Ibeliu 6:2 - Loina Tabu Auwauna NT

² bapitaiso 'ana e'ita, ta wate 'ada toanuganao nimadi 'adi sa'u debadaya, be tomwawasa 'idi toololimana, ta to'umalina 'ana e'isa esilae ataya. E'ita getedi ni'atu wamwalatonidi.

Ibeliu 6:2 Σταυροειδείς Αναφορές

Madiu 28:19

'Enega watatauya be sena maibo'adi 'ediya waloguguya, be 'enega tomota sida emisegu, be wate wagiebapitaisoedi Tamagu 'ana esanega be Natuna 'abo'agu 'agu esanega be wate Yaluyaluwa Tabuna 'ana esanega.

Madiu 3:14

'Enega Yoni nuwanuwana Yesu ma'iyana sida sa'ugelasa, ga 'igwae, “'Ilobwenena be 'oyo 'ugie bapitaisoegu, ta mwa'adega ga 'enega 'umai be 'aene 'abo'agu yada giebapitaisoeyo?”

Maki 16:16

'Enega yaisigedi siemisegu wada giebapitaiseodi, be 'etoseyana sida loba, ta 'abo yaisigedi nigeya siemiemisa ma'etamo loina to'umalina siloba.

Maki 7:4

Ta 'eguma 'ebe gimwane 'enega simamai wate si'esiwe be 'enega si'a'a. Ta wate loina yauna tubudiyao 'ediyega gaeba be keiga be 'ulena 'adi 'utu manudi simuliyedi.

Maki 7:8

Ta Yesu 'ieonedi wate, 'igwae, “Ona'ai'aila 'imi bubuna to'umalina, 'enega Yaubada 'ina loina wasa'u kwaiyena ta tubumiyao sa'i 'idi bubuna wamulimuliyedi.”

Luke 11:38

Ta Palisi nina nuwana 'iowana manuna Yesu 'i'itena nimana nigeya 'i'utu'utudi ta 'i'e'ai.

Luke 12:50

Ta esi tuta gidalina be bapitaiso to'umalina yaloba, 'enega ma igu 'atesa'ala be 'ana laba bapitaiso nina 'eguya siguinuwe.

Luke 14:14

be 'enega 'awabobo'ana 'ai'aila 'uloba, manuna gete taudi nigeya sawesawediya be 'imu oboboma nina sie'isa. Ta esi Yaubada 'enega 'amu e'isa 'uda loba, tuta nina 'abo tobobo'adi mwawasega 'igietoolodi.”

Luke 3:16

'Enega Yoni 'iona apwesa 'ediya, 'igwae, “'Abo'agu bwasiyega tuga yagie bapitaisoemi, ta esi 'ebweu tai muliguyega 'imeemai be Yaluyaluwa Tabuna nadigega 'awe sabelulu 'enega 'igie bapitaisoemi. Tauna 'isinabwa sinegu, 'enega nigeya 'ilobwelobwenegu be 'ana 'aelawa yali'ami.

Yoni 1:33

Lowa nigeya yamwalamwalatoni yaita tauna, ta Yaubada tauna 'ietuneguma be bapitaiso bwasiyega yada guinuwedi, ga 'eguya 'isimanena, 'igwae, ‘'Etamo Yaluyaluwagu 'uda 'ita 'ida mwa'utama be tai 'ena 'itotowa, tauna nate Yaluyaluwa Tabunega 'ida giebapitaiso tomota 'ediya.’ ”

Yoni 5:29

be 'ali'aliyega sida apwesama, be taudi 'idi bubuna bobo'ana yawasidi sida loba, ta taudi 'idi bubuna to'umalina bwa'omatana sida loba.

Guinuwa 10:47

“Gosegwao! Wa'ita! Yaluyaluwa Tabuna ni'atu si'ewena, nadigega lowa 'abo'ada. 'Enega nigeya sawesawenaya 'idi bapitaiso bwasiyega ta'etobode, aga?”

Guinuwa 13:3

'Enega Yaubada 'ena sisidasida limana mabotanidi, ga sigidebedi, ga Banaba be Saulo sietunedi 'idi guinuwa nina manuna.

Guinuwa 16:15

ga tauna ma ina susuyao 'agie bapitaisoedi. Ga muliyega 'isidema, 'igwae, “'Inapwanao, wamwalatonigu 'aene ni'atu Yesu yaemisa 'ai'ailena, 'enega kapekapeyana wamamai be wae'owaga 'igu anuwaya?” Ta 'igewagewanema, ga 'enega 'atauya.

Guinuwa 16:33

Boiboi gote 'ena 'i'au'ewa apwesedi ga 'adi 'abiyama be lala sapiyega silobenaya 'i'utudi, ga tauna ma ina susuyao sibapitaiso.

Guinuwa 17:18

Ta 'aidi tosinasinapuyao wate, taudi sieesedi Epikulo, be 'aidi Sitoike wate, Paulo ma'enao sieonaona, ga 'aidi taudimo 'ediya siemwaemwasala, sigwae, “Na! Kabaleya nina to'ase 'ioneone?” Ta 'aidi sigwae, “Nai mali yaubadao manudi 'iloguloguguya.” Manuna sinononaya Yesu 'ina toololimana mwawasega manuna 'iloguloguguya.

Guinuwa 2:38

'Enega Pita 'igwae, “'Imi guinuwa to'umalina 'ediyega wada nuwa'ebuni, be maibo'ami To'etoseyana Yesu 'ana esanega 'ada giebapitaisoemi, be 'imi to'umalinao 'ida nuwataudi, be wate Yaluyaluwa Tabuna 'ida 'ebwa'emi.

Guinuwa 2:41

'Enega 'asiyata nina 'ena 'aina tomota Pita 'ina ona sinonona ga sibapitaiso, ta 'adi yau nadigega 'etoi tausani,

Guinuwa 23:6

Gete tuga Paulo 'i'itena 'aene todeli egogonao nidi boda 'eluwa 'ediyega, 'ebweu Sadusiyao, ta 'ebweu Palisiyao, ga 'ediya 'ibwau apwesa, 'igwae, “Tasigwao, 'abo'agu 'ebweu Palisi 'idi boda, manuna tamagu tauna wate Palisi 'idi boda, ta 'igu etala gete 'alena manuna yaemisa 'aene tokwaiya mwawasega sida toololimana.”

Guinuwa 24:15

ta wate yaemisa 'aene Yaubada tokwaiyao 'igietoolo limedi, tobobo'adi be toto'umalidi, nadigega taudi wate 'idi emisa.

Guinuwa 24:21

“Ta 'ebweuna namo ona yabwau apwesena, tuta nina gamwagamwanidiya yatootoolo, ga manuna sie'ewegu, nate ona'ai'aila. Ta 'igu ona nina 'aene ‘Batuwa matamiya yaetala manuna yaemisa 'aene tokwaiyao sida toololimana.’ ”

Guinuwa 24:25

Ta Pilikesa 'atena 'isa'ala, tuta nina Paulo 'ina guguya 'inonona, bubuna palupaluna, be 'atepa'ala, be bwa'omatana 'imeemai manudi, ga Pilikesa 'igwae, “Tuwa! Ta 'uila, be 'abo to tuta kapekapeyana 'eguya 'enega yada bwauyeyo wate.”

Guinuwa 26:8

Ta mwa'adega ga 'imi nuwanuwa 'aene nigeya kapekapeyana be Yaubada tokwaiya 'igietoolo limadi, aga?

Guinuwa 4:2

ma idi gamwasowala manuna Pita be Yoni pwaluyao sie'itedi 'aene Yesu mwawasega 'itoolo limana.

Guinuwa 6:6

'Enega tai getedi sigilagasidi Yesu 'ana tosimanao matadiya, ta sigidebedi ga manudi sisidasida Yaubada 'enaya, ga guinuwa nina sie'alidi.

Loma 2:16

Nadigega tuga tetela bobo'ana yaguguyaena 'emiya, 'aene bwa'omatana 'ana tutaya Yaubada Yesu Keliso 'ida loine, be tauna tomota 'idi nuwanuwa kwaikwaiyidi manudi 'ida 'awato'umaliyedi nai 'ida 'awabobo'anedi.

1 Kolinita 10:2

'Enega pwana be ola 'ediyega 'idi bapitaiso silobena 'aene Mosese 'ana tomuliyao,

1 Kolinita 12:13

Manuna maibo'ada ni'atu tabapitaiso, yaluyaluwa 'ebweuna 'enega, ga ni'atu taeboda 'ebweuna. 'Abo'ama me Yudia be 'omi mali senao 'ediyega, be tomiya mwau be tomiya bobo'ana, ta ni'atu maibo'ada taeboda 'ebweuna Yaluyaluwa Tabuna nina 'edaya 'imiyami 'enega.

2 Kolinita 5:10

Manuna ma'etamo 'abo tuta nina Keliso 'ina 'ebemi esaesa 'ena 'imiyatowa sabi loineda, maibo'ada 'ada e'isa 'enega tada loba, nai bobo'ana nai to'umalina, nadigega 'ida guinuwao bada bale'uya.

Pilipai 3:21

Be tuta nina 'iilama ooda 'ida sa'ugelasedi; batuwa nenetadi, ta 'ida sa'ugelasedi 'atuwa tauna oona waiwaina ta 'esasena nadigega, ta 'ina guinuwa gete tauna 'ina waiwaiyega, manuna tauna sawesawenaya be yage maibo'adi 'ediya 'ietoloina.

Kolose 2:12

'Enega wate Keliso ma'emiya bapitaiso walobena, 'atuwa sisa'u 'ali'aliyemi, ta wate Keliso ma'emiya 'imi bapitaisoega watoolo limana, manuna Yaubada 'ina waiwai waemisena 'aene Keliso mwawasega 'igietoolo limena.

2 Timoti 2:18

ga siteluwa nidi ni'atu e'ita 'ai'aila sipilisinena ta sigwae, “Tomwawasa 'idi toololimana 'ana tuta ni'atu,” ga 'aidi gosediyao 'idi kabo nina sinonona, ga 'enega 'idi emisa ni'atu 'ineneta.

Ibeliu 11:35

'Aina iine wate 'idi tokwaiyao mwawasega sitoolo limana. Ta wate 'aidi toemisao 'adi talauwalao 'ediyega 'elouya silobena, manuna sitoodi 'aene sigiesana iledima be emisa silosa'u, ta sitoo yogenedi, manuna 'idi emisa pa'alina 'aene ma'etamo mwawasega sitoolo limana be yawasidi bobo'ana si'ewa.

Ibeliu 9:10

'eguma loinao nidi tomota simulimuliyedi masula be bwasi be mali esiwe be mali esiwe manudi. Manuna lowa loina nina kadekadelina Yaubada 'isa'una ga 'imiyami 'ana laba Keliso 'iapwesa be loina 'isa'u gelase.

2 Pita 3:7

Ta Yaubada 'ina onega galewa be bale'u ni'atu 'isa'ububudi, ga siyamwayamwa be 'asiyata loina 'enaya 'igabu yauledi, ta toto'umalidi 'iloesawalidi.