Ibeliu 6:19 - Loina Tabu Auwauna NT

¹⁹ 'Ida nuwayaina nina 'atuwa 'ida loomu waiwaina, be 'enega kaleko pitaupa talubwale be talulugu Yaubada 'ina 'ebemiya 'ena.

Ibeliu 6:19 Σταυροειδείς Αναφορές

Madiu 27:51

Ta kaleko nina Anuwa Tabu 'ana pitaupa 'iesabuluwena etanega ga 'imwa'uta 'ubunaya, ta mwani'ini'i 'idedela, ga gulewa sinabwadi siepisalidi.

Guinuwa 23:6

Gete tuga Paulo 'i'itena 'aene todeli egogonao nidi boda 'eluwa 'ediyega, 'ebweu Sadusiyao, ta 'ebweu Palisiyao, ga 'ediya 'ibwau apwesa, 'igwae, “Tasigwao, 'abo'agu 'ebweu Palisi 'idi boda, manuna tamagu tauna wate Palisi 'idi boda, ta 'igu etala gete 'alena manuna yaemisa 'aene tokwaiya mwawasega sida toololimana.”

Guinuwa 27:29

Ta simatauta geya'abo be gulewa 'ena 'atutula, ga waga kuliginega loomu ata siuledi, ta sisidasida tomwa manuna be 'ida ulisi manini.

Guinuwa 27:40

'Enega loomu si'upwa yauledi ga ni'uya sigisinedi, ta wate pwalowa 'ana balaeyao sili'amidi be sipwapwalowa, ta naya nuganaya silisi tu'eyena be situtupa dabala nina manuna.

Loma 4:16

Gete 'enega tada mwalatoni 'aene emisa namo 'enega onaupaupa bobo'ana taloba, nate Yaubada 'ina oboboma tuga, ta nigeya 'ida guinuwa 'ana e'isa 'enega. Ta onaupaupa nina Ebelaamo tubunao maibo'ada ni'atu talobena, ta nigeya 'aene loina 'adi toematamatanao dimo, ta esi taudi 'idi emisa nadigega Ebelaamo 'ina emisa leleleya talobaloba, manuna Ebelaamo nina tauna tuga nadigega maibo'ada tamada.

Loma 4:18

Ta Ebelaamo onaupaupa nina 'aene tauna sena yaudi tamadi 'inuwayaina sinabwana be 'aene 'etamo 'ida apwesa. 'Anabwa'ayoi 'aina yage mwaudi 'ilobedi, ta tuga 'ie'alama'i'itana manuna Yaubada 'ieonena, “'Etamo tubumwao yaudi sida apwesa.”

Loma 5:4

'iabe 'ediyega 'ida bubuna sida palupalu. Gote 'enega tanuwayaina 'aene ma'etamo Yaubada 'ida obobomeda.

1 Kolinita 13:13

Yage sinabwadi 'etoi simiya ataya, nate emisa, be nuwayaina, be oboboma, ta maibo'adi 'ediyega oboboma 'isinabwa sinedi.

1 Kolinita 15:58

Ta wate gosegwao yalokagutoki sinabwana 'emiya, be yaloguguyami be wada toolo pa'ala, be tuta yauyauna wada etapewa 'Inapwana 'ina paisewa 'enaya, manuna ma'etamo 'Inapwana 'ina paisewa nina 'enega uwana tada loba.

Epeso 2:6

ta wate Keliso ma'edai, 'igilagasida, ga 'ebemiya galewaya Yesu Keliso 'enega 'i'ebwa'eda, tauna Yaubada nina ma'edai.

Kolose 1:27

Mwalatoi gete lowa kwaikwaiyina, ta 'ibobo'ana wawasae, Yaubada nuwanuwana be 'iloeapwese 'omi nigeya me Yudia 'emiya. Mwalatoi nina nate Keliso 'atemiya 'imiyami, be tauna 'enega wada nuwayaina 'aene sena esaesa 'ena walulugu.

Kolose 3:1

Manuna Keliso ma'emi ni'atu watoolo limana, 'ilobwenemi be galewa yagenao wa'ebesedi, manuna Keliso nina Yaubada 'atainaya galewaya 'imiyamiya.

2 Timoti 2:19

Ta esi Yaubada 'ina ona 'ana 'autui pa'alina 'enaya lowa si'etoladina 'igwae: “'Inapwana 'ina tomotaiyao 'imwalatonidi,” ta wate 'igwae, “Taudi 'Inapwana 'ena ni'atu sitagwalediya, 'ilobwenedi be 'idi bubuna to'umalidi siguitoyasedi.”

Ibeliu 4:16

'Enega ma ida 'atepatu talalaga be tasidasida 'ada Toloina nina 'ena, be 'enega 'ida miyamwau 'ediya 'ida 'atenuwa 'ole'oleyeda, be wate 'ilemeda.

Ibeliu 9:3

Ta Sena Tabu Wawasae solanaya 'ebe gabu 'imiyami gala'u manuna, nate goula 'enega siguinuwena, ta wate loina 'ana dedewaga 'imiyami, nate goula 'enega siguinuwena, ta dedewaga nina solanaya gaeba goula 'imiyami, ta gaeba solanaya tubudao 'adi masula 'ana esana mana, tupwana 'imiyami. Be wate dedewaga nina solanaya Eloni 'ina 'etoguna, nate lowa 'itabwaya, be wate gulewa nidi Yaubada 'ina loinao 'ediya 'i'etoladidi simiyami.

Ibeliu 9:7

ta esi Sena Tabu Wawasae nina totaliya sinabwana namo 'ena 'ida lugu, ta yakwala 'ebweu solanaya ma'ebweuna namo. Ta tuta nina 'ilugulugu lala 'i'ewa ta lala nina 'iloseuseuli, be 'enega 'italitaliya Yaubada 'enaya 'ina bubuna to'umalidi manudi, ta wate tomota maibo'adi 'idi to'umalinao manudi.

1 Pita 1:3

Yaubada tada tupu, tauna 'ida 'Inapwana Yesu Keliso tamana, manuna 'i'atenuwa 'ole'oleyeda sinabwana, ga tubuwa auwauna 'i'ebwa'eda Yesu Keliso 'ina toololimana mwawasega 'enega. Gete manuna tuta yauna tanuwayaina 'aene 'ina obobomao galewaya ma'etamo talobadi.