'elouya tasidasida ta tayamwayamwa, be 'enega to tuta 'ena ooda 'ida gieauwau, be 'ida 'awanatuna 'ai'aileda.

Loma 8:3

Li'ama gete Mosese 'ina loina nigeya sawesawenaya, manuna bubuna tomota nenetana, ta esi Yaubada 'iguinuwena, manuna natu 'ai'ailina 'itagwalena ga 'imai bale'uya ga 'abo'ada toto'umalida bwalada 'i'otena, ga 'ida to'umalina manuna 'italiya ga to'umalina nina 'iewaiwai sinena,

1 Kolinita 1:7

ta wate Yaubada 'ina 'ebwaya bobo'adi maibo'adi 'emiya simiyami, tuta gete wayamwayamwa 'ida 'Inapwana Yesu Keliso 'ina apwesa limanama manuna.

1 Kolinita 15:54

Be 'etamo tuta gote 'enaya Buki Tabu 'ana 'awa'ai'aila 'ida apwesa, nate 'igwae, “'Ida ewaiwai 'ai'aila be mwawasa 'igugumwala.

1 Tesalonaika 1:10

ta Natuna wayamwayamwa be to tuta galewega 'ida ebusima. Tauna Yesu nina Yaubada mwawasega 'igietoolona be 'i'etoseyeda be 'aene geya'abo bwa'omatana 'ena taapweapwesa.

2 Tesalonaika 2:1

Gosemao, nuwanuwama be wada mwalamwalatoni 'ida 'Inapwana Yesu Keliso 'ina apwesa limana be 'ida egogona 'enaya manuna,

2 Timoti 4:8

'Enega ma'etamo 'ida 'Inapwana 'agu pali, bubuna palupaluna manuna, 'i'ebwa'egu. Ta pali nina ni'atu manugu 'igibubuna ga 'imiyami. Ta 'Inapwana nina ma ina loina palupaluna, 'abo 'asiyata nina 'iapwesama, 'abo'ada 'ina ilalimanama 'ana toyamwanao 'ada pali 'i'ebwa'eda.

Taito 2:13

Gete tuga ma ida gwausowala 'ada To'etoseyana Yesu Keliso taemisena, tauna 'ida Yaubada waiwaina ta ma ina esaesa, 'enega 'ina apwesama manuna tayamwayamwa.

Ibeliu 1:14

Ta aniloseyao taudi yaluyaluwa tuga ta toepilialeale, taudi Yaubada 'isa'udi be 'aene silemeda 'abo'ada, yaisigedi 'abo 'etoseyana manuna 'iesinuweda.

Ibeliu 10:10

Ta Yaubada 'ina nuwanuwa be Yesu Keliso bwalana 'italiyae sabi gie'esaseda 'ina mwawasa ma'ebweuna namo 'enega.

Ibeliu 12:14

Wada toowaiwai be wada miya siwalowa tomota ma'emiyao, ta wate wada toowaiwai be 'imi bubuna 'ida bobo'ana maibo'ana, manuna 'abo yaita nigeya 'ina bubuna bobo'ana geya'abo sa'i 'Inapwana 'i'ita'ita.

Ibeliu 2:3

'Abo'ada wate 'abo 'etoseyana nina sinabwana taguitoyasei, bwa'omatana taloba, ta nigeya kapekapeyana tadedena 'enega. Ona nina 'etoseyana manuna 'ida 'Inapwana Yesu 'igimisimana apwesena, 'enega 'ina onao 'ana togimi nonoyao 'abo'ada si'ebwa'eda.

Ibeliu 4:15

'Aidi totaliyao nigeya si'ate'atenuwa 'ole'oleyeda 'ida nenetao manudi, ta Yesu esi 'ida miyamwau 'inuwa sabwalenidi ta 'i'atenuwa 'ole'oleyeda, manuna lowa bale'uya Seitani 'ina 'ebetoo maibo'ana 'ilobedi nadigega 'abo'ada talobaloba 'esedi, ta Yesu nigeya 'ebweu wate 'iloeloegesi.

Ibeliu 5:9

ga 'enega 'ina bubuna maibo'ana palupaluna. 'Enega 'abo'ada wate 'abo taematamatanei, 'etoseyana ataya Yesu nina 'enega taloba,

Ibeliu 7:27

Ta gimi totaliyao 'asiyata 'ebweuna 'ebweuna Yaubada 'ena sitalitaliya, taudi 'idi to'umalinao, ta tomota wate 'idi to'umalinao manudi. Ta Yesu ma'ebweuna namo oona 'itagwalena ga 'italiyaena Yaubada 'ena manuda.

Ibeliu 9:25

Keliso nina geya'abo tuta yauna tauna bwalana 'i'ebwa'ebwaya nai 'italitaliya Yaubada 'enaya, nadigega yakwala 'ebweuna 'ebweuna Sena Tabu Wawasaena solanaya totaliya sinabwana 'ilugulugu be lalega 'italitaliya, ta lala nina nigeya tauna lalana.

1 Pita 2:24

Ona'ai'aila, Keliso tauna oonega 'ida to'umalinao 'i'aalidi kelose 'enaya, be gote 'enega 'aene 'ida bubuna to'umalidi sigugumwala, ta bubuna palupaluna 'enega tatatauya. Tauna 'ana badi 'enega 'imi bobo'ana walobena.

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.

2 Pita 3:12

Ta wada yamwayamwa ma imi nuwayaina 'Inapwana 'ina 'asiyata 'ina mai manini manuna, be tuta nina 'enaya Yaubada gimigalewa be gimibale'u 'iloesawalidi 'awe 'ala'alasina 'enega,

1 Yoni 3:2

Gosegwao, gete tuga Yaubada 'i'awanatuneda be ma'etamo to'ase 'iapwesa 'edaya? Nate namo tamwalamwalatoni 'aene 'ina ilalimanama 'enaya 'ana 'ita tauna tada 'ita, ta 'abo'ada 'ada 'ita 'iesa'u gelasedi be tauna nadigega.

1 Yoni 3:5

Ta wate tamwalamwalatoni 'aene Keliso nina 'imai 'ida bubuna to'umalidi sabi 'ewayauledi, ta tauna nigeya 'ebweu wate 'ina to'umalinamo.

Yude 1:21

ta wate oboboma Yaubada 'enega wagiyai'i'isi, be wayamwayamwa be to tuta 'ena 'ida 'Inapwana Yesu Keliso 'ina 'atenuwa 'ole'oleyega yawasimi ataya 'ida 'ebwa'emi.

E'ita'ita 1:7

Ta wa'ita tauna ma'etamo galewega 'imwa'utama pwana 'enega, be tomota yauyaudi be wate lowa 'ana tobadiyao maibo'adi sida 'ita, be 'enega tomiya bale'u sena maibo'adi 'ediya sida nuwamwau be matanaya sida dedoi. Nadigega. Eimeni.