Ibeliu 8:7 - Loina Tabu Auwauna NT

⁷ 'Eguma loina kadekadelina maibo'ana tomota 'ida lemediya, geya'abo tada nuwanuwa loina auwauna manuna. Ta nigeya 'ilemelemedi, 'enega auwauna nuwanuwada.

Ibeliu 8:7 Σταυροειδείς Αναφορές

Galetia 3:21

Geya'abo wanuwanuwa 'aene Mosese 'ina loina Yaubada 'ina onaupaupa 'ietalauwalena? Manuna nigeya 'ebweu wate loina sawesawenaya be yawasida 'i'ebwa'eda, nai 'ida bubuna 'ida giepaepaluyedi. Nigeya.

Ibeliu 7:11

Libai tubunao taudi 'idi guinuwa Yaubada 'ina loinao me Isileli sie'itada, ta loina nina nigeya sawesawenaya 'igiepalu 'ai'ailida, 'enega nuwanuwada 'ebweu totaliya auwauna be 'igiepaluda. Totaliya nina nadigega Melikisedeki, ta nigeya Eloni matubunao nadigega.

Ibeliu 7:18

Ona'ai'aila, Mosese 'ina loinao nigeya sawesawediya be 'ebweu to'ase sigiepalu 'ai'aili. 'Enega gimi loina tapilisinena, manuna nenetana, ta 'enega emisa auwauna ta bobo'ana 'iapwesama, be emisa nina 'enega Yaubada taloselabe.

Ibeliu 8:6

Ta gete tuga Keliso 'ina guinuwa, guinuwa kadekadelidi 'ibobo'ana sinedi, nadigega wate 'ina loina gimi loina 'ibobo'ana sinena, manuna 'ina loina nina onaupaupa auwauna 'enega 'iapwesama. Ta onaupaupa nina gimi onaupaupa 'ibobo'ana sinena.