Ibeliu 9:24 - Loina Tabu Auwauna NT

²⁴ Ta Keliso nigeya 'ilugulugu Anuwa Tabu 'abi'abina 'enaya, nate Anuwa 'ai'aila 'ana ma'ama'ayau tuga, ta esi galewaya 'ilugu ga Yaubada matanaya 'imiyami be 'ilemalema manuda.

Ibeliu 9:24 Σταυροειδείς Αναφορές

Madiu 18:10

“Gogama gete nadigega geya'abo 'ebweuna 'ediyega wae'idi'idiye. Ona'ai'aila, gogama nidi 'idi aniloseyao tuta maibo'ana galewaya Tamagu matanaya simiyami, ta siduneduneye.

Maki 14:58

“Yesu 'ina ona 'ebweu 'anononaya, 'igwae, ‘Anuwa Tabu gete tomota si'abinaya ma'etamo yalige yaulei be 'asiyata 'etoi 'ediya yada 'abilima, ta nigeya tomota nimadiyega.’ ”

Maki 16:19

'Ida 'Inapwana Yesu 'ina emataluwa 'ediya ni'atu 'ilosalonina ga 'itu'e galewaya, ga Yaubada 'atainaya 'imiyatowa.

Luke 24:51

'Ina ona oboboma nina 'enaya, 'aena 'i'ewena ga 'itu'e galewaya.

Yoni 16:28

'Abo'agu Tamagu 'enega yamai ga bale'uya yamiyami, 'enega gete tuga bale'u yapilipilisine ta yailaila Tamagu 'ena.”

Yoni 6:62

'Abo'agu Tomota Natuna ta mwa'adega 'eguma wa'itagu lowa sena nina 'enega yamaiya 'ena yatu'etu'e?

Guinuwa 3:21

Tauna ni'atu galewaya 'itauya, be 'ida miyami 'ana laba yage maibo'adi 'ida giepaepaludi, nadigega Yaubada 'ina palopitao lowaenei sigimi simanena.

Loma 8:33

'Enega nigeya sawesawenaya be 'ebweu yaita 'ie'ewada, manuna Yaubada nina ni'atu 'iesinuweda ga 'i'awa palupaluyeda.

2 Kolinita 5:1

Bwalada 'atuwa 'ida anuwa bale'uya, ta tamwalatonina 'abo 'ieligei, 'ida anuwa auwauna galewaya tada loba, nigeya tomota nimadiyega siguinuwena, ta esi miyamiya atayana tauna Yaubada 'enega.

Kolose 3:2

Wate 'imi nuwanuwao wada sa'udi yage galewa 'ediya ta geya'abo yage bale'u 'ediya,

Ibeliu 1:3

Ta Yaubada natunana tamana 'ina maedana 'imaemaedanae ta tauna Yaubada 'ilowa'eluna. Ta 'ina ona waiwaina 'enega yage maibo'ana galewaya ta bale'uya 'igiyagiyaidi. Ta 'ida to'umalinao 'ediyega 'igie 'esaseda, ga muliyega Yaubada Toloetana sana 'atainaya 'imiyatowa.

Ibeliu 12:2

Ta wate Yesu 'enaya tada sanalaga ataya, manuna Yesu nina 'ida emisa 'ana 'ebe e'ale ta 'ana 'ebe losalowa. Tuta nina Yesu bale'uya 'imiyami 'imwalatonina 'aene ma'etamo 'ebe gwausowala sinabwana 'ilobai, 'enega kelose 'ina 'elouya 'i'alama'i'itanena, omayamaya wate nigeya manuna 'inuwanuwa, ga 'ebe losalowa 'enaya 'itu'e galewaya ga Yaubada 'atainega 'imiyatowa.

Ibeliu 4:14

'Ida totaliya sinabwana ta bobo'ana 'imiyami, tauna Yesu, Yaubada Natuna, ni'atu manuda 'itu'e galewaya, 'enega 'ida emisa 'enaya tagiyai'i'isi.

Ibeliu 6:20

Gote 'ena Yesu ni'atu manuda 'igimilugu, ta 'ietotaliya sinabwana ta miyamiya atayana manuda, nadigega Melikisedeki lowaenei.

Ibeliu 8:2

Ta tauna 'ietoguinuwa Yaubada 'ina anuwa 'ai'aila 'ena. Anuwa nina tomota nigeya si'abi'abi, ta esi 'Inapwana tauna 'i'abina.

Ibeliu 8:5

Ta 'idi 'ebe taliya nina Anuwa Tabu solanaya. Ta Anuwa Tabu nina bale'uya 'ebe'ita nai ma'ama'ayau tuga, ta Anuwa Tabu 'ai'ailina galewaya 'imiyami. Manuna lowaenei muliyega be Mosese gimi Anuwa Tabu 'i'abiya, ta Yaubada 'iemataluwena, 'igwae, “Mosese, 'unuwa'i'isi anuwa nina 'ana 'ita maibo'ana ni'atu 'oyaya yae'itemu, maibo'ana 'uetotowane be 'igu Anuwa Tabu nina 'u'abi.”

Ibeliu 9:1

Gimi loina nina solanaya loina yauna simiyami tapwalolo manuna, ta wate anuwa tapwalolo bale'uya manuna.

Ibeliu 9:23

Anuwa Tabu 'ana gwegweyao galewaya simiyami, ta 'adi ma'ama'ayau bale'uya Mosese 'iguinuwedi, ga 'ilobwenena be lala 'ana guinuwega 'itataliya Yaubada 'enaya be 'igie'esasedi, ta esi yage nidi galewaya 'adi gie'esasa taliya bobo'ana wawasae 'enega, nate Keliso lalanega.

1 Pita 3:22

tauna ni'atu 'itu'e galewaya ga gete tuga Yaubada 'atainaya 'imiyami, ga aniloseyao be galewa 'adi toloinao maibo'adi 'iloiloinedi.

E'ita'ita 8:3

Ta wate 'ebweu anilose ma ina gaeba goula 'imai, ga 'ebe taliya selabenaya 'itoolo. Ta 'ebe taliya nina nate Yaubada 'ina 'ebemi esaesa selabenaya. 'Enega Yaubada gaeba goula nina 'iloemaena gala'u 'enega, ga anilose nina 'i'ebwa'ena, 'enega anilose nina 'ebe taliya 'ena 'isa'una be 'igabu. 'Igabuna ga 'asuna ta maina bobo'ana be wate Yaubada 'ina tomotaiyao 'idi sidasidao situ'e leleleya galewaya.